3 нче  Россиякүләм  #әдәбимарафонда актив катнашып, Әмирхан Еники, Фәнис Яруллин,Габдулла Тукай иҗатларын укып, вк челтәрендәге шәхси битләрендә тәкъдим итеп 8 нче сыйныф укучысы Насирова Сиринә, 11 нче сыйныф укучысы Садриева Энҗе һәм  Садриева Алия дипломнар белән бүләкләнделәр.

Мәктәбебез Г.Тукай туган көнне зурлап уздырды. Бу көнгә 1-11 нче сыйныф укучылары бик теләп  " Тукай - безнең күңелләрдә" дип аталган әдәби - музыкаль кичә  үткәрде. Кичәне  оештыручы татар теле һәм әдәбияты укытучысы Сөнгатова Гөлнара Зөлкарь кызы. Кичәдә Г.Тукай шигырьләре, аның сүзләренә язылган һәм халык җырлары яңгырады. Бәйрәм биюләр, шигырьләрне сәнгатьле сөйләү белән бергә үрелеп барды. Кичәне  бөтен мәктәп  гимныбызга әверелгән "Туган тел" җырын җырлап тәмамлады.

25 нче апрель көнне Галиева Рәйсә Равил кызы 5 нче сыйныфлар белән берлектә " Җир авазы" дигән темага ачык тәрбия сәгате күрсәтте. Тәрбия сәгатендә укучылар җир, аның байлыклары турында бик күп мәгълүмат алдылар.  Җирнең матурлыгын, аның авазын,  тавышын рәсемнәрдә, төсләрдә, музыкада таптылар. Җиргә ничек итеп ярдәм итәргә, сакларга кирәклекне ачыкладылар. Нәтиҗәдә, үзләренең җиргә ярдәм кулы сузачакларына вәгъдә бирделәр.

Мәктәптә проект яклау дәвам итә. 2-3 нче сыйныфлар проект эшчәнлегенә йомгак ясадылар һәм аның нәтиҗәсен күзәтергә  әти -әниләр дә килде. Укучылар "Туган як", Хайваннар дөньясы", "Һөнәрләр иле", "Туган як табигате" дигән темаларга проект эшчәнлеге алып барганнар. Проектлар күләмле һәм нәтиҗәле. Күп кенә укучылар проект эшчәнлеген алган темалар буенча дәвам итәчәкләрен белдерделәр.

Татар теле атналыгы кысаларында 6-7 нче сыйныфлар  татар теле һәм әдәбияты укытучысы Садриева А.Г. һәм китапханәче Вафина Л.Р. белән берлектә "Мин кулыма китап алам" дип исемләнгән әдәби очрашу үткәрделәр. Бу очрашу Г.Тукайның туган көне уңаеннаен шигырь  кичәсе булды. Укучылар сәнгатьле укучылар бәйгесендә көч сынаштылар, бөек шагыйребезне искә алдылар.

Бу атнада мәктәбебездә татар теле атналыгы башланып китте. Атналык оештыру эшләре, "Г.Тукай иленә сәяхәт" дип исемләнгән рәсемнәр күргәзмәсе, Ф. Җиһанша, Ф.Галимуллин башкаруында Г.Тукайның шигырьләрен тыңлаудан башланды һәм атна буе дәвам итәчәк.

21 нче апрель көнне районыбыз мәктәпләре һәм Әтнә авыл хуҗалыгы техникумы укучылары арасында  XII Спартакиада кысаларында  50 кг авырлыктагы  яшүсмерләрнең Афганистанда интернационал  бурычын үтәгәндә һәлак булган Хәйруллин Зөлфәт Зөлфәр улы кубогына "Көрәш" ярышы үзды. Бу ярышта үз  категорияләрендә мәктәбебез укучылары Гыйләҗев Әдел - 1 урын, Мухаммадиев Айнур - 2 урын, Холмуродов Ислам - 3 урынны яуладылар. Әфәрин, егетләр! Уңышлар Сезгә!

Мәктәбебез укучыларының проект эшчәнлеге ахырына якынлашты. 1 нче сыйныфлар, сыйныф җитәкчесе Сафина Резеда Рашат кызы белән берлектә , проект  эшенә йоомгак ясап,аны якладылар.  Проектларның темалары бик кызыклы иде.   Проектларны яклау барышын  әти - әниләр дә күзәтте. Укучылар үзләренең белемнәрен һәм проект эшчәнлеген тиешле дәрәҗәдә  белүләрен күрсәттеләр.

20 апрель көнне татар теле һәм әдәбияты укытучысы Садриева Алия Габдулла кызы 5 нче сыйныфлар белән берлектә ачык дәрес күрсәтте. Дәреснең темасы: Г.Тукайның "Пар ат" поэмасын өйрәнү. Укучылар бу дәрестә Г.Тукайның тормыш юлы һәм иҗатына тукталдылар, аның әсәренә анализ ясадылар. Анализ барышында интеллект карталар, карточкалар, рәсемнәр  өстендә  эшләделәр. Үзләрен чын мәгънәсендә, әдәбият сөюче укучылар итеп күрсәттеләр.

Беренче Презедентыбыз Минтимер Шәймиев призына Актанышта үткәрелгән 400 гә якын көрәшче катнашкан төбәкара ярыштан мәктәбебезнең спорт сөюче, көрәшче, 9 нчы сыйныф укучысы Гыйләҗов Әдел 3 урынны алып кайтты. Молодец, Әдел!