10 февральдә мәктәп күләмендә  “Сәламәт балалар – сәламәт гаиләдә” темасына дәресләр булды.  Дәресләрдә “сәламәт гаилә” төшенчәсе ачыкланды һәм  балаларның сәламәтлеге нигезе өйрәнелде. Дәрескә Иске Мичән авылы фельдшеры Загидуллина М.И. чакырылды. Аның чыгышы укучыларда зур кызыксыну уятты.

Бүген  җыелышта чыгарылыш класс укучыларының  ата- аналарына  бердәм дәүләт имтиханнары һәм төп дәүләт имтиханнарын үткәрү локаль актлары  , имтихан тәртибе, укучыларның  әзерлеге турында  сөйләшенде. Алда торган сынауларның тәртибе аңлатылды.

Бүген мәктәп күләмендә “Чаңгы юлы -2014”  чарасы оештырылды. Укучыларыбыз һәм укытучылар үзләренең сәламәт булуларын тагын бер кат сынап, тиешле аралыкны йөгереп уздылар.

Январь аенда булган чараларның фотоларын медиатекадан - январь2014 бүлегеннән карый аласыз.

27 нче гыйнвар – Ленинград блокадасы өзелгәнгә 70 ел тулган көн. 1941 нче елның 8 нче сентябреннән 1944 нче елның 27 нче гыйнварына кадәр шәһәр камалышта кала. 871 көн буе Ленинград фашистларга бирелмәс өчен көрәшә. Шәһәр эчендә туктаусыз бомбалар ява, ачлык, кая карама җимереклек. Бердәнбер тормыш юлы - Ладога күле аша уза торган юл. Мондый шартларда да рухын сындырмаган, бирешмәгән халкыбыз өчен горурлык хисләре уяна бездә.
Бүген, 28 нче гыйнварда, мәктәптә Ленинград блокадасы темасына багышланган сыйныф сәгатьләре үткәрелде. Сугыш чоры балалары язмышы турында сөйләгәндә, күбесенең күзендә яшь иде. Башка беркайчан да сугыш булмасын, илебездә тынычлык, иминлек булсын иде, дип тели балалар.

18 гыйнварда теплица  өчен кыяр орлыклары туфракка чәчелде. Озак та үтми 4 төрле  сорттагы кыяр үсентеләре  тишелеп чыкты. Кышкы салкыннардан курыкмыйча , матур гына өскә таба үрмәлиләр.

Бу атнада “Минем гаиләм” атналыгында  газеталарга, рәсемнәргә, шәҗәрәләргә конкурс  оештырылды. Барлык эшләр тикшерелеп бәяләнде. Атналык линейкада катнашкан укучыларга грамоталар, рәхмәт хатлары тапшырылды.