Сюжетлы рәсемнәр балаларда иҗади эшчәнлек ихтыяҗы тудыра(хикәяләр төзү) һәм формалаштыра, иҗади фикерләүләрен һәм образлы күзаллауларын активлаштыра. Мәктәпкәчә әзерлек чорында балаларның кечкенә күләмле текстларны бәйләнешле һәм эзлекле итеп сөйли белү күнекмәләрен камилләштерү дәвам итә. УМК да бик күп әдәби әсәрләргә сюжетлы рәсемнәр кулланырга мөмкинлек бирелгән.Әсәрне укыганнан соң, логик сөйләм формалаштыру максатыннан, әсәр сюжеты буенча әңгәмә оештырыла.Тәрбияче тарафыннан бирелгән сораулар һәм биремнәр, балада әсәрдә тасвирланган вакыйгаларны сөйләп бирергә кызыксыну уята.

Иртәнге гимнастиканың нинди әһәмияте бар соң? Көн дә ясалган иртәнге күнегүләр аяк, кул, корсак һәм арка мускулларын ныгыта. Моннан тыш, йөрәк һәм үпкә эшчәнлеге әйбәтләнә, кешенең гәүдә торышы яхшыра. Иртәнге гимнастика көндә берүк вакытта ясала икән, баланың ихтыяр көче дә арта. Ул әлеге көн тәртибенә күнегә, үзен яхшы хис итә башлый. Безнең бакчабызда да иртәнге гимнастика һәркөн саен музыка җитәкчесе Абдуллина Ләйсән Габделәхәтовна белән бик мавыктыргыч һәм җанлы үтә.

Быел татарның олуг шагыйре Габдулла Тукайның тууына 130 ел тула. Әлеге вакыйга уңаеннан Г.Тукайга багышланган почмакны тулыландырдык.Шагырьнең әдәби әсәрләренә багышлап, балалар белән берлектә эшләнгән кул эшләрен дә урнаштырдык.

Бакчабыз тәрбиячесе Локманова Гөлшат Хәйдәр кызы "Төп йорт килене-2016" район конкурсынын авыл җирлекләре арасында уздырылган бәйгедә катнашты. Бәйге татар халкының гореф–гадәтләрен саклауның гаилә өчен мөһимлеген ачыклау, татар хатын–кызы образының рухи һәм мәдәни кыйммәтен билгеләү, яшьләрдә әхлаклылык, әдәплелек тәрбияләү максатында үткәрелә.