26 нче февраль көнне герой-шагыйрь Муса Җәлилнең тууына 110 ел тулуга багышлап “Тик булса иде ирек”дигән әдәби-музыкаль кичә уздырылды.Кичәнең беренче өлешендә 8 нче сыйныф укучылары М.Җәлилнең шигырьләрен сөйләделәр, җырларын башкардылар. Ә икенче өлешендә шагыйрьнең тормыш юлы һәм иҗатына багышланган викторина сорауларына җавап бирделәр.

25 нче февраль көнне герой-шагыйрь Муса Җәлилгә 110 ел тулу уңаеннан, Карадуган мәдәният йортында Минзәлә дәүләт театр коллективы белән очрашу үткәрелде. Безнең мәктәптән әлеге тантанада 4 нче сыйныф укучыларыХөсәенова Зәринә,Базагутинова Диния, 5 нче сыйныф укучысы Газизуллин Кәрим катнашты. Алар “Йолдызлы малай”спектаклен карау бәхетенә дә иреште. Себер тракты музеенда экскурсиядә

26 нчы февраль көнне “Халыкара туган тел” көне уңаеннан “Газиз туган телем” дип исемләнгән 5, 6 нчы сыйныфлар арасында викторина үткәрелде.Командалар зирәклектә, тапкырлыкта көч сынаштылар. 41 очко белән “Туган тел” командасы җиңүгә иреште “Бөрбаш” командасы алардан бары 1 очкога гына калышты. Бу бәйгене оештырган татар теле һәм әдәбияты укытучысы Нуретдинова Зөльфирә Зөфәр кызына һәм укучыларга зур рәхмәтебезне белдерәбез.

21 нче февраль көнне Казанда ШЭ Камалов призына үткәрелгән шахмат ярышларында безнең яшь шахматчыларыбыз Абдрахманов Әмир 1, 2 урыннарны, Корбанов Ильяс 3 урын яуладылар. Аларны бу зур җиңүләре белән котлыйбыз, зур уңышлар телибез.

22 нче февраль көнне 8 нче сыйныф укучылары Бөек Җиңүнең 71 еллыгы уңаеннан һәм “Ватанны саклаучылар” көненә концерт куйдылар. Концертта укучылар яңа биюләр дә, матур җырлар да башкардылар. Аларның зур тырышлык куеп әзерләнгән бәйрәмнәре кадерле әтиләребезгә һәм килгән кунакларга бик ошады. Концертта катнашучыларга зур рәхмәтебезне җиткерәбез.

Хөрмәтле ир-егетләр!
Сезне чың күңелебездән Ватанны саклаучылар көне белән котлыйбыз. Сезгә һәм гаиләләрегезгә тыныч күк йөзе,ныклы сәламәтлек, бәхет, муллык һәр эшегездә уңышлар теләп калабыз.
Сез безнең күңелгә мәңгелек ышаныч!
Сез көчле, сез батыр, сез-безнең куаныч!
Сез- алтын багана, гаиләдә сез-терәк!
Тынычлык-иминлек сагында сез кирәк!
Бәйрәмеге белән котлап,
Ир-егетләр, сезгә дәшәбез.
Һәрчак шулай, кыю, батыр булып,
Үрнәк булып, җирдә яшәгез.
Якты көннең һәрбер иртәләре,
Килсен сезгә, кояш, нур булып.
Сәламәтлек, бәхет юлдаш булсын,
Куанычлар килсен ургылып.

19 нчы февраль көнне Балтач районы прокурор ярдәмчесе Шарифуллин Фәрит Гомәр улы белән очрашу уздырылды һәм А.Г.Звягинцевның “Нюрнберг-70 елдан” соң дип исемләнгән фильмы күрсәтелде.

20 нче февраль көнне уздырылган Аҗаган хәрби-патриотик уенында барлык укытучыларыбыз һәм укучыларыбыз теләп катнаштылар. Укучыларыбыз үзләренең көчләрен , осталыкларын мылтыктан төз атуда, мина эзләүдә, аркан тартуда, беренче мед. ярдәм һәм башка уеннарда күрсәтә алдылар.

22 нче февраль көне яшь укутучыбыз Зарипов Алмаз Маулет улы 5 классларда ачык математика дәресе үткәрде. Яшь укытучыбыз укучылар белән бик күп төрле эш алымнары башкарды. Тәҗрибәле укытучыларыбыз тарафыннан киңәшләр, тәкъдимнәр бирелде. Алмаз Маулетовичка алдагы эшендә зур уңышлар телибез.

16 нчы февраль көнне мәктәбебез укучылары макулатура җыйнауда актив катнаштылар. Укучыларыбыз көче белән барлыгы 759 кг кәгазь тапшырылды. Иң актив класслар 1урында-4,7,9 класслар,2 урында-2,5,8 класслар, 3урында-1,6,10 класслар билгеләнде. Мәктәп буенча 2 нче сыйныф укучысы Каримуллин Райнур 47 кг кәгазь тапшырды.