Бүген мәктәбебездә "Өлкәннәр көне" уңаеннан башлангыч сыйныф укучылары тарафыннан мәктәпкүләм зур чара  үтте. Ул "Елмаю бүләк ит" дип аталды. Укучылар әби - бабайлары өчен бик зур концерт  номерлары белән чара күрсәттеләр. Бәйрәм "Яхшылык эшлә" акциясе кысаларында флеш - моб белән тәмамланды. Соныннан  килгән кунаклар коймак һәм  чәй белән сыйландылар. Бәйрәмне оештыручылар, башлангыч сыйныф җитәкчеләре, Борханова Р.Н., Гатауллина Г.Р.. Сафина Р.Р.. Ганиева Л.Ф. 

27 нче сентябрь көнне укучыларыбыз районның  ПДН өлкән  инспекторы  вазыйфасында яшь стажер  Мөхәммәтҗанова Илүзә Илсур кызы һәм яшүсмерләр арасында хокук бозуларны кисәтү һәм гаилә иминлеген саклау инспекторы Яруллина Резеда Рубис кызы белән очраштылар. Очрашуның темасы: "Куркынычсыз тормыш" , формасы юл йөрү кагыйдәләре төгәл үтәү буенча әңгәмә иде.

2018 нче елның  26 нчы сентябренда  мәктәбебездә профориэнтацион  юнәлеш кысаларында Әтнә район суды башлыгы Назмиев Азат Фәрит улы белән очрашу узды. Очрашуда судья ярдәмчесе  Сафиуллина  Алия  Җәүдәт кызы  һәм суд администраторы Файзрахманов Марсель  Равил улы да бар иде. Укучылар өчен бу очрашу бик мавыктыргыч булды. Укучылар судья һөнәрен сайлау өчен нинди булырга, кайда укырга,  үзеңдә  нинди  сыйфатлар булдырырга кирәклекне  белделәр, үзләре дә килгән кунакларга бик күп сораулар бирделәр. Очрашу бик җанлы һәм җылы атмосферада үтте.

Мәктәбебездә очрашулар булып тора. 25 нче сентябрь көнне  9-11 нче сыйныф укучылары Казан дәүләт энергитик университеты  доценты Зөхрә Мөхәммәт кызы белән очрашты.  Доцент университет тарихы, аның бүлекләре,  анда керү имтиханнары, укыганда яшәү шартлары турында сөйләде. Укучыларны кызыксындырган сорауларга җавап бирде, университет турында презентация күрсәтте. Очрашу ахырында укучыларны 27 нче сентябрьда үтәчәк "Ачык ишек" ләр көненә чакырды. 

Мәктәптә "Бердәм сәнгать дәресе" кысаларында сыйныфларда класс һәм тәрбия сәгатьләре үтте. Башлангыч сыйныф укучыларына мәдәни көндәлекләр өләшенде. 5 - 8 нче сыйныфларга  "Татарстан сәнгате" дигән темага презентация күрсәтелде.

17 нче сентябрьдан   мәктәптән тыш эшләр  "Дизайн мәктәбе" дәрестән тыш эшчәнлеге үзенең эшчәнлеген башлап җибәрде. Эшчәнлек быелгы уку елында бисер белән эшләү серләрен өйрәнүне дәвам итәчәк. Укучылар яраткан шөгыльләренә керешүләрен бик шатланып  кабул иттеләр, эшкә керештеләр.

Бүген мәктәптә әти - әниләр җыелышы үтте. Районның балалар табибәсе Диляра Ринатовна аларга грипптан һәм аннан саклану чаралары турында аңлатты. Соңыннан әти - әниләр белән әңгәмә сыйныфларда дәвам итте. Педиатр укучылар белән дә очрашты. Ул укучыларга җенси тәрбия турында лекция укыды. Очрашу сораулар  һәм узара әңгәмә белән тәмамланды.

Районда үткән "Кросс Татарстана -2018" ДЮСШ беренчелегенә үткәрелгән кызлар арасындагы ярышта 6 сыйныф укучысы Гараева Әлфинә 2 урын, 9 сыйныф укучысы Насырова Сиринә 1 урынны яуладылар. Кызлар котлыйбыз, уңышлар телибез!

"Экстремизмга - юк!" акциясе дәвам итә. Мәктәбебез укучылары сугыш чоры баласы Шәфикова Гөлбәрия апа белән очрашуда булып, аның хәлен белеп кайттылар. Ул чордагы авырлыклар тагын кабатланмасын, "Без тынычлык яклы!" дигән фикердә калдылар.

"Экстремизмга -юк!" атналыгы кысаларында төрле чаралар үткәрелә. Башлангыч сыйныфларда дуслык, тынычлыкның асылы, кадере турында фикер алыштылар, ә соңыннан "Без тынычлык яклы" темасына һәр сыйныфта  тәрбия сәгатьләре үтте.