12 нче февраль көнне химия укытучысы Валиева Раушания Урановна тәҗрибә уртаклашу максатыннан 8 классларда химиядән“Неорганик кушылмалар патшалыгында” дип исемленгән эшлекле уен –дәрес күрсәтте. Укучылар химиядән алган белемнәрен тиешенчә кулланып биремнәр эшләделәр. Дәрес күтәренке рухта үтте. Укытучыга алдагы эшендә зур уңышлар теләп калабыз.

Бер күрешү - үзе бер гомер бит
Очрашыйк без исән чакларда.
Күңелдә яңарыр хатирәләр,
Искә төшәр бала чаклар да.
Хөрмәтле Бөрбаш мәктәбен тәмамлаган “Укучыларыбыз”!
Сезне 13-февраль көнне үтәчәк “Очрашу кичәсенә” чакырабыз. Рәхим итегез, көтәбез! Кичәбез мәдәният йортында 18:00 сәгатьтә башлана.
Бөрбаш урта мәктәбе коллективы.

Кояш нурларында җемелдәгән карда чаңгы шуу искиткеч ләззәт бирә икән. Мәктәп укучылары һәм укытучылары чаңгы юлына зур теләк белән чыктылар.
Барлык укучылар һәм укытучылар рәхәтләнеп чаңгы шудылар. Чаңгы шуганнан соң, һәммә кеше табигать кочагында тәмләп чәй эчте.

11 нче февраль көне ТР Республиказы приказына нигезләнеп мәктәбебездә Парламент дәресе үткәрелде. Дәрескә Бөрбаш җирле үзидәрә башлыгы Хакимов Сәйдәш Шамсиевич чыкырылган иде . Ул укучыларыбызга Мәскәүдә Бердәм Россия партиясенең чираттагы съездында катнашып кайтуы турында сөйләде. Укучыларыбызның кызыксынган сорауларына җавап бирде. Укучыларыбыз үзләренә бик күп файдалы мәгълүмат алдылар.

“Яхшылык кыл да-суга сал”-мәкале нәкъ безнең укучыларыбызга тура киләдә инде. Укучыларыбыз хәйрия акцияләрендә бик теләп катнашалар. Лениногорск шәһәрендә булган вакыйгага безнең мәктәп укучыларыбыз битараф калмадылар 9 яшьлек Журавлев Ильяга ярдәм итү йөзеннән хәйрия акциясендә катнашып, үз көчләреннәң килгә кадәр ярдәм итүләре өчен укучыларыбызга зур рәхмәтебезне белдерәбез.

Оборона-масса айлыгы кысаларында класслар арасында шахмат, шашка уеннары оештырыла. Тәнәфес вакытларын да укучыларыбыз файдалы үткәрәләр.

9 нчы февраль көнне тарих һәм җәмгыять белеме укытучысы Гөбәйдуллин Ранил Мөнир улы”Ел класс җитәкчесе-2016 “Түнтәр мәктәбе зонасында үткәрелгән бәйгедә матур чыгыш ясап кайтты. Укытучы 9 сыйныфлар белән “Авыл яшәсә-Россиядә яшәр” темасы астында тәрбия сәгате күрсәтте. Бәйгенең икенче өлешендә класс җитәкчәләре үзләрен яклау презентациясе һәм проект эшләрен яклауда катнаштылар. Ранил Мөнировичка алдынгы урыннарга чыгуын теләп, рәхмәтебезне белдерәбез.

10 нчы февраль көнне мәктәбебез Норма, Салавыч, Карадуган, Балтач, Алан мәктәпләренең сыйныф җитәкчеләрен кабул итте.Әлеге укытучылар районның зона этабында “Класс җитәкчеләре” бәйгесендә катнашып тәрбия сәгатьләре күрсәтеп үзләренең осталыклары белән уртаклашып киттеләр.

10 февраль көнне бер төркем укучыларыбыз ТИН укытучысы Акбиров Рим Фәргәть улы җитәкчелегендә Чипья мәктәбендә Сидоров призына оештырылган ФОРПОС отрядлары ярышында булып, үз көчләрен сынап кайтылар. Укучыларыбыз район мәктәпләре арасында 4 урында калдылар. 10 сыйныф егетләре Нуретдинов Нияз, Фәхретдинов Рүзәл, Кадыйров Алмаз мылтык сүтеп коруда, төз атуда, турникта тартылуда яшхы күрсәткечләргә ия булдылар. Укучыларыбызга яхшы чыгыш ясап, мәктәп данын яклап кайтканнары өчен рәхмәтебезне белдерәбез.

31 нче январь көнне Казан шәһәрендә үткәрелгән “Киндер-Мастер”каратэ ярышларында беренче сыйныф укучысы Базагутинов Әмир 1 урынны яулап кайтты. Әмирне һәм аның тренерынын Базагутинов Альберт Шәйхетдин улың чың күңелдән җиңүләре белән котлыйбыз.