5 нче октябрь көнне укучыларыбыз чәчәк бәйләмнәре тотып Укытучыларыбызны матур бәйрәмнәре белән котладылар.

2 нче октябрь көнне авылыбыз мәчетендә Корбан ашы булып узды.

Хөрмәтле укытучылар, хезмәт ветераннары!
Укытучылар көне уңаеннан Сезгә ихлас теләкләремне һәм лаеклы рәхмәт сүзләрен җиткерәм! Сезнең актив гражданлык позициясе, профессиональлек, укучыларга булган сизгер, игътибарлы мөнәсәбәтегез, фидакарь хезмәтегез бәя биреп бетергесез.
Балалар белән эшләү зур игътибарлылык һәм сабырлык таләп итә. Ә бу җиңелләрдән түгел. Алдыбызга зур җаваплылык – яшь буынга гыйлем һәм тәрбия бирү бурычы тора. Безнең кулда – ил язмышы, республикабызның киләчәге.
Татарстан мәктәпләрендә гаять зур интеллектуаль һәм иҗади потенциал тупланган. Безнең укытучыларыбыз – Россия мәгариф өлкәсендә һәрвакыт әйдәп баручылар. Хезмәтегездә уңышлы рәвештә алдынгы методикаларны, яңа технологияләрне куллану, эшне заман таләпләренә туры китереп оештыру югары нәтиҗәләр бирә. 2014 елда безнең Нурлат мәктәбеннән биология укытучысы Алла Николаевна Головенькинаның “Ел укытучысы” бөтенроссия конкурсында җиңү яулавы да – моның ачык мисалы.
Болар белән беррәттән, мәктәпләр, аеруча да авыл җирендә, яшь укытучыларны көтә. Бүген югары уку йортларын тәмамлаучы иң яхшы белгечләрне җәлеп итү буенча Хөкүмәтебез дәрәҗәсендә социаль ярдәм күрсәтү чаралары күрелә. Укытучы хезмәтен гомерлек һөнәр итеп сайлап, 1 сентябрьдә хезмәт юлын башлаган яшь мөгаллимнәргә аеруча рәхмәт сүзләрен җиткерәм.
Аерым җылы сүзләр белән күп еллар дәвамында республикабыз мәгарифенә фидакарьләрчә һәм чын күңелдән хезмәт күрсәткән, аның үсешенә бәяләп бетергесез өлеш керткән ветераннарыбызны һәм укытучы династиясе вәкилләрен котлыйсым килә.
Белем бирү - дөньяда иң борынгы һәм иң дәрәҗәле һөнәр. Белем алуны энә белән кое казуга тиңлибез, ә менә белем бирү – меңнәрчә бала күңелен шифалы сугаруга тиң. Һәм бу сәләт һәркемгә дә бирелми. Сез укытучы һөнәренең барлык серләрен дә камил беләсез һәм үз белемнәрегезне укучыларыгыз белән бүлешәсез. Узган уку елындагы әһәмиятле җиңүләрегез өчен рәхмәт Сезгә. Агымдагы елда да аларның аз булмаячагына ышанам. Татарстан укытучылары башкача эшли дә алмый. Министрлык исә, Сезнең Татарстан Республикасы мәгариф системасы үсешенә юнәлдерелгән иң кыю инновацион проектларыгызны һәрчак хуплаячак.
Барыгызга да сәламәтлек, күңел тынычлыгы, иҗади эзләнүләр, югары максатларга ирешүегезне, тырыш укучылар һәм һөнәри планнарыгызның гамәлгә ашуын телим!
Татарстан Республикасы Премьер-министры урынбасары –
Татарстан Республикасы мәгариф һәм фән министры Э.Н. Фәттахов

Хөрмәтле укытучылар!
Сезне Укытучылар көне белән чың күнелдән котлыйбыз. Сезгә озын гомер, нык сәламәтлек, бәхет- шатлык телибез.
Нигә бүген алтын нурлар
Урманнарга йөгерә?
Нигә безне көзге кояш
Җәйдәгечә көлдерә?
    Ай нинди көн, нинди көн бу?
    Кыздыра кояш көзне.
    Шул кояштай якты сыман
    Укытучылар көне.

21 нче сентябрьдән Бөтенроссия фән олимпиадаларының мәктәп этабы башланды. Барлык укучыларга һәм укытучыларга уңышлар телибез.

30 нчы сентябрь көнне бишенче классларда рус теленнән мониторинг үткәрелде. Укучыларыбыз үзләренең алган белемнәрен күрсәттеләр.

Мәктәбебездә “Балан”, “Миләш” операциясе игълан ителде. Барлык классларда бу эшкә теләп катнашалар

1 октябрь көнне барлык сыйныфларда да пожар, электр куркынычсызлы буенча тәрбия сәгатьләре үткәрелде.

Хөрмәтле өлкәннәребез!
Сезне бәйрәмегез белән чын күңелдән котлыйбыз.
Сезгә озын гомер, нык сәламәтлек, телибез. Балаларыгызның, оныкларыгызның игелеген күреп, тынычлыкта яшәсәгез иде.
Сәламәтлек ташламасын Сезне,
Һәр көнегез үтсен шатлыкта.
Яшәү яме, дөнья иминлеге
Юлдаш булсын сезгә картлыкта.
Иң изге теләкләр белән Бөрбаш урта мәктәбе укытучылары һәм укучылар коллективы.

Мәктәп яны тәҗрибә участогында үстерелгән уңышларны җыеп алдык.Уңыш бик югары булды. Уңышны җыеп алуда мәктәп укучылары һәм укытучылар бик зур тырышлык куйдылар.