"Казан химия мәктәбе" дигән төшенчә күптән яшәп килә. Бу Казан университетында төрле елларда хезмәт куйган галим-химикларның нәтиҗәле эшләре белән бәйле. Бигрәк тә органик химия юнәлешендә эшләгән галимнәребез дөнья күләмендә танылды.

   Химия укытучысы Шакиров Р.Ф. әлеге тема астында 8-11 класс укучылары чен мини-конференция уздырды. 10 класс укучылары Бутлеров, Зинин, Марковников, Арбузов, Клаус, Камай кебек танылган галимнәр турында кызыклы чыгышлар ясадылар. Презентацияләр тәкъдим иттеләр. Әлеге чара укучыларга файдалы булгандыр дип ышанасы кала.

   Химия атналыгы кысаларында, бүген, 5-6 класс укучылары катнашында "Таныш булыйк. бу химия" дип исемләнгән тәҗрибәләр кичәсе булып узды. Укучылар химия фәне белән якыннанрак танышты,  аның лабораториясен карадылар, кеше өчен әһәмиятен билгеләделәр. Әлбәттә инде кызыклы тәҗрибәләр карап кына китмичә, үзләре дә эшләп карадылар.

   Студент укучыларның да кышкы яллары тәмамланып килә. Электән килгән традиция буенча 10-11 класс укучылары мәктәпне тәмамлап бүгенгесе көндә төрле уку йортларында укучы студентлар белән очрашу оештырдылар.

   Бик күңелле очрашу булды бу. Студент яшьләр үзләренең уку йортлары турында сөйләделәр, укучыларга үзләре тәҗрибәсеннән чыгып төпле киңәшләрен җиткерделәр. КАИ укучылары Абзалутдинов Булат, Файзуллин Әсхәт, КФУ дан Гизатуллина Фирүзә, Замалиева Алисәләр кичә ахрында укучылар командасы белән күңелле ярышта да көчләрен сынадылар. Алисә исә соңгы 5 курста укый, моннан тыш ул читтән торып журналистика факультетында да белем ала, моннан тыш Татар радиосы Ди джее булып та эшләргә вакыт таба.    Менә шундый горурланып телгә алырлык укучыларыбыз бар безнең. Афәрин дуслар, укуларыгызда уңышлар сезгз!

  Иртәнге линейкада, гадәттәгечә, эшләгән эшләргә йомгак ясала. Мәктәп директоры Максумов М.М. район конкурсларында призлы урын алган укчыларга грамоталар тапшырды: 10 класс укучысы Замалиев Рүзәл, 5 класс укучысы Абзалина Гөлия фотокаллажлар бәйгесендә 2 нче һәм 3 нче урыннар алганнар, афәрин!

   Абзалина Г.А. география-тарих атналыгына йомгак ясады, грамоталар һәм истәлекле бүләкләр тапшырды.

   Химия укытучысы Шакиров Р.Ф. үзенең укучылары белән химия атналыгын ачып җибәрде. Химияга багышлап кечкенә монтаж күрсәтелде.  

   Бүген дәресләрдән соң 5-11 класс укучылары беренче ярты еллык эшкә нәтиҗәләр ясар өчен "Идел" укучылар оешмасының Укучылар җыелышына җыйналды. Һәр классның уку секторлары уку торышына анализ ясады, укучыларның китапханә белән элемтәсе, газета-журналларга язылулары турында да мәгълүмат бирделәр. Җыелышта мәктәп директоры һәм аның урынбасарлары да үзләрен борчыган мәсьәләләрне күтәреп чыктылар.

    Җыелыш гомуми карар чыгару белән тәмамланды. 

   Тарих-география атналыгы кысаларында "География белгечләре" дип исемләнгән интеллектуаль бәйгедә 6-8 класс укучылары көч сынашты.  "Кактуслар" белән "Апельсиннар" командасы географик табышмаклар, ребуслар, телсез карта, серле тартма кебек бәйгеләрдә ярышты. Аз гына аерма белән "Апельсиннар" командасы җиңеп чыкты.  Афәрин, дуслар!

  Бәйгене оештырган география укытучысы Абзалина Г.А. катнашучыларга үз бүләкләрен тапшырды. Уен бик тә күңелле узды!

   Ленинград блокадасы Россия тарихында озакка сузылган һәм иң фаҗгале вакыйгалардан санала. Төп-төгәл 871 көн (1941 нең 8 сентябреннән 1944 елның 27 гыйнварынача) дәвам иткән әлеге мәхшәрнең кайтавазы әле бүген дә үзен сиздереп тора.

  Һәр атнаның сишәмбесендә узучы класс сәгате, бүген, әлеге темага багышланды. 5-11 класс укучылары беренче Гайнуллина Илүзә әзерләгән тарихи мәгълүмат белән танышып китте, аннан Ленинград блокадасына багышланган документаль фильм ил тарихының әлеге фаҗигале вакыйгасын тагы да ныграк ачып бирде.

  Ачык класс сәгатен Абзалина Г.А.,Абзалина Л.Р. тарих-география атналыгы кысаларында уздырды.  

   В связи с установившейся морозной погодой в Республике Татарстан Министерство образования и науки Республики Татарстан напоминает о том, что при низкой температуре воздуха отменяются учебные занятия:

Проведение занятий по физической культуре в зимний период на открытом воздухе допускается при следующих погодных условиях (СанПиН 2.4.2.2821-10):

Одновременно с этим Министерство образования и науки Республики Татарстан считает необходимым приостановить перевозку детей школьными автобусами и выезды детей за пределы муниципальных образований при температуре наружного воздуха -25 C и ниже.

    Бүгеннән мәктәп укучыларының гомуми линейкасы иртәнге якта үткәрелә башлады. Гадәттәгечә иң беренче сүзне узган атнада дежур торган укучылар алды. Алар үткән атнада узган чараларга тукталдылар, укучыларның тәртипләренә, классларда дежур тору буенча отчет укыдылар.

  Бүгеннән мәктәптә тарих-география атналыгы башланып китте. Атналык план белән география укытучысы Абзалина Г.Ә. таныштырды.