28 мартта район мәктәпләре арасында район беренчелегенә үткәрелгән волейбол ярышында мәктәбебезнең егетләр командасы I урынны алды. Кызлар командасы IV урында. Без укучыларыбызны ,тренерлары Файзрахманов И.Х ны һәм физкультура укытучысы Мустафин Р.С.ны  уңышлары белән котлыйбыз!

Каникул вакытында тимурчылык эше туктап тормый. 9 нчы сыйныф укучылары Мубаракшин Р., Краснова В. Иске Мичәндә яшәүче өлкәннәргә  ярдәм иттеләр.

Бүгеннән укучыларның язгы каникуллары башланды. Каникул күңелле  үтсен, укучыларыбызның тормышы имин булсын дигән максат куеп, укучылар белән очрашуга Саба районы янгын күзәтү бүлегенең баш инспекторы Габдрахманов  Раиль Васильевич килде.  Янгыннар вакытында килеп туган психологик хәләт, беренче адымнар турында аңлатты һәм укучыларның белемнәрен тикшерде. 

4 Апрель дә укучылар арасында “Аҗаган- 2014” хәрби – патриотик уены үткәреләчәк.  ОБЖ  укытучысы Ибрагимов Р.З. каникул вакытында укучыларны ярышка әзерли башлады 

Теплицада кыярның беренче уңышы җыеп алынды.

9 нчы сыйныф укучылары рус теленнән имтиханга әзерлек консультациясенә килделәр. 

23 март көнне “Нәүрүз” бәйрәме уңаеннан Мичән авыл җирлеге беренчелегенә волейбол ярышы уздырылды.. Уенда мәктәп укучылары (егетләр, кызлар), укытучылар (хатын-кыз, ир-ат), авыл яшьләре командалары катнашты.

22 март көнне Тимершык урта мәктәбендә волейбол буенча укучылар арасында зона ярышы үтте. Мәктәбебез егет-кызлары беренчелекне алып кайттылар. Аларга районда узасы ярышта уңышлар телибез.

22 март көнне гөрләп “Нәүрүз” бәйрәме узды. Укучыларыбыз бәйрәмнең тарихы белән таныштылар, язга багышланган җырлар, биюләр башкардылар. Төрле кызыклы уеннар  уйнадылар. Ахырдан бергәләп карга боткасы һәм коймак белән сыйландылар. Бәйрәмнән шат күңел белән таралыштылар.

Бүген мәктәптә иң күңелле көн булды! "Самавыр" бәйрәме матур җырлар, самавыр тарихы белән башланып китте. Һәр класс өстәлгә самавыр кайнатып куйды һәм татар халык ашларыннан ярминкә оештырды. Ярминкә дә бәйрәм дә барыбызга да ошады.