25 нче июньдә Готов к труду и обороне / Хезмәткә һәм сакка әзер фестивале узды.

А.А. исемендәге балалар иҗаты үзәгендә "Дуслык"  лагеры балалары өчен кызыклы тамаша булды. Шаян арыслан Бонифаций һәм пират кыз Алсу балаларны "диңгез киңлекләренә" алып чыкты. Анда балык та тоттылар, аркан да тарттылар, кызыклы биремнәр дә үтәделәр. Соңыннан рәхәтленеп биеделәр. Шаян арыслан  Бонифацийда кунакта булу балаларда бик ошады.

Гимназиябезнең 9 нчы сыйныф укучылары, төп дәүләт имтиханнарында яхшы нәтиҗәләргә ирешеп, бүген төп гомуми белем турында аттестат алдылар. Гимназия директоры Гөлфия Гаязовна укучыларның барысын да 9 нчы сыйныфны уңышлы тәмамлаулары белән кайнар котлады һәм тормышларында максатларына ирешүләрен теләде.
Бер уңыш та үзеннән-үзе генә килми. Зур тырышлык, куйган максатыңа ирешү генә уңышка илтә. Максатка ирешү өчен зур теләк, омтылыш кирәк. 9 нчы сыйныф укучылары тырышып укыды, җәмәгать эшләрендә, олимпиадаларда, иҗади һәм интеллектуаль бәйгеләрдә актив катнашты. 

“Дуслык” лагере һәр көн үз ишекләрен билгеле бер темага ача. “Кошлар – безнең дусларыбыз”, “Китап – иң зур байлык”, “Светофорда кунакта”, “Бөек Ватан сугышында Җиңүгә 70 ел”, “Сәламәтлек көне” кебек кызыклы һәм файдалы темаларга багышлана ул көннәр. Балалар лагерьга бик теләп һәм яратып йөриләр, чөнки биредә алар ял итү белән беррәттән, бик күп файдалы һәм кызыклы мәгълүмат алалар.
“Дуслык” лагере Вахитов районы мәктәп лагерьлары арасында беренче урын алды. Хәзер Казан шәһәре мәктәп лагерьлары арасында үткән бәйге нәтиҗәләрен көтәбез. Безнең өчен зур җиңү – балаларның шат авазы, елмаюы, ялларын күңелле һәм файдалы үткәрүе.

“Дуслык” лагеренда 17 нче июньдә Сәламәтлек көне булып узды. Иртәнге зарядкадан ук балаларның шат авазына күмелгән мәктәп яны ул көнне төрле "тукталышларга" әйләнде: “Сәламәтлек светофоры”, “Мин сәламәт булырга тиеш”, “Күңелле уеннар”, “Сәламәт тәндә сәламәт акыл”. Һәр станциядә балаларны кызыклы биремнәр, уеннар, ярышлар көтә иде. Ә ахырдан һәр отряд, җыелган балларга карап, грамоталар, бүләкләр алды. Ә иң зур бүләк балаларның сәламәт тавышлары, елмаюы иде.

Гимназиябездә ел саен төрле проектлар оештырыла. Шундый проектларның традициягә әйләнгәне – яшелләндерү проекты. Җәй көне укучылар гимназиябездә эшли торган хезмәт лагерена йөри. Монда үзләре үстергән чәчәк үсентеләрен бакчага утырталар, аларга су сибәләр, чүпләрен утыйлар. Мәктәп яны бакчасы бик күп еллар район күләмендә уздырылган бәйгедә 1 нче урын яулады. 2014 нче елда үткәрелгән “Чәчәк атучы Казан” (“Цветущая Казань”) проектында гимназия дипломга лаек булды. Быел да мәктәп яны бакчасы чәчәкләргә күмелде, бакчаны матурлау эше һәр көнне дәвам итә.

В рамках дня здоровья  воспитанники пришкольного лагеря посетили культурно-оздоровительный парк им. М.Горького. Ребята позанимались на спортивных тренажерах, играли в подвижные игры на спортивных площадках.

9 нчы сыйныф укучылары дәүләт йомгаклау аттестациясен тәмамладылар. Барлык укучылар да имтиханнарны уңышлы тапшырды. 

11 июня в лагере «Дуслык» была проведена торжественная линейка, посвященная Дню России. Воспитателями была проведена беседа «Россия –Родина моя». Дети читали стихи о Родине, пели гимн РФ и патриотические песни.