4 нче декабрь көнне Бөрбаш мәдәният йортында Рабит Батулланың “Оча торган татар”әсәре буенча куелган “Рудольф Нуриев. Рудик” киносы булды. Режиссеры Фәрит Дәүләтшин. Бу фильм татарның дөньга танылган бөек балетмейстеры Рудольф Нуриев хакында булуы белән якын.

2 декабрь көнне сәнгатькә гашыйк бертөркем укучыларыбыз Түбән Кенә авылында Татарстанның халык артисты Римма Ибраһимова исемендәге “Талантларны барлар чак” дип исемләнгән районара ачык конкурс – фестивалендә катнашып кайттылар. 1нче сыйныфтан Абдрахманов Әмир, 5 сыйныфтан Газизуллин Кәрим нәфис сүз осталары буларак, 1 сыйныфтан Базагутинов Әмир, Фазлыева Әминә, 2 нче сыйныфтан Акбирова Нәфисә, 3 нче сыйныфтан Галимов Әлфис, 4 нчы сыйныфтан Базагутинова Диния, 6 нчы сыйныфтан Шакирова Галия, 7 нче сыйныфтан Гыйльмуллин Рифат, 8 сыйныфтан Гафарова Гөлгенә, Гильметдинова Гүзәл, Хәйретдинова Диләрәләр җырчылар буларак чыгыш ясадылар. Һәм нәтиҗәдә Галимов Әлфис беренче дәрәҗә, Акбирова Нәфисә һәм Гильмуллин Рифат өченче дәрәҗә дипломга лаек булып, истәлекле бүләкләр алып кайттылар. Конкурста катнашучы барлык укучыларыбызга тырышлыклары һәм конкурста телән катнашканнары өчен рәхмәт. Киләчәктә тагы да шундый конкурсларда актив катнашып, матур – матур уңышларга ирешсәк иде.

8 нче сыйныф укучысы Нуретдинова Фирүзәне Бөтенроссия фән олимпиадаларының муниципаль этабында биология фәне буенча җиңүче булуы белән чын күңелдән котлыйбыз! Фирүзәгә һәм биология укытучысы Сибагатуллин Мәлик Тимерхановичка зур рәхмәтебезне белдерәбез. Алдагы олимпиадаларда да зур уңышларга ирешүләрен телибез. Афәрин!

Карлары бураннары белән декабрь ае да башланып китте. Көннәр әле җылы торса да, эшлим дигәннәргә эш табыла ул. 10-класс егетләре “Изгелек кыл” девизын истә тотып, атна дәвамында һәйкәл тирәсендә тәртип булдырды, карларын көрәде. 

3 декабрь көнне укучыларыбыз районыбызның баш прокуроры Абитов Зөфәр Мәүлит улы белән очрашты. “Хокук белгечләре” темасы астында үткән әлеге очрашуда укучыларыбыз җәмгыятьтә бала хокуклары, аларның үз – үзләрен тотышлары турындагы кануннарны тирәнтен өйрәнделәр. Зөфәр Мәүлитович та үз чыгышында тәрбияле балаларның җәмгыятьтә урыны нинди дәрәҗәдә булуы хакында укучыларыбызга җентекләп аңлатты һәм киңәшләрен бирде. Укучыларыбыз прокурор авызыннан үзләре белергә теләгән сорауларга җаваплар да ишеттеләр. Укучылар өчен бик файдалы һәм кирәкле очрашу булды ул.

2015 елның 2 декабрендә Татарстан мәктәпләрен тәмамлаучы 16 меңнән артык укучы, шул исәптән мәктәбебезнең 11 нче сыйныф укучылары да 2016 елгы БДИ тапшыру мөмкинлеген алу өчен, йомгаклау иншасын яза.
Мөмкинлекләре чикле укучылар һәм инвалид-балалар өчен инша изложение белән алмаштырыла ала. Татарстанда изложения язу өчен 429 укучы теркәлгән.
Укучыларга иҗат эше өчен 4 сәгатькә якын, төгәлрәге, 235 минут вакыт бирелә. Физик мөмкинлекләре чикләнгән балаларга - 1,5 сәгатькә күбрәк. Катнашучыга үзе белән кара төстәге каләм, шәхесне раслаучы документ, катнашучы өчен күрсәтмәләр, кирәк булган очракта - дару һәм ризык алырга рөхсәт ителә. Орфографик сүзлекләрне мәктәп комиссиясе әгъзалары бирәчәк.
Имтихан вакытында телефон һәм смартфон, фото-, аудио- һәм видеоаппаратура, белешмә материаллар, язмалардан, үзләре алып килгән сүзлекләрдән файдаланырга, кабинетлардан инша темаларын алып чыгарга, бланк һәм темаларны фотосурәткә төшерергә ярамый. Укучылар иншаны бирелгән акка кара белән язылган теркәү бланкларында һәм А4 форматындагы язма бланкларында язачак.
Теләгән вакытта, йомгаклау иншасын нәтиҗәсен вузларга кергән вакытты күрсәтү өчен, мәктәпләрне алдагы елларда тәмамлаучылар да яза ала. Инша нәтиҗәсе "зачет" яки "незачет" булачак. "Незачет" булган очракта иншаны 2016 елның 3 февралендә һәм 6 маенда яңадан язып булачак. 

Мәктәбебездә 30.11.15-05.12.15 нче декабрь көннәрендә “Инглиз теле” атналыгы булып узачак. Укучыларыбызга түбәндәге программа тәкъдим ителәчәк.
30.11-4.12. “Кроссвордлар конкурсы”
30.11-5.12 “Котлау открыткалары ясау”
30.11-4.12. Буклетлар ясау”
30.11-4.12 Презентацияләр конкурсы
2.12. КВН “Great Britain”
4.12. “Инглиз телендә җырлйбыз һәм сөйлибез”
Бу атна кысаларында 4 нче декабрь көнне башлангыч сыйныфлар өчен шигырь бәйгесе уздырылды. Укучыларыбыз матур шигырьләр өйрәнеп сөйләделәр.