27 март көнне Чаллы шәһәрендә үткәрелгән "Ломоносов укулары" дигән фәнни конференциядә  8 нче сыйныф укучысы Гарифуллина Илсинә 2 нче урын яулады. Фәнни җитәкчесе Нуруллина Зәмфирә Фәнәвиевна. илсинәгә киләчәктә дә уңышлар телибез!

26 март көнне Яр Чаллы шәһәрендә "Сәхнә көзгесе" республикакүләм милли балалар театр фестивале үткәрелде. Монда безнең мәктәптән Миннеханова М.Ф. җитәкчелегендәге 5 нче сыйныф коллективы уңышлы чыгыш ясап , III нче  дәрәҗә диплом белән бүләкләнделәр. Алар тамашачыларга Ф.Яруллинның "Бәхет ачкычы" спектаклен тәкъдим иттеләр.

26 март көнне Кукмара районында "От творчества учителя к творчеству ученика" төбәкара фестиваль - конкурсы уздырылды. Декоратив - гамәли сәнгать номинациясендә 5 сыйныф укучысы Нуриева Ләйсәния 3 нче урынга лаек булды. Укытучысы- Фәлванова Айгөл Фидаилевна. Аларга алга таба да уңышлар телибез.

23 март көнне 6 нчы сыйныф укучылары Нурия Әлхамовна җитәкчелегендә "Әле дә ярый сез бар дөньяда" дип аталган чара үткәрделәр. Бу чарага укучыларның әбиләре чакырылган иде. Укучылар үзләренең матур чыгышларын күрсәттеләр, үз куллары белән эшләгән бүләкләр тапшырдылар. Укучылар әбиләре турында, ә әбиләр оныклары турында матур сүзләр әйттеләр. Барлык катнашучылар да бәйрәмнән канәгать калды.

Кичә мәктәбебездә 5 нче сыйныф укучыларының "Гаилә бәйрәме" булып үтте. Бәйрәмдә әти- әниләр, укучылар һәм аларның беренче укытучылары катнашты. Кичәнең беренче өлешендә укучылар үзләренең чыгышларын күрсәттеләр, ә икенче өлештә гаиләләр өч командага бүленеп үзара көч сынаштылар. Бәйрәм чәй табыны артында дәвам итте. Бу бәйрәмне оештырган 5 нче сыйныф җитәкчесе Миннеханова Миңсылу Фәнәвиевнага рәхмәтебезне белдерәбез.

16-17 март көнне Иҗат йортында "Президент уеннары" дип аталган Бөтенроссия спорт ярышларының район этабы булды. Беренче көнне командалар Олимпия уеннарына багышланган иҗади чыгыш күрсәттеләр һәм сорауларга җавап бирделәр. Безнең мәктәп командасы бу бәйгедә 1 нче урын алды һәм икенче көнне үтәчәк ярышта катнашу хокукына ия булды. Уенда катнашкан барлык укучыларга һәм җитәкчеләре Гөлфинур Фәрхетдиновнага алга таба да уңышлар телибез.

Бүген мәктәбебездә Әлифба бәйрәме булып узды. 1 нче сыйныфларның чыгышы бик матур һәм эчтәлекле булды. Сыйныф җитәкчеләре - Галимова Гөлчәчәк Хөснулловна. Бәйрәмнең икенче өлешендә укучылар Миңсылу Фәнәвиевна җитәкчелегендә өйрәнгән "Урман аланы" әсәрен сәхнәләштерделәр .  Бәйрәм әниләргә дә, укытучыларга  да бик ошады.

Бүген мәктәптә II Республикакүләм "Теле барның иле бар" конкурсының район этабына сайлап алу туры үткәрелде. Һәр сыйныфтан бер укучы туган тел турында шигырен сөйләде. 3 укучы район этабында катнашачак. 

10 март көнне башлангыч сыйныфлар атналыгы кысаларында "Кем өлгер, кем җитез?" дип аталган эстафета үткәрелде. Укучылар ике командага бүленеп кызыклы уеннарда көч сынаштылар.

6 март көнне 11 сыйныф укучысы Фатыйхов Фәннур Мансур Мозаффаров истәлегенә оештырылган  VII Республикакүләм "Дулкыннар" конкурсында катнашып Гран- прига лаек булды. Җитәкчесе- татар теле һәм әдәбияты укытучысы Нуруллина З.Ф. 7 март көнне үздырылган гала- концертта Фәннур үзен алып баручы буларак күрсәтте.Аңа алга таба да уңышлар телибез.