Бүген бездә ЮХИДИ хезмәткәрләре кунакта булды. Зурлар һәм мәктәпкә әзерлек төркеме балалары арасында авылыбыз юлларына куелган юл билгеләре һәм юлда йөрү кагыйдәләре буенча уен-ярыш үтте. Балалар Рафиль абыйларының сорауларын дөрес җаваплар белән канәгатьләндерделәр.  

Уртанчылар төркеме балалары бүген, чит галәмнән җир шары белән танышырга килгән Галәметдинне, урамда дөрес йөрү, үз-үзеңне тоту кагыйдәләре, юл билгеләре белән таныштырдылар.

Бүген мәдәният йортында зур хөрмәткә лаек шәхес - Фәүзия Бәйрәмова белән очрашу булды. Очрашуда безнең бакча балалары да катнашты.

Кулларыбызның чуклары - бармак очларында баш миенә йогынты ясый торган нокталар урнашкан. Тәрбиячеләр нәниләр белән кул моторикасына зур игътибар бирә.  

Нәниләр төркемендә Гөлнур Сәмигулла кызы әти-әниләр һәм укытучыларга  "Кошлар белән танышу" темасына ачык эшчәнлек күрсәтте.  Эшчәнлек "Сөйләм үсеше" белем бирү өлкәсе буенча балаларның сөйләм телләрен үстерү, т, к авазлары кергән сүзләрне дөрес әйтү максатыннан алынды.  

Бүген мәктәпкә хәзерлек төркемендә башлангыч сыйныф укытучылары һәм әти-әниләр өчен математика эшчәнлеге күрсәтелде. Математика фәне кызыклы һәм кирәкле икәнен төшендерү максатыннан төркем тәрбиячесе Раилә Мөхәммәтфатих кызы төрле методик алымнар, чаралар белән 9 санының составын өйрәтте. 

Укытучылар һәм әти-әниләр өчен Гөлфия Хәйдәр кызы уртанчылар төркеме белән рус теленнән ачык дәрес үткәрде. Балалар "Курочка Ряба" әкиятендә кунакта булдылар, аның белән уйнадылар, сорауларына җавап бирделәр, алып килгән сюрпризына  сөенделәр. 

Уртанчылар төркемендә тәрбияләнүче балалар һәрвакыт канатлы дусларыбызга ярдәм итәргә әзер. Көн саен үзләре алып килгән җим белән сыйлыйлар.

Безнең бакчадан "Йолдызчыклар" командасы V спорт Фестивалендә авыл балалар бакчалары арасында II урынга лаек булды. Балалар үзләренең оста, җитез, игътибарлы булуларын исбатладылар. "Афәрин!"

Төркемебезнең иң сөйкемле балаларыннан берсе тагы бер яшькә үсте. Асылъярга 2 яшь тулды. Аны балалар туган көне белән котладылар.