Мәктәбебезнең 9 нчы сыйныф укучысы  Гүзәл Кәримова  Татарстан  җыелма командасы  составында  1-11  март  көннәрендә  Санкт-Петербургта  үткәрелгән  шашка  ярышларында  уңышлы гына  чыгыш ясап кайтты. Районыбыз, Татарстаныбыз данын яклап,  Россия ярышларында  катнашучы  Гүзәлне чын күңелдән  котлыйбыз! Алга таба да уңышлар телибез!

Бөек  Ватан сугышы тәмамлануга алты дистә елдан артык вакыт узса да, аның ачы кайтавазы еллар үткән саен көчлерәк яңгырый. Казан педагогия көллиятенең актлар залында  1944 елда барган  сугыш вакыйгаларына, Ленинградны фашистлар чолганышыннан азат итүгә 70 ел, Әфганстаннан совет гаскәрләрен чыгаруга 25 ел тулуга багышланган фәнни- практик конференция булып узды. Аның эшендә сугыш һәм тыл ветераннары, КФУ галимнәре, көллият укытучылары, студентлар, Татарстанның Әлки, Кукмара, Чистай, Бөгелмә, Саба районнарыннан килгән укытучылар, укучылар  катнашты. Безнең мәктәпнең тарих укытучысы Илдар Сафин да конференция эшендә катнашты.

Көннәр җылы, күктә алсу

Нур сибеп кояш көлә.

Кыш айларын да яратам,

Әмма яз күңеллерәк.

Тышта яз кояшы балкуга карамастан, безнең укучыларыбыз тимераяка шууның кадерен, рәхәтен татып калырга ашыгалар.

     7 март көнне мәктәбебездә халыкара хатын-кызлар көне хөрмәтенә “Әниләргә җырлыйк мәдхия” дип исемләнгән кичә үткәрелде. Кичәгә укучыларның әниләре чакырылган иде. Әниләргә багышланган әлеге чара матур җырлар, шигырьләр, инсценировкалар белән үрелеп барды. Кичәнең икенче өлеше сыйныфларда дәвам итте. Укучылар әниләренә үзләренең матур теләкләрен җиткереп, үзләре әзерләгән бүләкләрен тапшырдылар. Бәйрәм чәй өстәле янында дәвам итте.

«Иң яхшы укытучы - 2014»  конкурсының  район  туры тәмамланды, җиңүчеләр һәм призерлар билгеле  булды. Призерлар арасында безнең   мәктәптән  математика укытучысы Шакирҗанова Фәһимә Гәптелфатовна һәм  химия-биология фәннәре укытучысы Хаҗиева Альфира Рифкатовна да бар. Аларны бу уңышлары белән котлыйбыз һәм киләчәктә эшләрендә тагын да зур күрсәткечләргә ирешүләрен телибез!

 5 март көнне мәктәбебездә “Өстәмә белем бирү процессында   заманча алымнар һәм формалар” дигән темага  өстәмә белем бирү  педагогларының  район киңәшмәсе булып узды. Семинар  барышында  “Вокал” түгәрәге  җитәкчесе Аубакиров  Ф.Г.  “Музыкаль  термин – секвенция», «Бумажные  фантазии» түгәрәге  җитәкчесе  Габделхаева Г.Р. “Квиллинг  техникасы. Фоторамка бизәү” дигән темага мастер класс  әзерләде. Агелова Р.З.  җитәкчелегендә  “Аналарга  җырлыйк мәдхия” дигән темага  класстан тыш чара  үткәрелде. Семинар бик эшлекле , тыгыз шартларда узды.

28 февраль көнне 10 нчы сыйныф укучысы Рәхимуллина Резеда һәм 11нче сыйныфтан Фәләхова Фәридә Яшел Үзән шәһәрендә үткәрелгән Каюм Насыйри исемендәге XII яшүсмерләр фәнни-тикшеренү укуларының төбәкара этабында катнашып кайттылар. Рәхимуллина Р. тарих секциясендә 3 призлы урынга лаек булды (укытучысы Сафин И.Ф.). Ә Фәләхова Фәридә татар филологиясендә актив катнашучы Грамотасына ия булды (укытучысы Фәләхова Ф.Г.). Аларны уңышлары белән котлыйбыз!

Мәктәбебез укучысы Мансуров Райнур, 1март көнне “Дулкыннар” конкурсының республика этабында “Вокал” номинациясендә катнашып, уңышлы чыгыш ясады. Моңлы тавышы, сәхнәдә үз-үзен тотышы белән ул күпләрне сокландырды. Афәрин, Райнур! Алга таба да җыр сәнгатендә зур уңышлар телибез.

Мәктәбебезнең  9 нчы  сыйныф укучысы, Гүзәл Кәримова  Татарстан җыелма командасы составында  рус шашкасы буенча  Россия беренчелегенә  Санкт-Петербургта үткәреләчәк ярышларга китте. Ул 3 төр буенча үзенең көчен сынаячак: классика, быстрая һәм молниеносная. Гүзәлгә зурдан-зур уңышлар телибез!

 Математика  елы уңаеннан Юлбат урта мәктәбенең 3 сыйныф укучысы Хаҗиев Руслан һәм 9 сыйныф укучысы Кәримова Гүзәл Мамадышта академик К.А.Вәлиев  исемндәге фәнни-практик конференциядә катнаштылар.Укучылар Кәримова Р.Р. җитәкчелегендә  “Математика на шахматной доске”  (3 класс, Хаҗиев Р.А.), “Легендарная личность Пифагора” (9 класс,Кәримова Г.Р.) дигән темаларга фәнни эш башкардылар.Укучылар Грамота һәм  истәлекле бүләкләргә лаек  булдылар.Аларны  уңышлары белән котлыйбыз!

  Шулай ук укытучылар: Кәримова Р.Р. һәм Мөбәрәкҗанов Р.Р. үзләре дә конференциядә чыгыш ясадылар.