31 нче март көнне мәктәбебез укучыларына балигъ булмаган балалар белән эшләүче Нәҗипова Ләйсән Газинур кызы һәм районның ФОРПОСТ җитәкчесе Галимзянов Ф.Ш. белән очрашу үткәрелде. Очрашуда укучыларга экстремизм терроризмны булдырмау,укучыларның тәртипләре турында аңлатылды.

25 нче март көнне Балтач мәктәбендә III республика “Фәнгә адымнар-2016” фәнни-гамәли конференциясендә укучыларыбыз химия,биология, физика,информатика фәннәре буенча фәнни-эзләнү эшләрен яклап дипломнар белән бүләкләнделәр. Укучыларыбызга һәм аларны әзерләгән укытучыларыбызга зур рәхмәтебезне белдерәбез.

Укучыларыбыз тырышлыгы белән ясаган сыерчык оялары Саба урманчылыгына тапшырылды. Тиздән бу ояларга сыерчыкларыбыз кунып безне матур җырлары белән сөендерерләр.

24 нче март көнне бертөркем укучыларыбыз Субаш мәктәбендә баш тренер Фагыйл Гайнутдинов призына кул көрәше буенча уздырылган ярышларда яхшы уңышларга ирешеп кайттылар. 8 класс укучысы Нурмөхәммәтов Солтан 1 урын, 7 класс укучысы Гимадиева Филюзә, 8 нче класстан Галимова Әлфинә 2 урынга лаек булдылар. Укучыларыбызны җиңүләре белән чын күңелдән котлыйбыз.

19 нчы март көнне Ф.Шакиров призына үткәрелгән көрәш буенча ярышта 3 нче класс укучысы Галимов Әлфисне 3урында калуы белән котлыйбыз, зур уңышлар теләп калабыз.

Иртәнге линейкада дежур торган 11 нче класс атналык эшкә нәтиҗә ясады. Нәтиҗәләргә килгәндә “Иң яхшы укучы класслар” дип 11 класслар танылды. “Шәфкатьле класс” номинациясе буенча 7 нче сыйныф, “Спорт сөюче класс”-1нче сыйныф укучыларына бирелде.”Иң чиста класс”-8 нче сыйныф, “Иң тәртипле укучылар ” дип 5 нче сыйныф билгеләнде.

29 нчы март көнне укытучылар һәм техперсоналлар өчен мәктәбебездә чираттагы эвакуация үткәрелде.

Каникулның бүген ахыргы көне. Сыйныф җитәкчеләре укучыларны каршы алырга әзерләнәләр. Классларда гөлләр күчерелеп утыртылды, бүлмәләр җыештырылды.

25-март көнне Балтач урта мәктәбендә оештырылган III - республика “Фәнгә адымнар” фәнни-гамәли конференциясендә укучыларыбыз матур чыгышлары белән катнашты. Химия юнәлешендә 10-класс укучысы Латыйпова Гүзәл (укытучысы Валиева Р.У.), физика юнәлешендә 11-класс укучысы Мифтахова Гүзәл һәм 6-класс укучысы Гильмуллин Фәнис (укытучысы Мифтахов Ф.Р), информатика юнәлешендә 10- класс укучылары Нуретдинов Нияз һәм Кадыйров Алмазлар (укытучылары Мифтахов Ф.Р. һәм Мифтахова Н.С) дипломнарга лаек булдылар. Укучыларыбызның эшен Татарстан Республикасы Фәннәр Академиясеннән килгән дәрәҗәле кунаклар, галимнәр бәяләде, аларга матур теләкләрен, файдалы киңәшләрен җиткерде. Без дә үз чиратыбызда укучыларыбызга рәхмәт белдереп, алдагы конкурсларда да актив катнашуларын теләп калабыз.