Өстәл  уеннары  ярдәмендә кечкенәләр төркеме балалары төсләрне аерырга, аларны дөрес атарга өйрәнәләр.

Бүген уртанчылар төркеме балалары атна темасы буенча планлаштырылган рәсем конкурсына үзләренең рәсемнәре белән катнаштылар.Алар бик тырышып ак аю һәм аның өен ясадылар.Шулай итеп алар атна дәвамында алган белемнәрен тулыландырдылар. Көн ахырында тәрбияче апалары белән берлектә күргәзмә оештырдылар, иң матур һәм пөхтә эшләрне башкаручыларны билгеләделәр.

Уртанчылар төркеменә йөрүче балалар һәр көнне дежур торуны оештыралар. Балалар бу эшкә бик теләп тартылалар. Болай эшләү балаларны кечкенәдән үк мөстәкыйль, тырыш, хезмәт сөючән, чиста, пөхтә һәм ярдәмчел булырга өйрәтә. Алар үзләрен бу көнне бик җаваплы һәм өлкән итеп хис итәләр. 

Зурлар төркемендә балаларны төньяк, көньяк илләре белән, халкы, аларның культурасы белән таныштыру,андагы табигать, hава торышы , яшәүче хайваннар турында белем бирү йөзеннән, бу атнаның темасы:" Җир шары буенча сәяхәт" дип аталды. Бүген исә атна буе алган белемнәр ныгытылды.

Бүген бакчабызда әти-әниләр җыелышы булып узды.Чара башта гомуми төстә оештырылса,икенче өлештә һәрбер төркемнең әти-әниләре үз балаларының тәрбиячеләре белән,төркемнәргә таралыштылар.

Көн тәртибенә спорт һәм көндәлек өс киемнәре,балалар бакчасы өчен түләү тәртибе,көндәлек йөрешне тәртипкә кертү куелды.Сүз шулай ук балаларның портфолиолары,шөгыльләре,мәктәпкә әзерлек төркеменең гомуми белем бирү мәктәбенә шөгыльгә йөрүе,бассейнга йөрү тәртибе турында да барды.

Әти-әниләргә тәрбияче биргән биремне көндәлек үтәп бару тиешлеге азсызыкланды.Шулай ук һәр пәнҗешәмбе көн "День русского языка" дип аталачагы турында да белдерелде.

Бүген икенче кечкенәләр һәм уртанчылар төркеме балалары төзү шөгыленә килгән өч аюга карават һәм урындыклар ясап бүләк иттеләр.

Спортны ярату кирәк

Безнең һәммәбезгә дә.

Сәламәтлек үзе бәхет

Киләчәк көнебездә.

Бу атнада уртанчылар төркемендә йомгаклау чарасы итеп күңелле эстафета- спорт уеннары планлаштырылган иде. Балалар спорт уеннарында теләп катнаштылар. Үзләренең җитезлекләрен күрсәттеләр.Шөгыльдән соң көр күңел белән өйләренә кайтып киттеләр.

Тәрбияче Шәкүрова Ч.Н. Казан- Түбән-Камада 30.10.15-01.11.15 көннәрендә "Управление качеством образования в новых социокультурных условиях: опыт, проблемы, перспективы" темасы буенча булып узган Бөтендөнья фәнни-практик конференциядә катнашып, чыгыш ясап, үзенең эш тәҗрибәсе белән уртаклашып, I дәрәҗә дипломга лаек булып кайтты.Аның чыгышы "Шөгыльләрдә милли-төбәк компонентын куллану алымнары" дигән теманы чагылдырды.Аңа киләчәктә дә уңышлар телибез.

Икенче кечкенәләр һәм уртанчылар катнаш төркеме балалары белән табигать материалы күркә кулланып урманда яшәүче кечкенә кешеләрне ясадык. Балаларга бу шөгыль бик ошады, кызыксынып һәм шулай ук фантазияларын эшкә җигеп шөгылләнделәр.