Бүген мәктәбебезнең 9 һәм 11 нче сыйныф укучылары математикадан сынау имтиханнары тапшыра. Укучыларыбызга уңышлар телибез.

Хөрмәтле Гузәл Галимулловна!
Сезне чың күңелебездән туган көнегез белән тәбриклибез. Сезгә шушы бәйрәмегездә теләкләрнең иң изгесен иң сафын юллыйбыз. Җаныгыздагы йолдызлар балкышын сүндермичә, күңелегездәге яшәүнең алкышын киметмичә, сәламәтлек дәрьясында коенып яшәвегезне телибез.
Җир өстенең җем-җем ак карларын
Килә сезгә бүләк итәсе.
Дөньядагы матур сүзләрнең дә
Иң җылысын килә әйтәсе.
Котлыйбыз, котлыйбыз
Сезне юбилей белән.
Кайгыларга бирешмичә
Яшәгез сез шатлык белән.
Иң изге теләкләр белән мәктәп коллективы.

Мәктәбебезнең боз мәйданчыгы бүген авыл яшьләре арасында хоккей бәйгесен кабул итә.

Бүген 9, 11 класс укучылары рус теленнән сынау имтиханнары тапшыралар. Укучыларыбызга уңышлар телибез.

Кышкы лагерьда 9-11 класс укучыларыбыз өчен имтихан бирү фәннәреннән консультацияләр бара.

Укучыларыбызны повар апалары тәмледән-тәмле ризыклар белән сыйлап кына торалар.

Кышкы каникулларның да санаулы көннәре генә калып бара. Малайларны, кызларны көн саен хоккей мәйданчыгында, чаңгыда күрергә була. Укучыларыбыз ялларын бик күңелле һәм файдалы үткәрәләр.

Кадерле дуслар! Хөрмәтле коллегалар!
Чын күңелдән сезне якынлашып килүче Яңа ел бәйрәме белән котлыйм!
Һәр елны без әлеге минутларны зур түземсезлек белән көтеп алабыз, нәтиҗәләр ясыйбыз, киләчәккә планнар корабыз, иң изге теләкләребезнең чынга ашуына өметләнәбез.
Хезмәттәшләремә, укытучыларга фидакарь хезмәтегез, киләчәк буынга – яшьләребезгә армый-талмый хезмәт итүегез өчен зур рәхмәт әйтәсе килә!
Барлык мәктәп укучыларына һәм студентларга зур уңышлар һәм күңелле кышкы каникуллар телим.
Яңа ел һәммәбез өчен дә яңа һөнәри казанышлар, күңелле вакыйгалар, иминлек һәм куелган максатларга ирешү елы булсын.
Сезгә һәм Сезнең якыннарыгызга сәламәтлек, бәхет һәм күңел тынычлыгы телим!
Татарстан Республикасы Премьер-министры урынбасары – мәгариф һәм фән министры Э.Н. Фәттахов

Лагерьда укучыларыбыз рәхәтләнеп ял итү белән бер рәттән имтиханнарга да әзерләнергә онытмыйлар. Чөнки бик тиздән алар үз белемнәрен математика һәм рус теленнән сынап караячаклар. Укучыларыбызга бары тик уңышлар гына телик.

Кичә 14 нче утырыш утырышында 5 нче чакырылыш ТР Дәүләт Советы РФ Федераль Җыены Дәүләт Думасы Рәисе Сергей Нарышкин адресына мөрәҗәгать кабул итте. РФ гомуми белем бирү оешмаларында рус телен һәм әдәбиятын укыту концепциясе проекты буенча мөрәҗәгатьне депутатлар бертавыштан кабул итте.
Әлеге мәсьәлә буенча Дәүләт Советының мәгариф, мәдәният, фән һәм милли мәсьәләләр буенча комитеты рәисе Разил Вәлиев чыгыш ясады.
Мөрәҗәгатьтә рус теле үсеше буенча концепциянең бөтенлегенә карамастан, документта рус теле булмаган телләр үсешенә гарантия бирмәгән һәм Россия Федерациясе халыкларының белемгә һәм мәдәни хокуклары яклануын тәэмин итмәгән нигезләмәләр сакланган. Р.Вәлиев, шул рәвешле, документны җиренә җиткереп эшләп бетерүгә иҗтыяҗ булуга ишарәләде.
“Концепция проекты белем бирүнең һәр этабында төп предметларга бары тик рус телендә генә мәҗбүри укытуның бердәм дәүләт системасын кертүне, ә туган телләр һәм әдәбиятларны аерым дисциплиналар сыйфатында гына өйрәнүне күздә тота. Бу нигезләмә Россия Конституциясенең 26 нчы маддәсенең 2 нче өлешендә теркәлгән РФ гражданнарының өйрәнү телен үз теләге белән сайлау хокукларына каршы килә. Күп милләтле Россия Федерациясендә бер телдә генә белем алу халыклар тигезлеге принцибын бозачак”, - диелә мөрәҗәгатьтә.
Разил Вәлиев ассызыклаганча, күп милләтле.....