23 нче март көнне Түбән Көек  мәктәбе базасында  "Без бергә" бәйгесенең район этабы узды. Бу бәйгедә мәктәбебездән  төрле номинациядә укучылар чыгыш ясады.  "Сувениры России" номинациясендә уңышлы чыгыш ясап, III нче урынга 1 нче сыйныф укучысы Гатауллина Лилия, шулай ук "Народный вокал" номинациясенең соло бүлегендә чыгыш ясаган Шигапова Айзилә III дәрәҗә дипломга лаек булдылар. Кызлар, киләчәктә дә уңышлар Сезгә!

VIII республикакүләм Ф.Әмирхан исемендәге фәнни -гамәли конференциядә 8 нче сыйныф укучысы Закирҗанов Эмиль III урынга лаек булып, Диплом белән бүләкләнде (укытучысы Садриева А.Г.). Котлыйбыз!! Уңышлар телибез.

20 нче март көнне Әтнәдә мәдәният йортында күчмә музей эшләде. Анда Казан арты авылларыннан сугышка киткән солдат хатлары күргәзмәсе оештырылган иде. Бу музейны карау өчен, безнең мәктәпнең  7,10 нчы сыйныф укучылары мәдәният йортында булып, оештырылган чарага катнашып кайттылар.

2018 нче елның 16 нчы мартында район күләмендә нәфис сүз осталарының "Живая классика - 2018" дип аталган бөтенроссия  бәйгесе үтте. Бу бәйгедә мәктәбебездән 7 нче сыйныф укучысы Шигапова Айзилә ( укытучысы Хөснетдинова А.М.), уңышлы чыгыш ясап,  дипломга лаек булды. Чын күңелдән котлыйбыз!

7 нче март көнне башлангыч сыйныф укучылары әниләрне, әбиләрне, апаларны, дәү әниләрне кунакка дәштеләр. Аларны бәйрәм белән тәбрик иттеләр, бүләкләр бирделәр. Бәйрәм концерт номерлары: дәртле җырлар, биюләр, әниләр турында шигырьләр белән үрелеп барды.

Елдагыча 7 нче март көнне 8-11 нче сыйныф укучылары "Ягез әле, кызлар!" бәйгесенә җыйналды. Ике команда көч сынашты. Программада төрле эшләр бирелгән иде. Автомат җыю, чигү, пешкән ризыкка реклама, җыр, бию, интеллектуаль бәйге. Кызлар сынатмады. Дуслык җиңде.

Район  физика укытучылары семинары кысаларында  8 класста "Токның эше һәм егәрлеге" дигән темага ачык дәрес булып үтте. Хәкимҗанов Х.Г. физика дәресләрендә предмет һәм метапредмет нәтиҗәләргә ирешү ысулларын күрсәтте. Проект эшчәнлеге уңышлы кулланылды, укучыларның уку активлыгын арттыру, фәнгә кызыксыну тәрбияләү максатында  төп терминнар һәм закончалыклар тормыш белән  бәйләп аңлатылды.  Укучылар дәрестә күп практик сорауларга җаваплар таптылар. 

5-6 нчы сыйныф укучылары музыка укытучысы Фәрдия Төхфәтуллина,  авыл китапханә мөдире Луиза Вафина белән берлектә инде берничә ел рәттән уздырыла торган "Туган телем - иркә гөлем" дигән традицион тамчы -шоу бәйгесендә катнаштылар.  

28 нче февраль көнне Батршина Сания Фаритовна 5 нче сыйныфлар белән берлектә "Употребление имен существительных в числе" дигән темага ачык дәрес күрсәтте. Дәрес бик үзенчәлекле иде. Укучылар командаларга  бүленеп, тәрҗемәче булып алдылар. 1 нче команда "Татар халык ашлары", ә икенче команда "Әтием һөнәре" дигән темага тәрҗемә эше башкардылар. Бу дәрескә үткәнне кабатлау да, иҗади эшләү дә, индивидуаль һәм группаларда эшләү   кертелгән иде. Укучылар бик актив булдылар. Дәрес бик файдалы үтте.

2  көн дәвамында Әтнә дәүләт драма театры бинасында "Созвездие - йолдызлык -2018"  фестиваленең сайлап алу туры узды.  Безнең мәктәптән  6 нчы сыйныф кызлары Гатауллина Зәринә һәм Вафина Зәлия, Гиниятуллина Зәлинә, 7 нче сыйныфтан Шигапова  Айзилә чыгыш ясадылар.Безнең өчен куанычлы хәбәр: бу бәйгедә уңышлы чыгыш ясап, Шигапова Айзилә 2 дәрәҗә лауреат исеменә, Гатауллина Зәринә һәм Вафина Зәлия дуэты 3 дәрәҗә лауреат исеменә, Гиниятуллина  Зәлия чыгыш ясаган "Таң йолдызлары" хореография төркеме 1 нче дәрәҗә лауреат исеменә лаек булдылар.Гатауллина Зәринә һәм Вафина Зәлия  дипломат исемен алдылар.Җитәкчеләре Абдуллина Л.Р. Кызлар җиңуегез белән котлыйбыз.Молодцы!!!!