Мәктәбебездә  6 нчы апрель көнне 5-9 нчы сыйныф  укучылары өчен  ГТО  темасына багышланган класс  сәгате  үткәрелде.Дәрестә  укучыларга  ГТО ның тарихы, әһәмияте турында  мәгълүмат  җиткерелде.

Кадерле Гөлсинә Раяновна!
Сине олы бәйрәмең — 55 яшьлек юбилеең белән чын күңелдән котлыйбыз. Сиңа нык сәламәтлек, күңел тынычлы­гы, гаилә шатлыгы, кайгы-хәсрәтсез көннәр, ак бәхетләр, ба­лаларыңның һәм оныкларыңның күңел җылысын тоеп, иге­лекләрен күреп, бәхетле озын гомер кичерүеңне телибез. Ки­ләчәгең җыр кебек матур, кояш кебек якты булсын.
Туачак таңнарың һәрвакыт нурлы, күк йөзең һәрвакыт аяз булсын!

Юлбат мәктәбе коллективы

Апрель   ае  кошлар көне буларак та билгеләп үтелә. Шул уңайдан 7 сыйныф укучылары белән “ Кошлар – канатлы дуслар” исеме астында дәрес үткәрелде. Укучылар үзләренең кошлар турында булган белемнәре белән  көч сынаштылар.

    Язгы каникул көннәрендә укучылар әти-әниләренең эш урыннарында булып, аларның эшләре белән таныштылар, презентация  әзерләделәр. Һәр сыйныф укучысы иптәшләрен әти - әнисе һөнәре белән таныштырачак һәм аларның һөнәрләре иң яхшы икәнлеген төшендерәчәкләр. Райнур да әтисе һөнәре серләрен өйрәнеп, аның тракторчы булуы  белән горурланып яши. Белгәнебезчә, барлык һөнәрләрдә яхшы, барлык һөнәрләрдә кирәк.

  Мәктәбебезнең башлангыч сыйныф укытучылары Галимҗанова Л.Г., Гомәрова Р.Т. һәм Низамиева Ф.Ф  “Педагогический коучинг как реализация требований ФГОС: актуальные проблемы теории и практики» исеме астында  Кукмарада үткән III Бөтенроссия Айтматов укуларында катнашып, үз тәҗрибәләре белән уртаклашып чыгыш ясап кайттылар.

Язгы каникуллар тәмам. 2015-2016 нчы уку елының соңгы чиреге башланды. Барыгызга да уңышлар телибез!

Бүген Юлбат, Йосыф-Алан, Тенеки авылында яшәүче укучыларыбыз клуб хезмәткәрләре белән берлектә үткәрелгән “Нәүрүз” бәйрәмендә катнаштылар.

Балалар иҗат үзәгендә районыбыз мәктәпләре арасынд Шаяннар һәм тапкырлар клубының финал ярышы үтте. Мәктәбебезнең “Махеев” командасы әгъзалары иптәшләренең чыгышларын зур кызыксыну белән карадылар. Ә үзләре ярымфиналда актив катнашканнары өчен “Рәхмәт хаты” белән бүләкләнделәр.

Укучыларыбыз: Фәтхриев Рушан, Хаҗиев Руслан, Әгъләметдинов Әлфис, Фәтхриева Алсинә, укытучыларыбыз Гатиятов Р.Р., Далетшин Н.И. Лесхоз бистәсендә данлыклы урманчы Н.Минниханов истәлегенә оештырылган шахмат ярышында уңышлы катнаштылар. Нияз Ильгизович гомуми нәтиҗәләр буенча 1нче урынга лаек булды. Аны җиңүе белән кайнар котлыйбыз!

 “Баш иябез Бөек елларга”  акциясе дәвам итә. Каникул көннәрендә  дә укучылар тыл ветераннары  белән очрашып, аларның истәлекләрен язалар, хәлләрен белешәләр.