Һәр  көн саен тышта без

Кар бабайлар, аюлар

Әвәләргә оста без.

Чаңгыда да шуабыз,

Чанада да шуабыз,-

Шулай чирне куабыз.

Бүген уртанчылар төркеме балалары төсле кәгазьләрдән автобус ясадылар. Зур тырышлык куеп эшләргә тырышты балалар.Тәрбиячеләре Резеда Юнысовна балаларда  мөстәкыйльлек тәрбияләүгә өстенлек бирә. 

Зурлар төркемендә математикадан ачык белем бирү эшчәнлеге булды. Тәрбиячеләре Гүзәл Муллахметовна математика серләренә өйрәтте. Белем бирү эшчәнлеге бик мавыктыргыч булды.

Уртанчылар төркемемендә Ильясны туган көне белән котладылар. Җырладылар, биеделәр, матур теләкләрен җиткерделәр.  Тәрбиячеләре Резеда Юнысовна әти-әнисенә игелекле, тәртипле бала булып үсүен теләде. Кечкенәдән бер-береңне хөрмәт итәргә өйрәнеп үсү бик мөһим.

Беренче кечкенәләр төркеме балалары бүген мөстәкыйль киенергә өйрәнделәр. Алар  зурлар инде. Менә ничек бит ул үзең  белеп киенгәндә.

Мәктәп хәзерлек төркеме балалары төсле кәгазьләрдән ниләр генә ясамыйлар. 

Төркемнәрнең бизәлше гел үзгәреп тора. Монда тәрбиячеләрнең оста һәм җитез кулы мөһим  роль уйный.  Зәвык белән кулдан эшләнгән эшләнмәләр кышкы көнне язга әверелдерә. Орхидеяләр тәрәзә төбен матурлый, күңелгә җылылык бирә. Тәрбияче Наилә Саматовна буш вакытларын гел файдалы үткәрә.

Шахмат, шашка, дамино уйнау, шакмаклар төзү балаларның яраткан шөгыльләре.Балалар ежим моментларында да вакытларын файдалы һәм күңелле үткәрәләр.

 Балаларның сау-сәламәт, нык булып үсүләре бик әһәмиятле.Алар безнең киләчәгебез. Шуңа күрә гриппка каршы профилактик чаралар үткәрәбез.

Икенче кечкенәләр төркеме балалары тәрбияче апалары Лилия Наримановна белән  җимлек ясап элделәр. Салкын кышта канатлы дусларыбызга җим табу бик кыен. Ә менә җимлеккә кошлар өчен җим салдылар һәм кошларны күзәттеләр.Рәхим итеп ашагыз, кошкайлар!