Яңа ел гүзәл мизгелләрне бик күпләп алып килде. Кыш бабабыз алдан ук безнең бүлмәбез бик матур булсын дип, тылсымлаган күрәсең!Әти-әниләр һәм балалар тырышлыгы белән бизәлгән бүлмәбез күңелләрне күтәрә.

Зурлар төркеме балалары тәрбиячеләре Л.Фаритовна белән бик тырышып әзерләнделәр. Төркем бүлмәсен бик матурлап бизәделәр. Аларга ярдәмгә әти-әниләр дә килде. Үзләренең тылсымлы куллары белән бәйрәм сулышы өрделәр алар. Балаларны куандыру бигрәк тә зур шатлык бит ул.Рәхмәт сезгә әниләр.

Икенче кечкенәләр төркеме балалары чын күңелдән Яңа ел бәйрәменә әзерләнә. Алар зарыгып Кыш бабай белән Кар кызын көтәләр.Аларга дип җырлар, шигырьләр, биюләр өйрәнәләр. Кечкенә сабыйларның барлык теләкләре дә кабул булсын. Илләребез имин, көннәребез тыныч, җир йөзендәге барлык кешеләр дә сәламәт, бәхетле булсын.

Арчаның 2 нче номерлы балалар бакчасында өлкән тәрбиячеләрнең методик берләшмә җыелышы булды. "Проведение оценки индивидуального развития детей в рамках педагогической диагностики для решения образовательных задач"  дигән тема буенча фикер алышу, педагогик осталыкларны уртаклашу өлкән тәрбиячеләргә эшләрендә зур юнәлеш булды. Методик берләшмә җыелышын оештырган 2 нче номерлы балалар бакчасының өлкән тәрбиячесе Гөлназ Илгизовнага рәхмәтебезне белдерәбез. Аңа эшендә иҗади уңышлар телибез.

Мәктәп хәзерлек төркеме балаларын аеруча  һәр эштә мөстәкыйльлеккә чакырабыз. Алар үзләрен зурларча, мөстәкыйль тотарга тырышалар, Әйтелгән эшне тиешенчә, җиренә җиткереп эшлиләр. Көн дәвамында дежурлар билгеләнә, алар да үз эшләренә бик җаваплы карыйлар. Киемнәрен киеп алалар да, тәлинкәләрне, кашыкларны өстәлләргә куеп чыгалар. Төркемдәге тәртипкә дә алар җавап бирә. Уенчыкларга сакчыл караш,бер-береңә ярдәмләшү, кимчелекле якларны матур гына итеп әйтә белергә күнектерү  тәрбияченең төп бурычы. 

Кар сыннары буяу эше тәмамланып килә. Матурлык тудыручы, оста куллы тәрбиячеләргә, хезмәткәрләргә  зур рәхмәтебезне белдерәбез. Салкын кышта салкыннарга бирешми,  салкын сулы кар белән сын ясаучыларга корычтай нык сәламәтлек, эшләрендә уңышлар телибез. Әтәч елы уңышлы ел булсын! 

Беренче кечкенәләр төркеме балалары әкиятләрне бик яратып карыйлар, тыңлыйлар, уйныйлар.Менә алар бергәләшеп  "Шалкан" әкиятен башкаралар. Әкият геройлары белән бергә бик күңелле.

Һәр ел саен бакчабызның ишегалдын кар сыннары белән бизибез. Быел да кар сыннары ясау эшенә керештек. Балалар өчен матурлык тудыру бакча хезмәткәрләренең изге бурычы. Имин, матур тормыш алып кил син , Яңа ел.

 "Ел тәрбиячесе -2017" бәйгесенә тәкъдим ителгән тәрбиячебез Муртазина Рәмилә Ильдаровна район күләмендә ачык белем бирү эшчәнлеге күрсәтте.Тәрбияче балаларны шундый тиз үзенә җәлеп итте. Балалар әкият иленә кереп киткәннәрен сизми дә калдылар.Биремнәрне төгәл үтәп, үрдәк бәбкәсе Тимга ярдәм иттеләр. Бик күп белем һәм тәрбия багажы тупладылар. Бик күп тәҗрибәләр ясап, нәтиҗәләр чыгардылар.  Тәрбиячебезгә алдагы конкурста уңышлар телибез

Икенче кечкенәләр төркеме балалары табын янында үзләрен бик матур тоталар. Табын яны кагыйдәләрен тиешенчә үтиләр. Пешекче апаларга рәхмәтләрен әйтәләр.

Бигрәк тәмле ашыбыз,

Түкми-чәчми ашыйбыз.