Татар теле атналыгы һәм Халыкара туган тел көне уңаеннан А. М. Җамалиева  2-6 нчы сыйныфлар белән " Туган тел ул - изге тел, атам-анам теле!" темасына тәрбия сәгате үткәрде. Тәрбия сәгатендә һәр милләтнең туган теле үзенә якын һәм кадерле булуы ассызыкланды. Укучыларга үз туган телебезне яратырга, сакларга кирәклеге искәртелде. Тәрбия сәгате бик эчтәлекле булды.

Халык авыз иҗаты әсәрләрен барлау, аларны белү, онытмау халкыбызга, милләтебезгә горурлык, хөрмәт хисләрен күрсәтә. Тәрбиянең бер өлеше булган халкыбыз иҗатына мәхәббәт тәрбияләү - безнең бурыч. Шул максаттан мәктәбебездә "Без бергә" фольклор фестивале узды. Фестивальдә укучылар төрле номинациядә халык иҗаты әсәрләрен башкардылар. Һәр укучы бик теләп катнашты. Җиңүчеләребез район турына тәкъдим ителде. 

8 класс укучылары бәйрәм уңаеннан, ин кадерле кешеләрен- әтиләрен кунакка чакырдылар . Алар бергә 23 февраль –  Ватанны саклаучылар көненэ багышланган  “Күңелле стартлар” уздырдылар. Очрашуның максаты: балаларда ир-атларга, әтиләргә, бабайларга, гомумән, Ватанга мәхәббәт, горурлану хисләре тәрбияләү. Ватанны саклаучы хәрби гаскәр төрләрен ныклап истә калдыру. Аларга карата хөрмәт тәрбияләү...

Кичә 3 өлештан торды. Беренче өлеш балалар чыгышы. Шигырь сөйләү, җыр, бию башкару. Икенче өлеш - ярышлар: «Кулдан кулга бир», “Иң тоз атучы снайпер”лар, «Разведчиклар», “Волейбол”, “Беренче ярдәм”, “Төшерергә ярамый”,  “Игътибарлы бул!” “Скакалка сикерү”, “Гер күтәрү”, “Яңгыр туктамый” .

 Өченче өлеш- җиңүчеләрне буләкләү. Бәйрәм  матур җыр белән тәмамланды. 

Бүген, 17 нче февраль көнне, математика укытучысы Сафиуллина М.Ф. 9 нчы классларда “Геометрик прогрессиянең “Н” нчы буын табу формуласы” темасы буенча ачык дәрес  һәм “Экология саннар илендә” дигән тема астында ачык мероприятие үткәрде. Дәреснең һәр этабы үз эченә күптөрле белем һәм күнекмәләр  бирердәй биремнәр алган иде.Укучылар актив рәвештә кагыйдәләрне кабатлап, яңа теманы үзләштерү өстендә эшләделәр.

16 нчы февраль көнне татар теле һәм әдәбияты укытучысы А. М. Җамалиева 7 нче сыйныфта "Хәл төркемчәләре" темасына ачык дәрес үткәрде. Дәрес кызыклы һәм эшлекле төстә узды. Укучылар актив катнашып, үз белемнәрен күрсәтте.

Татар теле   атналыгы кысаларында һәм Халыкара тел көне уңаеннан мәктәбебездә төрле чаралар уздырыла. 15 нче февраль - Советлар Союзы  Герое  Муса Җәлилнең тууына 111 ел тулган көнне искә алу кичәсе үткәрелде. Герой-шагыйрьнең тормыш юлы, Бөек Ватан сугышында эшләгән батырлыклары искә төшерелде. Укучылар аның турында фильм карадылар. Икенче өлештә "Шигырь сөйләү" конкурсы булды, укучылар шагыйрьнең шигырьләрен сөйләделәр.

15 февраль –патриот шагыйрь Муса Җәлилнең туган көне. 2, 4 класс укучылары  класс җитәкчеләре Фазылҗанова Г.Н. белән бергә шагыйрьне искә алдылар. Анын тормыш юлын,  иҗатын барладылар. Балалар өчен язылган шигырьләрен укыдылар.

Хәрби-патриотик айлык кысаларында 5-7 нче сыйныфлар арасында сәнгать укытучысы А. М. Җамалиева тарафыннан" Хәтер безнең йөрәкләрдә яши" темасына рәсем конкурсы узды. Әлеге конкурста барлык укучылар да актив катнашты.