16 нчы декабрь көнне җәмгыять белеменнән тәҗрибә туплау максатыннан яшь укытучыбыз Миннемуллин Айгиз Рафиль улы ”Яшьүсмерләрнең икътисади эшчәнлеге” темасы буенча ачык дәрес күрсәтте. Яшь укытучы буларак аның дәресен карарга кергән тәҗрибәле укытучылар үз киңәшләрен бирделәр.Дәрес матур,эшлекле, күтәренке рухта үтте. Айгиз Рафилевичка алдагы эшендә зур уңышлар телибез.

Күптән түгел ТР Дәүләт Советы Рәисе Фәрит Мөхәммәтшин илнең яшь гражданнарына тантаналы шартларда Россия паспортларын тапшырды.
Җөмһүриятебез парламентында өченче мәртәбә уздырылучы тантанага республика районнарыннан барлыгы 32 укучы чакырылган иде. Әлеге мәртәбәле чарада безнең мәктәптән 8 нче сыйныф укучысы Рәнис Мухарлямов катнашты.
Фәрит Мөхәммәтшин тантанага килүчеләрне бу вакыйга белән котлап, аларга тәртипле һәм тәрбияле булырга, мәктәптә бирелгән материалларны тырышып үзләштерергә, мәктәпне тәмамлагач, үзләре теләгән югары уку йортларына керүләрен теләде.

Тиздән бик тиздән 2016 ел килеп җитәр. Яңа ел яңа бәхетләре, шатлыклары,уңышлары белән килер.Безнең укучыларыбыз да бу матур бәйрәмгә әзерләнәләр. Яңа җырлар, биюләр, маскалар,яңа ел газеталары ясыйлар. Тиздән укучыларыбыз яңа ел кичәсендә үзләренең эшләрен безгә дә күрсәтә алырлар.

Мәктәптә ОГЭ, ЕГЭ га әзерлек инде уку башында ук башланды. Һәр ай саен укучыларыбыз сынап карау имтиханнарын эшлиләр. Менә бүген дә 9 нчы сыйныфлар химия фәненнән үз белемнәрен тикшереп карыйлар. Укучыларыбызга бары тик уңышлар гына юлдаш булсын.

17 нче декабрь көнне һәр класста Мәрхәмәтлек көненә багышланган Бөтенрәссәй интернет- дәрес үткәрелде.Бу дәрес тирә-юньдәге ярдәмгә мохтаҗ инвалидларга игътибарны арттыру максатыннан оештырылган.Һәр сыйныф җитәкчесе бу дәресне “Слово на ладони” видеофильмын күрсәтүдән башлады. Инвалидларга карата ихтирамлы, кайгыртучан булу һәркемнең төп бурычы һәм бу иң изге гамәлләрдән санала. “Изгелек -ул җирдә ятмас”.

15 нче декабрь көнне мәктәбебездә “Яктылык” дәресе үткәрелде.Укучыларыбыз бу тәрбия чарасында яктылыкны дөрес файдалану,саклау турында файдалы мәгълүматлар тупладылар.

16 нчы декабрь көнне Арча районы Яна Кенәр балалар ижат узәгендә шахмат буенча район беренчелеге узды. Ярышлар 2000 нче елгы һәм аннан яшьрәк укучылар арасында уздырылды. Команда составында 3 малай һәм 2 кыз катнашты.Кызлар арасында 6 нчы сыйныф укучысы Шәрипова Фәйрүзә-1 нче, Базагутинова Диния-2 нче, малайлар арасында 8 нче сыйныф укучысы -Нурмухаметов Солтан 3 нче призлы урынны яуладылар.Командада иң яшь шахматистыбыз 1 нче сыйныф укучысы Корбанов Ильяс белән шахмат остасы 8 нче сыйныф укучысы Исрафилов Хәлил дә катнашып ,бик матур уен күрсәттеләр.Командалар арасында Бөрбаш мәктәбе укучылары 1 нче урынга чыкты. Бу ярышта безнең укучыларга тиннәр булмады.Укучыларыбызны бу зур уңышлары белән чын күңелдән котлыйбыз. Афәрин!

15 нче декабрь көнне мәктәбебезнең бер төркем укучылары җырчылар АкбироваНәфисә, Галимов Әльфис, Гыйльмуллин Рифат, нәфис сүз осталары Газизуллин Кәрим,
Абдрахманов Әмир “Голос” проектының сайлап алу турында матур чыгыш ясап беренче турга үттеләр.

Бүген республикада «Талантлы бала» дигән баш астында онлайн режимда ата-аналар җыелышы була. Башлана 16:00 дә.
Катнашу өчен сылтама:
Тема: Республиканское родительское собрание Дата и время: 17 Декабрь 2015 г. 16:00, Российское время (Москва, GMT+03:00) Номер event-совещания: 700 276 019 Пароль event-совещания: 123456 Ключ организатора: 120701 (используйте для восстановления прав организатора.)

13 нче декабрь көнне Шәмәрдән бистәсендә 1 класслар арасында иптәшләрчә шахмат ярышы булып узды. Безнең мәктәптән 1 нче сыйныф укучылары Абдрахманов Әмирне һәм Корбанов Ильясны ,җитәкчеләре Гарифуллина Ландыш Василевнаны бу ярышта катнашып икенче урын алулары белән котлыйбыз. Алдагы ярышларда 1нче урынны алырлар дип ышанып калабыз. Афәрин!