27 нче февраль көнне 1нче санлы Татар гимназиясе укучылары традиция буенча шәһәр күләмендә Казан шәһәренең 7 нче гимназиясендә уза торган «Ломоносов укулары»ның 20 нче фәнни-гамәли конференциясендә катнашы. Безнең гимназияне 8Б сыйныфы укучылары Ч. Хәбибуллин, А. Шаһабиев һәм З. Зиятдиновалар тәкъдим итте.

29 нчы февральдә башлангыч сыйныф укучылары арасында гимназия беренчелегенә чаңгы ярышы булып узды. Ярыш 2 төрдән чыгып бәяләнде:
1) Командалар беренчелеге;
2) Шәхси беренчелек.

Бүген, ягъни 26нчы февраль көнне гимназиябезнең актлар залында 5нче мартта “Казан- Арена” стадионында узачак “Рубин”- “Кубань” уенына барып, Казан шәһәре мәктәпләре арасында игълан ителгән “Иң шәп футболчылар сыйныфы” бәйгесендә катнашу мөмкинлегенә ия булу хакында укучыларның бердәм утырышы булып узды.

Муса Җәлилнең 130 еллыгы уңаеннан гимназиядә шагыйрьне искә алу кичәләре дәвам итә. Бүген актлар залында шундый кичәләрнең чираттагысы булып узды. 4 А сыйныф укучылары, сыйныф җитәкчеләре Фәридә Фәимовна җитәкчелегендә , герой-шагыйрь Муса Җәлилнең тууына 130 ел тулу уңаеннан әдәби – музыкаль кичә әзерләп, гимназия укучыларына һәм шагыйрь иҗаты белән кызыксынучыларга тәкъдим итте.

Укучыларның һәм ата-аналарның сәламәтлекләрен саклау һәм ныгыту, шул исәптән, кышкы спорт уеннарын гомумиләштерү максатыннан, 22нче февраль 1-11 сыйныфларда “Гаилә сәламәтлеге көне ” дип игълан ителде. Сыйныф җитәкчеләре 1-11нче сыйныф укучылары арасында чаңгыда , тимераякта шуу һ.б. буенча саф һавада спорт уеннары оештырды.

Башлангыч сыйныф укучыларының Татарстан Республикасы һәм Дәүләт Советы турындагы күзаллауларын тирәнәйтү, иҗади фикерләү сәләтләрен үстерү һәм рәсемдә чагылдырырга өйрәтү максатыннан “ Татарстан – без ул!”, “ Мин - үз илемнең гражданины ”, “ Нәрсә ул яхшы, нәрсә ул начар” дигән темаларга рәсем күргәзмәсе оештырылды.

Герой-шагыйрь Муса Җәлилнең туган көнен искә алу уңаеннан бүген, ягъни 15нче февраль көнне, гимназиядә сыйныф сәгатьләре узды, 4 “А” сыйныфы укучылары шагыйрь иҗаты турында “Гомерем минем моңлы бер җыр иде” дип исемләнгән әдәби-музыкаль чара әзерләде.

Укучыларда хәрби-ватанпәрвәрлек хисләре тәрбияләү, шул исәптән, сәламәт яшәү рәвешен яшүсмерләр арасында киң күләмдә җәелдерү максатыннан, 12нче февраль көнне гимназиянең 8-11 сыйныф егетләр командасы спортның хәрби – гамәли төрләре буенча район күләмендәге Спартакиадада катнашты

Бүген, ягъни 10нчы февраль көнне “Казан ярминкәсе”ндә “Мәгариф. Карьера» дип исемләнгән махсус күргәзмә узды. Гимназиянең югары сыйныф укучылары да бүген бу күргәзмәдә булып кайтты. Укучылар сайлаячак һөнәрләре белән якыннан танышты, һөнәрләренең хезмәттә чагылачак үзенчәлекләренә төшенде.

5нче февральдә гимназиядә юл хәрәкәте куркынычсызлыгы көне булып узды. Юл кагыйдәләренә буйсыну, аны бозмау һәм куркынычсызлыкны кисәтү максатыннан, сыйныф сәгатьләре уздырылды.