Район шахматчыларының җыелма командасы 21-24 ноябрь көннәрендә Татарстан Республикасы шахмат Чемпионатында  III урынга лаек  булды. Команда составында мәктәбебезнең IX сыйныф укучысы Кәримова Гүзәл дә бар. Гүзәлнең чираттагы уңышына без бик шат. Аларны зур җиңүләре белән котлыйбыз, алга таба да район  һәм республика данын югары йөртерләр дип ышанабыз.

Уку елы башында, 2  сыйныф укучылары белән,  «Көздә кунакта» исемендә конкурс планлаштырылып, әзерлек эшләре башланган иде. Укучылар көз дәвамында табигатьне күзәттеләр,аңа сокландылар,рәсемнәр тупладылар,иншалар яздылар. Ә бүген-22 нче ноябрь көнне бу бәйгегә нәтиҗә ясадылар.Үзләре ясаган рәсемнәр турында сөйләделәр, иншаларын укып күрсәттеләр.

22 ноябрь көнне мәктәбебездә Әниләр көненә карата әдәби-музыкаль кичә үткәрелде. Әлеге кичәгә 7-8  сыйныф укучыларының әниләре чакырылган иде. Кичә “Шатлык” һәм “Гүзәллек” командалары арасындагы кызыклы ярыш  рәвешендә үрелеп барды. Әниләр дә, укучылар да үзләренең осталыкларын, җыр-моңга сәләтләрен кичә барышында  оста итеп ачып  бирделәр. Кичә мәктәп директоры Нигъмәтҗанов Фәргать Тәлгатовичның  җылы котлавы белән  тәмамланды.

    Районыбызда фән олимпиадалары бара. Безнең укучыларыбызның да уңышлары бар: Рахимуллина Чулпан экологиядән II урын (укытучысы Әлфирә Рифкатовна), Гайфуллин Айдар физкультурадан III урын (укытучысы Айгиз Марселевич) алдылар. Без аларны чын күңелдән котлыйбыз. Алга таба да укуларында зур уңышларга ирешүләрен телибез.

Ана –ул дөньяда иң бөек кеше. Бик күп күренекле шәхесләрне, галимнәрне, укытучылырны, табибларны ана тудырган. Әниләр безнең иң кадерле кешеләребез. 1 сыйныф укучылары үз әниләренә бик матур бүләкләр әзерләделәр. Аларның бу бүләкләрен күреп, әниләребез чын күңелдән сөенсеннәр иде.

Мәктәбебезнең II-XI сыйныф укучылары “Кит-компьютеры, информатика, технологии” бөтенроссия конкурсында катнаштылар. Тест эшенә 45, 60 минут вакыт бирелде. Әлеге конкурста 30 укучы үзенең белемен һәм көчен сынады. Укучылар  “Кит-компьютеры, информатика, технологии” конкурсының биремнәре мавыктыргыч һәм  шул ук вакытта бик җиңел булмавын җиткезделәр. Нәтиҗәләр уңай булыр дип өметләнәбез.

Юлбат урта мәктәбе  коллективы, профсоюз  оешмасы  озак еллар мәктәбебездә хезмәт куючы ветеран укытучылар белән  һәрдаим аралашып  яши.15 ноябрь көнне  ветеран укытучысы Нигъмәтҗанова Венера Хасановна үзенең 65 яшьлек  юбилеен билгеләп үтте.  Мәктәбебездә озак еллар рус теле һәм әдәбияты укытып лаеклы ялга киткәнгә инде шактый гомер узса да, укучылары аны һәрвакыт сагынып искә алалар.

         Венера Хасановна! Сезне юбилеегыз белән чын күңелдән тәбриклибез. Сәламәтлек, тигез картлык , балалар куанычы, оныклар шатлыгы телибез!

     Балаларга кылган изгелекләрегез  үзегезгә меңе белән әйләнеп  кайтсын!

17 ноябрь көнне Саба спорт комплексында татар көрәше буенча 2000- 2004 елгы укучылар арасында  район беренчелеге булып узды. Безнең мәктәптән Хуҗин А., Агләметдинов Ә., Рахимуллин Т., Рахимов И. лар катнашты.  7 сыйныф укучысы Рахимов Илзат үз үлчәү авырлыгында өченче урынга лаек булды.

Аны уңышы белән котлыйбыз! Алга таба да зур үрләр яулавын теләп калабыз.

15-16 ноябрь көнне физик культура фәненнән район олимпиадасы үткәрелә. Мәктәп турында җиңү яулап, анда безнең мәктәбебездән түбәндәге укучылыр катнаша: Рәхимуллина Резеда (10 сыйныф), Гайфуллин Айдар (10 сыйныф), Фәтхриев Ирек (9 сыйныф). Бу укучыларга уңышлар телибез һәм җиңүләр көтеп калабыз.

14 ноября прошел конкурс-игра «Русский медвежонок – языкознание для всех».   Все 43 участника работали с интересом.