Арчаның 3 нче мәктәбендә “Тукай безнең йөрәкләрдә” дип аталган Г.Тукайның тууына 131 ел тулуга багышланган шигырь уку һәм җыр конкурсы узды. 3 нче мәктәптә безнең мәктәпнең 7нче класс укучысы Садыйкова Д. җыр һәм  6 нчы класс укучысы Валитова Л. шигырь укып катнаштылар. Алар  уңышлы чыгыш ясадылар, Валитова Л. үз номинациясендә 3 урын алды. Киләчәктә дә аларга зурдан-зур уңышларга ирешүләрен теләп калабыз. 

Тукай көннәре кысаларында татар теле һәм әдәбияты укытучылары А. М. Җамалиева, Г. Р. Җәләлетдинова тарафыннан мәктәбебездә "Тамчы-шоу" интеллектуаль уен үткәрелде. Әлеге чарада Г. Тукайның тормыш юлы, иҗаты, хезмәттәшләре турында сораулар бирелде, шигырьләрен тану, сәхнәләштерү кебек биремнәр башкарылды. 7 -8 нче сыйныф укучылары арасында оештырылган бу бәйгедә 8 нче сыйныф укучылары өстен чыкты. Кичә "Туган тел" җыры белән тантаналы төстә тәмамланды. 

Г. Тукайның тууына - 131 ел. Бу көн һәр елны искә алына. Мәктәбебездә әлеге уңайдан Тукай әсәрләренә рәсем ясау конкурсы булды. Әлеге бәйгедә 5-8 сыйныф укучылары катнашты. Бәйгенең җиңүчеләре 7 нче сыйныф укучылары  Гобәйдуллина Н., Садыйкова Д., Кәримова А.  булды.

Учащиеся познакомили родителей, бабушек и дедушек с возможностями сайта госуслуг и электронного правительства.

«Мәрхәмәтлелек” атналыгы   кысаларында  башлангыч класс укучылары сыйныф җитәкчеләре Фазылҗанова Г.Н. һәм Гараева Г.И.  белән мәктәп музеена экскурсия ясадылар. Гөлфия Наиловна балаларны экспозицияләр белән таныштырды. Укучылар бик кызыксынып тынладылар.Аларга бик ошады.Тархи

2017 ел – Илебез күләмендә  Экология елы уңаеннан Яңа Кишет төп мәктәбе авыл китапханәсе  белән берлектә ,,Табигать – чаң кага!”  исемле экологик суд уздырды. Әлеге чарада Татарстан Республикасы экология һәм табигать байлыклары министрлыгының Төньяк территориаль идарәсе белгече Фирдәүсә Камил кызы  Латыш,  ,,Ашыт” дәүләт тыюлыгы белгечләре Әхмәтҗанов Рәшит Зиннур улы, Абдрахманова Гөлнара Ильяс кызы,  мәктәбебездә озак еллар  химия - биология фәннәреннән белем биргән  ветеран укытучыбыз Әлфия апа Шакирҗанова  катнашты һәм чыгыш ясады. Кунакларның һәркайсы эчтәлекле, файдалы мәгълүматлар, фактлар аша бүгенге көндә республика, район  күләмендә экологиянең торышы турында мисаллар китерде, экологик  акция, бәйгеләрдә  катнашырга чакырып күргәзмә –материаллар, иң кадерлесе яңа гына дөнья күргән Кызыл китапның 3 нче басмасын бүләк иттеләр, чарада катнашучыларга истәлекле бүләкләр,  грамоталар тапшырдылар.

15-25 апрель көннәрендә  "Мәрхәмәтле Татарстан"- язгы изге эшләр атналыгы уза. Шул уңайдан безнең мәктәп укучылары өлкәннәргә ярдәм итәргә бардылар. Аларга йорт тирәсендә, хуҗалык эшләрендә булыштылар. Өлкәннәребез чын йөрәктән балаларга рәхмәтләрен җиткерде, изге теләкләрен теләделәр.

Габдулла Тукайның 131 еллык юбилее уңаеннан, яшь буынга рухи-әхлакый тәрбия бирүдә әдипнең тормыш юлын өйрәнүне һәм иҗатын пропагандалау максатыннан, Татарстан Республикасында Экология һәм иҗтимагый киңлекләр елы уңаеннан Татарстан Республикасы Мәгариф һәм фән министрлыгы, Г.Тукай әдәби музее, Арча муниципаль районы  Яңа Кырлай урта мәктәбе тарафыннан VI Республикакүләм Габдулла Тукай укулары үткәрелде.Безнең мәктәптән бу укуларда башлангыч сыйныф укытучысы Фазылҗанова Г. Н., 8 нче класс укучысы Cабирҗанов С., 9 нчы сыйныф укучысы Фазылҗанов А. уңышлы чыгыш ясап, призлы урыннарга лаек булдылар. Аларга киләчәктә дә уңышлар телибез.

Мәктәбебездә экология елына багышланган "Без табигать сакчылары" дип исемләнгән рәсем конкурсы булды.Рәсемнәрдә төбәгебезнең экологик торышы   яктыртылды.  Конкурста 5 - 8 сыйныф укучылары актив катнашты. Укучылар мөхитне саклауга һәркем  үз өлешен кертсен иде дигән чакыру белән мөрәҗәгать иттеләр.