Математика фәнен белү, аның катлаулы мәсьәләләрен чишү теләсә кемнең хәленнән килми. Ә менә математика укытучысы Җәмәлиева Асия Габбазовна укучыларга шушы катлаулы фәнне дә кызыклы итеп, яраттырырлык итеп бирә ала. Шуңа да ел саен диярлек БДИ да аның укучылары югары балларга ирешә. Бу, әлбәттә, укытучының үз фәнен яхшы белуе, укучыларга төпле, тирән белем бируендә. Әле менә шушы атна дәверендә Асия Габбазовна укучыларны, математика фән атналыгы кысаларында, төрле чараларда катнашырга чакыра. Әйтик, буген 7-9 сыйныф укучылары арасында үткән "Геометрик аукцион"да укучылар үзләренең геометриядән булган белемнәрен аукционда саттылар. Тик, башка аукционнардан аермалы буларак, укучылар лотларга куелган мәсьәләрне чишеп кенә үзләренә кирәкле әйберләрне ала алдылар. Кызып-кызып төрле катлаулылыктагы мәсьәләләрне чиштеләр, мисаллар эшләделәр. Һәр укучының да җиңүче буласы килде. Атна дәвамында әле мондый чаралар куп булыр, ә менә иртәгә исә Асия Габбазовна үзенең тәҗрибәсе белән уртаклашып, 5 нче чыйныф укучылары белән ачык дәрес күрсәтәчәк. Уңышлар телибез аңа!

Бүген мәктәбебездә,чын мәгънәсендә, моң бәйрәме булып узды. "Халкымның күңел җәүһәрләре" дип исемләнгән бу бәйрәмдә,  халкыбызның бөек легендар җырчысы Флера Сәләйманова һәм татар халкының оста гармунчысы, төрле уен коралларында уйнаучы Солтан Шиһап катнашты. Флера апаның челтерәп чыккан тавышын тын да алмый тыңладык, хәтта бүгенге яшь буын вәкилләре-укучылар да-олы яшьтәге апаның шундый моңлы тавыш белән җырлавына сокландылар. Бәйрәмгә килгән олы апалар Флера Сөләйманованың җырларын тыңлап, үзләренең яшь чакларына кайтып килгәндәй булдылар. Ә Солтан Шиһапның татар халкының милли уен коралларында оста итеп уйнавы, сандугач тавышыдай моңлы гармун тавышларын чыңлатуы - беркемне дә битараф калдыра алмады. Әйе, бай, моңлы безнең халкыбыз. Укучыларда милли үзаң тәрбияләүдә үзләренең көчләрен кызганмыйча, картлык көннәрендә дә милләт,  халкым дип янучы бөек шәхесләребез булганда татар халкы яшәр, үлмәс һәм бетмәс. Мондый милли моң бәйрәмнәре киләчәктә дә булсын иде дигән теләктә калабыз.

 Бүген мәктәп укытучылары чираттагы педагогик киңәшмәгә җыелды. Көн мәсьәләсенә берничә сорау чыгарылды: мәктәп шартларында поликультуралы белем бирү, рус теле укытуның торышы, аттестация узучы укытучыларның иҗади отчетлары һәм чирек йомгаклары.

   Беренче көн мәсьәләсенә мәктәп директоры Марс Маликович тукталып китте. Ул поликультуралы белем бирүнең бурычларына, максатларына, юнәлешләренә һәм безнең мәктәп шартларында аны ничек башкару кирәклегенә игътибар итте.

   Һәр мәсьәлә укытучыларның фикер алышулары белән үрелеп барды. Бигрәк тә кайбер авыр укучыларның укуга булган мөнсәбәтләре кызу дискуссия китереп чыгарды. Нәтиҗәдә киңәшмә карары кабул ителде һәм алгатаба эшкә кулланма итеп алу йөкләнелде 

  Якынлашып килүче Аналар көне уңаеннан мәктәптә "Бәйрәм открыткасы" исеме астында рәсем конкурсы узды. Бәйгенең максаты әниләрне бәйрәм белән котлап зур форматта открытка-котлау ясау. Бәйгедә мәктәпнең 5-9 класс укучылары катнашты. Иң яхшы котлау-открыткалары авылның төрле урыннарына урнаштырылып, һәрбер кешегә бәйрәм кәефе генә бүләк итеп калмас, ә ул-кызларга бәйрәм белән котлау кирәклеген дә искә төшереп торыр дип уйлый бәйгене оештыручылар. Бәйге нәтиҗәләре чираттагы линейкада игълан ителәчәк.

   Без исә, барлык Әниләрне бәйрәмнәре белән тәбрик итәбез. Сезгә исәнлек-саулык, тыныч тормыш, гаилә бәхете һәм һәрвакыт балаларыгызның кадер-хөрмәтен тоеп яшәвегезне теләп калабыз.  

  27 ноябрь - Рәсәйдә Аналар көне буларак билгеләнеп үтә. Шул вакыйга уңаеннан бүген башлангыч сыйныф укучылары үзләренә кунакка яраткан әбиләрен кунакка чакырдылар. "Ил аклыгы, өй шатлыгы - Ак яулыклы ак әбиләр" дип исемләнгән кичәне башлангыч сыйныфлар укытучылары Шиһабетдинова Гөлназ Фәритовна һәм Җәмәлиева Фәридә Габделбариевналар оештырды. Кичәдә укучылар үзләренең һөнәрләрен генә күрсәтеп калмады, ә 3-4 сыйныф укучылары әбиләре турында төзелгән презентацияләрен дә тәкъдим итте. Экраннарда чыгып барган мәгълүмат һәм сурәтләр, дәү әниләр һәм әбиләр күңеленә бик хуш килде. Бәйрәм истәлеге итеп укучылар газиз әбиләренә матур теләкләр белән тәмле чәй бүләк иттеләр. Чарада катнашкан мәгариф идарәсе вәкиле Рәйхан Мустафина оештыручыларга рәхмәт әйтеп, класстан тыш чарага югары бәя бирде.

