7-14 нче февраль көннәрендә мәктәбебездә үткән инглиз теле атналыгына йомгак ясалды.Урыннар түбәндәге номинацияләр буенча билгеләнде. Открыткалар ясау буенча 1урын- 7 классларга, 2 урын -8 класслар, 3 урын- 6 классларга билгеләнде.Кроссвордлар чишү буенча 1 урын-11 класс,2 урын-7 классларга бирелде.Буклетлар ясау буенча1 урын-11 классларга, 2 урын 9 классларга, 3 урын-10 класслар арасында билгеләнде. Инглиз теле атналыгында иң актив укучылар да ачыкланды: Мухаметзянова Диләрә, Корбанова Чулпан, Шарипова Фәйрүзә,Галиева Дилюзә, Гыйльмуллин Фәнис, Мухарлямова Динә, Хусаенова Зәринә, Галиуллин Илсаф. Гомуми нәтиҗәләргә килгәндә 9-11 класслар
арасында 1 урын-11кл, 2 урын-9 кл, 3 урын-10 кл, урта класслар арасында-1 урын-8 класслар, 2 урын-7 кл, 3 урын 6 кл, башлангыч сыйныфлар арасында 1 ур-3 кл, 2 ур- 4 классларга бирелде. Укучылар бу атналыкта катнашып Бөек Британия турында презентацияләр ясап файдалы мүгълүматлар туплап, белемнәрен ныгыта алдылар. Бу чарада актив катнашкан укучыларга һәм инглиз теле укытучылары Мөхетдинова Гөлнара Сафуановнага һәм Габидуллина Наиля Наилевнага рәхмәтебезне белдерәбез.

7 нче сыйныф укучысы Мифтахов Наилне Бөтенроссия фән олимпиадаларының муниципаль этабында география фәне буенча призёр булулы белән чын күңелдән котлыйбыз! Наилне әзерләгән укытучы Мифтахов Магфур Раифовичка зур рәхмәтебезне белдерәбез. Алдагы олимпиадаларда да зур уңышларга ирешүләрен телибез. Афәрин!

Салавыч авылында үткәрелгән РСФСРның спорт мастеры Рафис Насибуллин призына үткән ярышларда 10 нчы сыйныф укучысы Фәхретдинов Рүзәль , 8 нче сыйныф укучылары Шәйхетдинов Фәннүр, Гайфетдинов Фәнзилләр катнашып кайттылар. Фәхретдинов Рүзәлне 3 урын алуы белән чын күңелдән котлыйбыз. Алдагы ярышларда да егетләребезгә зур уңышлар телибез.

Иртәнге линейкада дежур торган 11 нче класс атналык эшкә нәтиҗә ясады. Бу атнада “Иң яхшы укучы класс” дип 5 класслар танылды. “Шәфкатьле класс” номинациясе 7 сыйныф укучыларына бирелде.”Иң чиста класс”- 8 сыйныф, “Иң тәртипле укучылар ” дип 10 сыйныф билгеләнде.

Мәктәбебездә 12 нче декабрь көнне РФ Конституциясе көне уңаеннан сыйныфларда тәрбия чаралары үткәреләде. Укучыларга файдалы мәгълүматлар бирелде.

11 нче декабрь көнне рус теле укытучысы Валиева Гөлнара Талгатовна тарафыннан 7 нче класста “Деепричастие” темасын кабатлау буенча ачык дәрес үткәрелде. Укытучы дәрестә төрле эш алымнары кулланып укучыларның белемнәрен ныгытты. Дәрес эшлекле һәм файдалы үтте.

8 нче декабрь көнне музыка укытучысы Базагутинова Динә Мәүлетовна 3 нче сыйныфта “Музыкада сүрәтләү интонациясе” темасына ачык дәрес күрсәтте. Укучыларыбыз музыкаль сәяхәткә юл алдылар. Һәр тукталышта укытучы укучыларның белемнәрен бәяли алды. Дәрес бай эчтәлекле, ФГОС таләпләренә тулысынча туры килерлек итеп оештырылган . Динә Маүлетовнага зур рәхмәтебезне белдереп, алдагы эшендә зур уңышлар теләп калабыз.

10 нчы декабрь көнне мәктәбебезнең өлкән вожатые Гөлчәчәк Габделбарыевна һәм 8 нче класс укучысы Исрафилов Хәлил Янгул урта мәктәбендә балаларның хокукларын яклау буенча оештырылган киңәшмәдә булып, тәҗрибә туплап кайттылар.

10 нчы декабрь көнне Шафигуллина Лилия Әсхәдулловна 4 нче классларда “Мәрхәмәт елмаюдан башлана” дип исемләнгән ачык тәрбия сәгате үткәрде. Тәрбия сәгате бик матур, эшлекле булды.Укытучыга алдагы эшендә зур уңышлар телибез.