Беренче кечкенәләр төркеме балалары бик нәни булсалар да, Габдулла Тукай әкиятләрен бик яраталар. Тәрбиячеләре Рилә Рәисовна һәм Резеда Юнысовна балалар игътибарына бик эчтәлекле почмак әзерләделәр. Бөек шагыйребез Габдулла Тукай турында берни белми калу мөмкин түгел. 

Арчаның "Радуга" исемендәге беренче номерлы балалар бакчасында педагогларның психологик культурасын күтәрү максатыннан семинар узды. Бу семинарда катнашып, эшебездә куллану өчен кирәкле мәгълүматлар тупладык. 

Арчаның "Күбәләк"  исемендәге  11 нче номерлы балалар бакчасында  оештырылган "Голосок" вокаль конкурсында катнашып, Юсупова Лилия Ильфатовна истәлекле бүләк һәм грамота  белән бүләкләнде. Лилия сине чын күңелебездән котлыйбыз! Сиңа яңадан яңа уңышлар телибез.  

Тәрбияче Самигуллина  Гүзәл Муллахметовна зурлар төркеме балалары белән "Чыршы -  безнең дустыбыз" проекты буенча эш башлап җибәрде. Бүгенге көн кадагында торган проблемаларны чишү өчен эшне  кечкенәдән башларга кирәк. Шуны истә тотып тәрбияче проект эшенә экологик әңгәмәләр,төрле конкурслар керткән.Бүген аларда әти-әниләр һәм балалар белән берлектә эшләнгән "Иң матур чыршы" конкурсы. Рәхим итегез!

Тәрбияче Наилә Саматовна мәктәпкә хәзерлек төркеме балалары белән Яңа Кенәр урта мәктәбенә экскурсиягә бардылар. Аларны булачак укытучылары Рәмлә Рәфкатовна елмаеп каршы алды. Китапханәче Резида Рауфовна балаларны  китапханә белән таныштырды. Балалар, бик яратып, Абдулла Алишның "Сертотмас үрдәк"  әкиятен карадылар. Спортзал, ашханә,актлар залы,музей,кабинетлар белән таныштылар. Экскурсия балаларга бик ошады.   

Беренче кечкенәләр төркемендә бүген зур бәйрәм. Тәрбиячеләре Рилә Рәисовна аларны купшы чыршы янына җыйды. Аюлар,бакалар,әтәчләр,үрдәкләр,песиләр  чыршы янына килде. Биеделәр,җырладылар. Кыш бабайның  чыршы янына куйган күчтәнәченә куандылар,аңа рәхмәт әйттеләр.

Тәрбиячеләре Лилия Наримановна балалар өчен Тукай почмагы оештырды.Икенче кечкенәләр төркеме балалары Габдулла Тукай әкиятләрендә кунакта булдылар.Тукай әкиятләрен бик яратып тыңлады алар. 

Зурлар төркемендә кисеп ябыштыру ачык белем бирү эшчәнлеге булды. Тәрбиячеләре Рәмилә Ильдаровна җитәкчелегендә балалар бик теләп үзләре яшәгән өй рәсемен кистеләр.Үзләре яшәгән урамны бергәләп ябыштырдылар. Эш барышында үзара дуслык, татулык, ярдәмчеллек күзәтелде. Менә нинди аларның урамы!

Юл йөрү кагыйдәләре буенча ачык чаралар узды. Тәрбиячеләр һәр төркемдә юл йөрү кагыйдәләренә нигезләнгән почмаклар булдырды, ә балалар, шуларга нигезләнеп, үзләренең юл йөрү кагыйдәләрен яхшы белүләрен күрсәттеләр. Ачык чаралар бик  эчтәлекле, мавыктыргыч булды. Бар кешегә  тик бер теләк: Юлларда сак булыйк!

Иң кадерле әниләребезне бәйрәм белән котладык. Балалар шигырьләр сөйләде, җырлады, биеде. Балалар һәм әниләр тырышлыгы белән ясалган портретлардан күргәзмә бәйрәмебезне тагы да ямьләндерде. Әниләребез озын гомерле, сәламәт булсын! Алар безнең тормышыбызның яме.