Мәктәпләрдә кызу эш чоры бара. Бу бигрәк тә аттестация узучы укытучыларга турыдан-туры карый. Башлангыч сыйныф укытучысы Гөлназ Фәритовна соңгы көннәрдә "Йокым качты!" дип юкка гына әйтмидер, чөнки ул да I категорияле укытучы исеменә лаек булу өчен аттестация узачак. Яңа баштан эш кәгазьләрен, балаларның дәфтәрләрен, эш папкаларын һәм күпләгән башка документларны карап, тикшереп чыгарга кирәк. Һәм менә ул дулкынландыргыч көн дә җитте...

  Шул уңайдан бүген мәктәп башлангыч сыйныфларның эксперт комиссиясен кабул итте. Комиссия составында мәгариф идарәсе белгече Мустафина Рәйхан Абдулловна һәм югары категорияле башлангыч сыйныфлар укытучысы Рахилә ханым Картавых. Алар укытучының эше белән таныштылар, документларын тикшерделәр һәм татар теленнән әзерләгән ачык дәрестә, класстан тыш чарада катнаштылар. Гөлназ Фәритовнаның әзерлеге югары дәрәҗәдә, шунлыктан бар да яхшы узды, кирәкле тәкъдимнәр ясалды, укытучыга ярдәм күрсәтелде.

    Бар да артта калды,инде бүген Гөлназ Фәритовна рәхәтләнеп, тынычлап йоклый алачак. Аңа эшендә бары тик уңышлар гына телибез! 

Учащиеся 8-11 классов посетили Ярмарку вакансий, организованную в Нурлатской СОШ. Прошли анкетирование и тестирование, ознакомились учебными заведениями г.Зеленодольска. Получили у специалистов необходимую консультацию и ответы на заинтересовавшиеся вопросы.

Бүген мәктәптә "Идел" укучылар оешмасының төп җыелышы - укучылар җыелышы булып узды. Көн мәсьәләсендә берничә сорау каралды. Шуларның иң мөһиме "Идел " укучылар оешмасының Президентын сайлау һәм аны раслау. Күпчелекнең тавышы белән укчылар оешмасының яңа җитәкчесе итеп Абзалутдинов Булат сайланды. Булатка бу җаваплы эшендә уңышлар, яңа идеяләр һәм мәктәп тормышында актив эш алып баруын теләп калабыз. 

  Шулай ук укучылар алдында уку юнәлешендәге уңышлар һәм кимчелекләр турында мәктәпнең уку-укыту буенча директор урынбасары Гатиятуллин М.Г һәм тәрбия юнәлешендәге мәсьәләләр турында тәрбия эшләре буенча директор урынбасары Абзалина Г.А. чыгыш ясадылар. Җыелышка йомгак ясап мәктәп директоры Максумов М.М., укуда тырышлыкны арттыру, китапханәләр белән элемтәләрне тагы да ныгыту, мәктәпнең эчке кагыйдәләрен үтәүне һәр укучыга бурыч итеп алырга кирәклекне ассызыклады. 

Бүген мәктәбебездә Яшел Үзән телеканалы журналистлары кунакта булып китте. Алар мәктәптә укчыларның профилактика отряды эшчәнлеге белән танышты. Аларны Норлат полиция бүлекчәсе оперуполномоченные Дания Хакимулловна озата килде. Ник дигәндә Норлат зонасы мәктәпләре арасында Ачасыр укучылары күп еллар дәвамында тәртип буенча үрнәк булып торалар. Алар катнашында  тәртип бозу очраклары күзәтелгәне булмады. Монда мөһим рольне мәктәпнең профилактика отряды уйный дисәк тә ялгыш булмас. Бу отрядка кергән укучылар мәктәптә чыккан низагларны гына тикшереп, кисәтеп калмый, ә шимбә һәм бәйрәм көннәрендә авыл клубына чыгып укучылар трафыннан тәртип бозуларны тикшерә, карый. Кирәк икән кечерәк класс укучыларын клубка кертми, өйләренә кайтарып куя, аларны кисәтә һәм аңлатма эшләре алып бара. Менә шулар һәм башка эшләр турында журналистларга отряд  җитәкчесе Абзалутдинов Булат, тәрбия мөдире Гөлнур Әхмәтовна, инспектор Дания Хакимулловна һәм укучылар үзләре сөйләде.

  Безнең укучыларга буллган мондый игътибар, әлбәттә, мәктәп коллективын куандыра.

17-18 ноября в школе прошли пробные экзамены в формате ГИА по русскому языку и математике.

Нынешним выпускникам 9 класса в конце учебного года предстоят большие испытания. Они должны будут доказать полученные в школе знания путем сдачи ГИА. Особенно волнуются учащиеся за обязательные предметы, как русский язык и математику. Поэтому пробный ГИА  позволит предворительно оценить знания и пробелы. Все учащиеся 9 классов приняли участие в испытаниях, немного волновались и переживали. Теперь остается дождаться результатов. Надеемся, что результаты порадуют не только самих выпускников, но и преподавателей, которые большей степени переживают за своих учеников.

Пожелаем им успехов в учебе!