Табигатьне саклау- һәр кешенең изге бурычы ул. Чөнки кешенең тормышы табигать белән бәйләнгән.Әгәр кешеләр һаваны, суны агулап, урманны корытып бетерәләр икән, димәк кеше үз-үзен юк итә дигән сүз.Аңа яшәр өчен җирлек калмый. Шуны искә алып, 22нче апрель - Бөтендөнья Җир көне дип исәпләнә. Әлеге матур бәйрәм безнең мәктәбебездә дә билгеләп үтелде. Укучыларның экологик белемнәре тирәнәйде, тереклек өчен җаваплылык хисе тәрбияләнде, табигать кочагында үз-үзеңне тоту кагыйдәләре искә төшерелде.

22 нче апрель көнне   мәктәпләр белән эшләүче инспектор Нигъматуллин  Мансур Камбилович  укучылар һәм укытучылар коллективы  белән очрашты. Ул районыбыздагы яшүсмерләр белән эшнең торышы турында сөйләде. Мансур Камбилович үз чыгышында интернет челтәрендәге укучылар өчен куркыныч булган уеннар булуын, даими күзәтергә кирәклеген җиткерде. 

 Кичке уннан соң балалар өйдә булырга тиешлеген ассызыклады. Куркынычсызлык кагыйдәләрен һәрдаим истә тотарга, бигрәк тә язгы чорда сулык һәм бозлыкларда үз-үзеңне дөрес тотуны искәртергә кирәклеген белдерде. Профилактик  чаралар бердәм, даими  булса гына  нәтиҗәле булуына басым ясады. Укучылар алдында бик эчтәлекле чыгыш ясады. Укучыларның, яшь категориясеннән чыгып, сөйләшүләрне  өч  төркемдә үткәрде (башлангыч, урта, югары  класслар). Очрашу барышында җинаять кылу, милекне бозу, мәктәп Уставын үтәмәү,әдәпсез сүзләр куллану кебек административ хокук бозулар өчен җаваплылык аңлатылды. Юл кагыйдәләре искә төшерелде.Укучылар үзләрен борчыган сорауларга җавап алдылар.

Яз җиргә бөек шагыйребез Тукайны тудырган. Әлеге исем безгә бигрәк тә якын, кадерле. 
Быел бөек шагыйребез Габдулла Тукайның тууына 131 ел тула.Аның әкиятләре, шигырьләре балаларны хезмәтне, илебезне яратырга өнди. Ана телен яхшы белгән, аңа хөрмәте булган сабый беркайчан үз телен онытмый.  

Бүген мәдәният йортында шагыйрьнең әсәрләре буенча “Эш беткәч уйнарга ярый!” дип исемләнгән бик матур,эчтәлекле театральләшкән тамаша булды. Сабыйлар дөньясында мохит та башкачарак шул: ихласлылык, самимилек хөкем сөрә анда.Үлемсез “Шүрәле”се укучыларга табигатьне сакларга, яратырга, кешеләргә миһербанлы, шәфкатьле булырга өндәде. Кичә татар гимнына әверелгән “Туган тел” җыры белән тәмамланды.

В целях успешной подготовки к сдаче итоговой аттестации для обучающихся 9 класса состоялся  пробный экзамен по математике.

21 апреля в России ежегодно отмечается День молодежного служения, с целью признания вклада молодежи в решение проблем общества посредством молодежного, добровольного служения.  В рамках Всероссийской акции "Весенняя неделя добра" учащиеся нашей школы организовали помощь сельской библиотеке. Ребята помогли  восстановить книги , пообщались с работниками культуры. За круглым столом поговорили об экологических проблемах нашего села. 

Укытучы! Кем генә бу исемне зур хөрмәт белән телгә алмый икән? Һәркайсыбызның иң матур хәтирәләре, шатлык-борчулары, беренче дулкынланулары нәкъ менә мәктәп һәм укытучы белән бәйле. Беренче тапкыр мәктәп бусагасын атлап кергән көннән алып, бала белән янәшәдә аның укытучысы атлый. Бүген галим дә, ташчы да , иген үстерүче дә аның олы исеме алдында баш ия, чөнки теләсә нинди һөнәргә юл башы укытучының фидакарь хезмәте нәтиҗәсендә салына . Ул дөньядагы барлык матур сыйфатларны үзенә туплаган. Киң күңеллелек, тырышлык, балаларга чиксез мәхәббәт, намуслылык… Андагы сабырлык- аналар сабырлыгына тиң. Әнә шундый абруйлы укытучыларыбызның берсе -  40 елга якын гомерен башлангыч сыйныфларны укытуга багышлаган, “Россия Федерациясенең белем бирүдәге мактаулы хезмәткәре” дигән күкрәк билгесенә лаек булган, күп санлы мактау грамоталары белән бүләкләнгән мөхтәрәм укытучы  Гайнетдинова Нурисә Нурислам кызы. Аның бөтен гомере мәктәп, балалар, киләчәк өчен лаеклы алмаш үстерүгә багышланган. Лаеклы ялда булуына карамастан, Нурисә Нурисламовна мәктәп белән тыгыз элемтәдә яши. Бүген ул, яшьлек елларын искә төшереп, 3 нче сыйныф укучылары белән әдәби укудан ачык дәрес бирде. Укытучы һөнәре гомер – гомергә мактаулы һәм шул ук вакытында авыр хезмәтләрдән саналды. Үзеңнең тәҗрибәңне әле мөстәкыйль тормышка аяк басып кына килүче яшьләргә тапшыра белү – ул талант.

21 нче апрель көнне тагын бер  матур бәйрәм барлыкка килде. Бүген -   Җирле үзидарәләр көне. Шул уңайдан, җирле үзидарә җитәкчесе  белән очрашу булды. Аларны бәйрәмнәре белән котлап, алда торган бурычлар, планнар турында әңгәмә кордык. Шулай ук очрашуда авыл хуҗалыгы җитәкчеләре катнашты."Авылның бүгенгесе һәм киләчәге" дигән темага матур, җылы һәм кирәкле сөйләшү булды.

Без, 8нче сыйныф укучылары, мөмкинлекләре чикләнгән сыйныфташыбыз Галәветдинов Р. янында булдык. Аңа үз кулыбыз белән ясаган бүләкләребезне тапшырдык. Мәктәп тормышындагы яңалыклар белән таныштырдык. Соңыннан ике командага бүленеп, “Яшь географлар” исеме астында уен-ярыш үткәрдек.

18 нче апрельдә 11 нче сыйныф укучылары белән “ Доброволец в центре информации” темасына класс сәгате уздырылды.Укучыларга электрон хезмәт күрсәтү, аның өстенлекләре, вакытны  экономияләү һәм  тормышны җиңеләйтү  ягыннан уңай яклары  турында аңлатылды.Укучылар   да ярдәм кирәк булган өлкән кешеләргә, туганнарына  бу турыда(өйдән чыкмыйча гына табибка язылу, пенсиядәге үзгәрешләрне белү,һ.б.  ) аңлата алачак.