Хөрмәтле Гөлфәния Тәлгатовна!

Күп тә түгел, аз да түгел - чын юбилей.

Гомерегезнең бер күңелле бәйрәме бу.

Кулларыгызда чәчәкләрнең генә түгел,

Ирешелгән уңышларның бәйләме бу.

Мәктәпкә хәзерлек төркемендә тәрбияләнүче балалар бүген укытучыларны һөнәри бәйрәмнәре белән котладылар. Нәни дусларыбызның җырлары, биюләре, изге теләкләре укытучылар күңеленә үтеп керде.

Җир йөзендә иң-иң матур теләкләрне

Сорасалар багышларга кемгә диеп.

Үзенә бик күп йөрәкләрне әсир иткән

Укытучы, дияр идем, башым иеп.

Урамда салкын көз булса да, безнең төркемебездә һаман җылы, чәчәкле җәй. Уртанчылар төркемендә эшләүчеләр балалар белән бергә ел дәвамында бүлмәләрен гөлчәчәккә күмеп тоталар.

Өлкәннәр декадасы кысаларында бакчабызга йөрүче балаларның бабалары һәм әтиләре бакчабызда кунакта булдылар. Оныкларының, балаларының матур чыгышларын карап куандылар. 

Бүген иртән бакчабыз коллективын мәктәп укучылары бәйрәм белән котладылар. Үзләренең дәртле биюләрен, моңлы җырларын, изге теләкләрен җиткерделәр.

Бакчабызда гает бәйрәме уңаеннан матур чара үткәрелде. Җәлил хәзрәт Фазлыев һәр балага күчтәнәч өләште. Аңа әти-әниләр, балалар һәм бакча хезмәткәрләре исеменнән зур рәхмәтебезне белдерәбез.

"Көз" проектын йомгаклап әниләребез табигый хәзинәләрдән төрле композицияләргә җан өрделәр. Аларга зур рәхмәтебезне белдерәбез. 

"Алтын көз" проекты кысаларында нәниләр төркемендә "Көздэ кунакта" исемле бәйрэм иртәсе узды. Балалар бу чарада бик теләп катнашып көзнең сихри мизгелләре, аның муллыгы, матурлыгы белән танышып үзләренең көз турында белемнәрен ныгыттылар. "Көздә кунакта" булу балалар күңелендә бик матур истәлекләр калдырды. 

Бүген бакча балалары көз патшалыгында кунакта булдылар. Көзге табигатьнең матурлыгына сокланып карадылар. Сары күлмәкле каеннар, көнбагышлы басу, көзнең җылы җиле белән дулкынланып торган бия суы балаларны көлеп каршылады. Күктәге кояш та нурларын мулдан койды. Көннең җылылыгы, матурлыгы карап туймаслык иде. 

Көзге икмәкне җыеп алуга бакчабыз хезмәткәрләре дә үзләреннән өлеш керттеләр. Туган совхозыбызга бик теләп булыштык.