Режим моментлары да бик күңелле үтә бакчада. Тәрбияче апалар бик теләп яратып уйнаталар. Кечкенә генә булсалар да уенның тәмен белә беренче кечкенәләр төркеме.

Матурлыкны бала күрә белергә, күзәтә белергә һәм саклый белергә тиеш.Ә менә матурлыкны тудыручы, балалар күңеленә матурлык төшенчәсен сала белүче тәрбиячеләребез бик күп бакчабызда. Алтын куллы алар. Икенче кечкенәләр төркеме тәрбиячесе Лилия Наримановна оста куллы тәрбиячеләребезнең берсе. Иҗади эшендә уңышлар аңа! 

Иртәнге гимнастика белән көн саен шөгыльләнү сәламәтлеккә бик файдалы. Шуңа күрә без сәламәт булып үсәргә тырышабыз.Карагыз әле безне!

Россия күләмендә оештырылган "Зимние фантазии" конкурсында җиңүчеләребез билгеле булды. Хусаенова Айсылу   I  урынга  (тәрбиячесе  Хазиева Лилия Фаритовна), Габдулхаев Муса, Юсупова Лилия  III  yрынга (тәбиячесе  Фәттериева Наилә Саматовна) лаек булдылар. Катнашкан тәрбиячеләр дә,балалар да сертификат белән бүләкләнде.

Беренче кечкенәләр төркемендә ачык белем бирү эшчәнлеге булды. Тәрбиячеләре Рилә Раисовна аларга пластилиннан керпе әвәләргә өйәтте.Керпеләр бик матур булдылар.

"Оста куллар"  конкурсына үзләре кулдан эшләнгән эшләнмәләр белән катнашты тәрбиячеләр. Тәрбиячеләребез үзләренең иҗади сәләтләрен, осталыкларын ачып салдылар.  

Тәрбиячеләребез бакча күләмендә уңышлы дип бәяләнгән хезмәтләрен Россия күләмендәге "Зимние фантазии" конкурсына җибәрделәр. Аларга уңышлар телибез. 

Профсоюз оештырган спорт ярышында шашка буенча 2 урын яулаганы өчен  тәрбияче Хазиева Лилия Фаритовнаны котлыйбыз. Аңа авыр һәм катлаулы хезмәтендә уңышлар телибез

Яңа елны матур итеп каршы алу максатыннан оешмалар арасында үткәрелгән "Иң матур сыннар" конкурсында МБДОУ "Яңа Кенәр балалар бакчасы" коллективы III урынга лаек булды.

Сезне якынлашып килүче Яңа 
2016 нчы ел белән котлыйм! 
Әкрен генә йомшак карлар ява, 
Күңелләргә шатлык моң салып.
Яңа елда бәхет, шатлык килсен
Кышкы бураннарга уралып!