Уртанчылар төркеме балалары белән кышлаучы кошлар турында сөйләштек. Кышын аларга азык табуы авыр булуы, аларга ярдәм итәргә кирәклеге турында әңгәмә кордык. Балалар үзләре дә төзелеш материаллары кулланып, кошларга "җимлек" төзеп уйнадылар.  

Зурлар төркеме балалары бүген инвалидлар декадасы кысаларында картлар йортында концерт күрсәтте.Чыгышларны өлкәннәр җылы каршыладылар,рәхмәтләрен белдерделәр.Картлар йорты коллективы балаларның тагы шундый матур чыгышлар алып килүләрен көтеп калдылар.

Белым снегом нас покрыло:

И деревья и дома.

Свищет ветер легкокрылый-

Здравствуй, зимушка-зима!

Салкын, саф hава,

Йомшак кар ява...

Рәсем шөгылендә нәниләр бармаклар ярдәмендә кар явуын сурәтләделәр.

Бүген бакчабыз балалары, тәрбияви максат белән, урта мәктәп балалары Санкт-Петербург шәһәренә барып сәхнәләштергән шушы исемдәге әкиятне экраннан карадылар.Әкиятнең сюжеты кешелеклелекне,авыр вакытта бер-береңә ярдәм кулы сузуны чагылдыра.

Бүлмәдә чыршы агачы,

Ул яшелдән киенгән.

Чыршы безгә урманнан

Кунак итәргә килгән.

Бүген балалар чыршы агачы, аның үзенчәлекләре белән таныштылар. Чыршы тирәли җырлап әйләнделәр.

Зурлар төркеме балалары бүген мәдәният йортында шушы исем астында үткәрелгән кичәдә чыгыш ясадылар.Башкарылган "Про маму" җырын һәм күңелле биюләрен тамашачы көчле алкышлады.Кичә соңында  мәдәният сарае мөдире һәм Мишә авыл советы җирлеге сәркатибе бакча балаларына һәм тәрбиячеләренә рәхмәт сүзләре җиткерделәр.

Сегодня праздник наш любимый,

Веселый, добрый, нежный, милый.

Для мам мы песенки споем, 

Станцуем и стишки прочтем.

Бүген уртанчылар төркеме балалары үзләренең яраткан әниләренә бик тырышып бүләк ясадылар.

Нәни кулларым белән мин,

Тик сиңа диеп кенә.

Әзерләдем бүләгемне,

Бик зур көч куеп менә!

Зурлар төркемендә Әниләр көне уңаеннан "Әнием - җылы кочагым" дип аталган Бәйрәм иртәсе булып узды.Балалар газиз әниләрен бәйрәм белән тәбрикләделәр.Русча - татарча җырлар биюләр белән үрелеп барды.Кичәгә дәү әниләр дә килгәннәр,оныклары аларга котлау сүзләре ирештерделәр.Балалар шулай ук килгән кунакларга "Өч кыз" әкиятен дә сәхнәләштереп күрсәттеләр.Бәйрәм соңында тәбрикләүләргә җавап итеп,әти - әниләр, дәү әниләр бәйрәм белән котлау сүзләрен һәм шушындый күңелле кичә оештырганыбызга чын күңелдән рәхмәтләрен белдерделәр.