Каникуллар булуга карамастан бүген мәктәптә кызу эш бара. 9 сыйныф укучылары дәүләт имтиханнарына әзерләнә, сәләтле укучылар белән консультацияләр бара. Башлангычлар һәм  5-7,10 сыйныф укучылары белән берлектә бик матур итеп "Нәүрүз"  бәйрәме үткәрелде. Укучылар төрле уеннарда катнашып бүләкләр алдылар, конфет җыйдылар һәм иң күңеллесе коймак белән сыйландылар. Ә аннары 6, 8 сыйныф укучылары боз сараена сәяхәткә китте.

21 март, 24 март көннәрендә 11 сыйныф укучылары рус теле һәм математикадан Татарстан Республикасының Мәгариф һәм фән министрлыгы тарафыннан үткәрелгән эшләп карау имтиханарын биреп кайттылар.

 20 март көнне Кукмара районында  ГАОУ ДОД  “Республиканың дәрестән тыш эшләр үзәге” МУ “Татарстан Республикасының  Кукмара  районы мәгариф  бүлеге идарәсе”,  МБОУ ДОД  “Татарстан Ресубликасы Гуманитар  һәм  иҗади белем үзәге”  сәләтле укучылар  белән эш, аларны барлау  максатыннан  “Прикоснись к науке”  III  Ачык  идеяләр фестивале булып  узды. Республика күләмендә үткәрелгән фестивальдә  мәктәбебезнең 9 нчы сыйныф укучысы Гүзәл Кәримова уңышлы гына чыгыш ясап кайтты. “Тарихларда безнең эзләр бар” дигән технологик эш күргәзмәдә куелды.  Укучы  Грамота һәм истәлекле бүләккә ия булды,  җитәкчегә (Кәримова  Р.Р.)  Рәхмәт хаты  тапшырылды.

Бүген 21 март көнне 5-7 сыйныф укучылары катнашуында “Балалар китабы атналыгы”  уңаеннан “Көчсез звено” уены үткәрелде. Укучылар бик теләп көч сынашты һәм белемнәрен ныгыттылар.

17 марттан  мәктәбебездә  “Балалар  китабы”  атналыгы  башланды.Атналык кысаларында күп эшләр планлаштырылды. Юбиляр китаплар һәм язучыларның юбиляр әсәрләре күргәзмәсе булдырылды. “ Күп укыган-күп белер ” исемендә табышмаклар, мәкальләр, шигырьләр һәм язучыларның әйткән сүзләреннән папка , “Китап  докторы” акциясе-тузган китапларны төпләү, “Тәпәләй-чәпәләй” театраль күренеш белән Юлбат “Ромашка” балалар бакчасында кунакта булу да...

17 март  көнне  мәктәбебезгә 9-11 сыйныф укучыларының  әти әниләре  чакырылды. Җыелышта 9 - 11 сыйныф укучыларының сынау имтиханы нәтиҗәләренә  анализ   ясалды. Әти – әниләргә  алда булачак имтиханнарның җаваплылыгы аңлатылды. Үз чиратында, алар РФ Мәгариф министрлыгы тарафыннан бирелгән күрсәтмәләр белән  таныштырылдылар.

Безнең мәктәптә 15 нче март көнне дәрестән  тыш эшчәнлек буенча шөгыльләр үткәрелде. Башлангыч сыйныф укучыларының әти-әниләре мәктәпкә килеп түбәндәге шөгыльләрне карадылар:1 сыйныфта Галимҗанова Л.Г. -“Рисуем домики для сказочных животных”, Әмирова Г.Р. “Мои любимые животные”. 2 сыйныфта Гомәрова Р.Т.- “Су өйдә һәм табигатьтә”, Хәсәнова М.М. “Энергия приводит в движение” . 3 сыйныфта – Каримова Р.Р. “Шахматная страна”. 4 сыйныфта – Әмирова Г.Р. “Знатоки английского языка”, Фаляхов З.В.”Изучение подвижной игры -Лапта”. Әти –әниләр караган шөгыльләрдән канәгать  калып таралыштылар.

Әлифба, әлифба

Китәсең бит инде.

Җыр итеп җырлыйбыз

Иң соңгы битеңне.

     14 нче мартта мәктәбебездә зур бәйрәм булды. Әле яңа гына мәктәп ишеген ачып кергән нәни дусларыбыз ,1 нче сыйныф укучылары, бүген зур җиңүләрен бәйрәм иттеләр. Алар Әлифба иле буйлап сәяхәттә булдылар. Җырладылар, шигырьләр сөйләделәр, биремнәр чиштеләр, тизәйткечләр әйттеләр. Бәйрәмгә укучыларның әти-әниләре дә килгән иде. Алар да укучыларның уңышларына сөенеп утырдылар. Алга таба да без 1 сыйныф укучыларына  укуларында зур уңышлар телибез.