Бүген  лагерьда  китапханә көне үткәрелде. Балалар авыл һәм мәктәп китапханәсендә экскурсиядә булдылар. Алар  китапханәдәге  балалар өчен язылган китапларны  укыдылар, балалар язучыларының  биографияләре белән таныштылар. Г. Тукай әкиятләренә күзәтү ясадылар, шигырьләрен яттан сөйләделәр.

1 июля 2016 года на базе МБОУ "Арская ООШ № 3 - детский сад" прошла встреча руководителя МУ "Управление образования" исполкома Арского МР РТ Давлетбаева З.М. с молодыми педагогами нашего района. На встречу так же были приглашены: председатель СПО учреждений образования Арского района Харисов В.В., учитель-ветеран Сагдеев И.А., учитель истории МБОУ "Старочурилинская СОШ",победитель многих республиканских конкурсов Гарифуллин Р.Х.

   Бүген, 1 нче июнь көнне, мәктәп яны сәламәтләндерү  "Салават күпере" лагере эшли башлады. Лагерьда 25 бала ял итә.Лагерь эшчәнлеге “ Бәхетле балачак” программасына нигезләнеп алып барыла. Программаның төп юнәлешләре : физик – сәламәтләндерү, танып-белү, хезмәт, патриотик ,иҗат һәм түгәрәкләр.

 Бүгенге чаралар лагерь ачылу һәм Балаларны яклау көненә багышланды. 

  Җәйнең беренче көне – балачак иленең иң матур бәйрәме.Ул Халыкара балаларны яклау көне. Шуңа да балалар бу көнне зур түземсезлек белән көтеп ала. Әлеге бәйрәм безгә, өлкәннәргә, һәр баланың яклауга, кайгыртуга мохтаҗ икәнен искәртеп тора. Чөнки үсеп килүче буын – ул безнең киләчәгебез, илебезнең киләчәге. Без алар хакына яшибез. Балаларыбызны мәрхәмәтле һәм кешелекле булырга өйрәтү – изге бурычыбыз. 

   Бүген лагерьда бәйрәм уңаеннан күп кенә чаралар уздырылды. 

   Кадерле балалар, сәламәт, акыллы, белемле һәм игелекле булып үсегез! Сез – безнең киләчәгебез, безнең өметебез! Бәйрәм белән! 

31 май көнне Акчишмә башлангыч мәктәбе укучылары китапханәчебез Мөхәммәтдинова Халидә апа һәм пешекчебез Салихҗанова Гөлия апа белән берлектә табигатькә экскурсиягә бардылар. Укучылар табигатьнең гүзәллегенә сокланып, табигать кочагында төрле уеннар уйнап, күңелле ял итеп кайттылар. 

   31 нче май көнне мәктәптә “Балалар иминлеге – беренче чиратта” дигән темага гомуми ата-аналар җыелышы узды. Уку елын тәмамлау, нәтиҗәләр, планнар, җәйге  каникулда балаларның ялын файдалы һәм күңелле оештыру, аларның һәрдаим иминлеген кайгырту   турында мәктәп директоры Кавиева Р.Р. сөйләде.  Укыту эшләре буенча директор урынбасары Шәрипова Р.Ф. өлгереш, еллык нәтиҗәләр, имтиханнар барышы белән таныштырды. Тәрбия эшләре буенча директор урынбасары Әхмәтгалиева Ә.К. балаларны юл фаҗигаләреннән саклау, каникул чорында аларның иминлеген ныгыту, су коенганда сак булу, пожар куркынычсызлыгы кагыйдәләрен төгәл үтәү турында искәртте. Республикада, районда эшләп килүче лагерьлар турында мәгълүмат бирелде.

    Балаларыбыз  җәйге каникулда рәхәтләнеп ял итсеннәр, борчу-хәсрәт күрмәсеннәр. Мәктәпкә тулы энергия белән килсеннәр.яхшы яллар сезгә, укучылар!

Бүген, 30 нчы майда, башлангыч класс укучылары каенлыкка  экскурсиягә барды. Укучылар табигатьне күзәттеләр: агачтагы үзгәрешләрне карадылар, кошлар сайравын тыңладылар, күк йөзен күзәттеләр. Төрле кызыклы хәрәкәтле уеннар уйнадылар.  Укучылар күтәренке күңел белән өйләренә таралдылар. 

25 май көнне Акчишмә башлангыч мәктәбендә "Соңгы звонок" бәйрәме үткәрелде. Бу бер үк вакытта күңелле дә, моңсу да бәйрәм. Күңелле, чөнки укучыларны озын җәйге каникуллар көтә, моңсу, чөнки 4 нче сыйныф укучылары башлангыч мәктәп, дуслары белән саубуллаша. Алда аларны тагын да кызыграк, мавыктыргыч сынаулар көтә. 
Мәктәп елларын онытмыйк, дуслар
Туган оясын онытмый кошлар
Соңгы кыңгырау еракта калып,
Еллар узгач та колакта чыңлар.

26 май көнне 6 класс укучылары Яңа Кырлай авылына экскурсиягә бардылар. Г.Тукай музееның капка төбеннән үк укучыларны әкият геройлары Кәҗә белән Сарык каршы алды. Шүрәле оештырган  пычкы белән утын кисү ярышы, Су анасының  табышмаклары да укучыларга бик ошады. Соңыннан Г.Тукай музеен карадык, музей хезмәткәрләренең эчтәлекле чыгышлары безгә бик ошады.  Сәгъди абзый йортындагы үзгәрешләрне күреп шаккаттык. Анда инде безне Тукай әкиятләренең сыннары каршы алды, йөзьяшәр нарат агачына карап хозурландык, Апуш коесыннан су эчтек. Экскурсиядә алган тәэссирләр балалар күңелендә бик озак сакланыр.

    25 нче май көнне мәктәптә 11 нче сыйныфлар өчен «Соңгы кыңгырау» тантанасы булды. 

    Әйе,бүген бөтен ил буенча, барлык уку йортларында «Соңгы кыңгырау» бәйрәмнәре уза. Чыгарылыш сыйныф укучылары өчен дәрескә чакыручы кыңгырау
соңгы тапкыр чыңлый. Мәктәптә үткән балачагыгызның бүтән беркайчан да кире кайтмавын уйлагач, ямансу булып китә.Тормышта һәр нәрсәнең үз вакыты була. Сезнең дә язмышыгызда зур борылышлар чоры җитте. Яшьлекнең чын-чынлап башланган иң матур чагы да әле ул. Шуның кадерен белегез һәм алда көткән зур тормышны матур итеп башларга тырышыгыз! Канатлы теләкләрегез сезне һәрчак алга әйдәп торсын, тагын да кыюрак атларга чакырсын! Хәерле юл сезгә!

Зур юлларга озатып кала

Мәктәп  кыңгыраулары.

Еллар аша озатып барыр

Соңгы яңгыраулары