Юлларда "Игьтибар,балалар!" акциясе башланды.Тиздән җәйге каникуллар да җитә.Шул унайдан, учыларыбызга юл йөрү кагыйдәләрен кабат искәртү максатыннан, ЮХИДИ хезмәткәрләре катнашында "Юлда булсаң, бул өлгер, юл кагыйдәсен нык бел!" исемле тәрбияви кичә үткәрелде. Кичәдә Арча филиалы юл куркынычсызлыгы фонды җитәкчесе Мухаметзянова Энҗе Газиз кызы катнашты.

Укучыларыбыз Кырлай музеенда үткәрелгән "Акыл батл" да көч сынаштылар. Дүрт мәктәп арасында 2 урынга ия булдылар. Уңышлар сезгә укучылар!

Бүген район күләмендә асфальтка рәсем ясау конкурсы булды. Безнең мәктәптән Каримова А. (7 класс) "Әзер бул! Һәрвакыт әзер!" номинациясендә, Җамалиева Р. (5класс) "1 июнь - Балаларны яклау көне" номинациясендә бик матур рәсемнәре белән конкурста актив катнаштылар. Афәрин, кызлар! Киләчәктә зур уңышларга ирешүегезне телибез.

Бүген, ягъни 16 нчы май көнне, 9 класс укучылары белән "Балаларны яклау көне"нә багышланган тәрбия сәгате үтте. Укучылар газета - журналларда басылган күп кенә үрнәк гаиләләр турында  мәкаләләр алып килделәр. Шулай ук авылыбызда яшәүче үрнәк булырлык гаиләләр тормышы белән таныштылар.

Буген Г.Сафиуллин музеенда Советлар Союзы героен искә алу кичәсе узды.

Арчаның 5 нче номерлы гимназиясе базасында “Безопасное колесо-2017” ярышы узды. Ярышларда безнең мәктәпнең 5-6 классыннан 4 укучы (Каримов И., Ахметгалиев А., Замалиева Р., Мортазина Д.) катнашты. Укучыларыбыз уңышлы чыгыш ясадылар. Киләчәктә аларның зурдан-зур уңышларга ирешүләрен теләп калабыз. 

Казан шәһәрендә узган  "Алиш эзләреннән" IV төбәкара фәнни-гамәли конференциянең "Шигърият бакчасында" юнәлешендә чыгыш ясап, 5 нче сыйныф укучысы Җамалиева Р. 3 урынга лаек булды. Аны  уңышлары белән котлыйбыз. Киләчәктә тагын да зур нәтиҗәләргә ирешүен теләп калабыз.