«Иң шәп футболчылар сыйныфы” бәйгесенең беренче туры тәмамланды. Җиңүчеләр дә билгеле булды. Гимназиябезнең 6 “Б” сыйныфы Казан шәһәре буенча 3нче урынга лаек булды. Әлеге сыйныфка үзенчәлекле бүләк тә тапшырылды: 11нче март көнне алар “Рубин” командасының ачык тренировкасын карарга барачак!

Озын толым, озын толым... өзгәләнә күңел кылым…
Халкыбызның күп кенә матур традицияләре һәм гореф-гадәтләре онытылуга таба бара, ләкин әле чәч толымнарын озын итеп үстерергә яратучы кызлар бар. Безнең гимназиядә дә аз түгел алар. 4нче март көнне якынлашып килүче Халыкара хатын –кызлар көнен истә тотып, 5-10нчы сыйныф кызлары катнашында “Озын толым” бәйгесе узды.

8нче март - Халыкара хатын-кызлар көненә багышланган бәйрәм концерты гимназиядә 4нче март көнне уздырылды. Бу юлы концертны гимназиянең 8 “А” сыйныфы укучыларының ир егетләре алып барды. Концертка һәр сыйныф берәр чыгыш әзерләп, укытучыларын үзенчә котлады.

5нче март көнне гимназиянең 4 “Б” сыйныфы укучылары шәһәрнең 98нче мәктәбендә уздырылган Вахитов районы ЮХИДИ хезмәткәрләре тарафыннан оештырылган “Куркынычсызлык тәгәрмәче – 2016 ” бәйгесендә катнашты. Исеменнән үк аңлашылганча, башлангыч сыйныф укучылары юл йөрү кагыйдәләрен ни дәрәҗәдә үзләштерүләре хакында көч сынашты.

«Иң шәп футболчылар сыйныфы” бәйгесе игълан ителгәннән соң җанатар булып барырга ризалык белдереп, алдан ук билетлар алып куйган укучыларның зарыгып көткән көне, ниһаять, килеп тә җитте. Бүген – 5нче март!  Кичке сәгать 17.00 дә алар “Казан- Арена” футбол кырында башланачак “Рубин” – “Кубань” уенын карап, яраткан командалары “Рубин” өчен җан атачак!

3нче март көнне 5-7нче сыйныф укучылары арасында гимназия күләмендәге Спартакиада кысаларында биатлон ярышы узды. Ярыш нәтиҗәләре буенча беренче урынга 6 “Б” сыйныфы чыкты. Афәрин!

Гимназиянең 11нче сыйныф укучылары 25нче февраль һәм 1нче март көннәрендә Татарстан Республикасы белем бирү сыйфатын күзәтү үзәгенә барып, математика һәм рус теленнән БДИга әзерлекне сынап карау имтиханнарын тапшырды.

Бүген “Талантлы син кеше туганым” кунакханәсенең кадерле кунагы булып гимназиягә татарның милли ризыгы булган талкыш-кәләвә пешерү остасы Равилә апа Сәйфуллина килде. Талкыш-кәләвә пешерүне Казанда беренче буларак Сәйфи Борһан башлаган. Равилә апа – шул нәселнең дәвамчысы.

Бүген Казанның Вахитов районы “ 18нче санлы инглиз телен тирәнтен өйрәнүче урта мәктәбе”ндә “ Мәктәптә кытай телен укыту” буенча республика күләмендәге семинар булып узды. “Милли мәктәп шартларында күп телдә сөйләшүче шәхес формалаштыру “ темасына чыгыш ясап, семинарда гимназиябезнең директоры Г.Г. Шәмсиева да катнашты.

1нче март көнне Сәламәтлек проектларын яклау тәмамланды. Бүген уңышлы төстә 10 проект яклауга куелып, проект дәвамында гимназиядә барлыгы 17 проект якланды.