Чепья  мәктәбендә үткән кул көрәше ярышында укучыларыбыз бик актив катнашты. Ярышта катнашып матур гына нәтиҗәләргә дә ирештеләр.  8 сыйныф укучысы Нуретдинов Нияз һәм 11 сыйныф укучысы Хисаметдинова Лилия  III урынга аек булсалар, 8 сыйныф укучысы Фәхертдинов Рүзәл һәм 11 сыйныф укучысы Нурисламова Ләйсән  пъедесталның беренче баскычына күтәрелделәр.  Молодцы, егетләр, кызлар! Җиңүләрегез белән чын күңелдән котлыйбыз! Алда тагы да зур уңышлар телибез. Сәламәт булыгыз. Гел шундый тырыш укучыларыбыз  булып калыгыз

В связи с установившейся морозной погодой в Республике Татарстан Министерство образования и науки Республики Татарстан напоминает о том, что при низкой температуре воздуха отменяются учебные занятия: 

Яңа ел балалар татар матбугаты дөньясына да яңалыклар алып килде. Туксан еллык чал тарихы булган “Сабантуй” балалар газетасы (төрле елларда ул төрле исемнәр белән чыкты) зәвыклы журналга әверелде. Хәзер ул айга ике тапкыр чыгачак. “Без бөек үзгәрешләр, бөек әверелешләр заманында яшибез. Вакыйгалар, яңалыклар, күренешләр яшен тизлеге белән алышынып кына тора. Әле ун ел элек кенә күз алдына да китерә алмаган нәрсәләр бүген гадәти бер көндәлек әйбергә әйләнә дә куя. Газетаның да, журналның да үз кануннары, үз үзенчәлекләре бар. Һәрхәлдә, үзгәрешләрнең барысы да әйбәт якка, матур якка булыр дип өметләнәбез. Иң мөһиме, ул тагы да эчтәлеклерәк, тагы да матуррак, укучыларыбызга тагын да якынрак булсын өчен тырышабыз. 90 елга якын чыгып килгән, әби-бабаларыбыз, әти-әниләребез, абый-апаларыбыз укып үскән газетабызның матур-матур традицияләрен дә дәвам итәчәкбез”, - ди Татарстанның халык шагыйре, “Сабантуй” журналының шеф-мөхәррире Роберт Миңнуллин.

Бүген мәктәпнең хоккей мәйданчыгында Бөрбаш күмәк хуҗалыгы призына хоккей ярышы үткәрелә.

Төп приз өчен авылыбыздан өч команда: өлкән класс укучылары, студентлар, авыл яшьләре командалары һәм Пүскән авылы яшьләре командалары көрәшә.

5 сыйныф укучылары белән берлектә  Зөлфирә Зөфәровна ачык тәрбия сәгате үткәрде. «Сәламәтлек – зур байлык” темасы астында үткән әлеге тәрбия сәгатендә укучылар сәламәт яшәү рәвешенә өйрәнделәр.  Төрле табышмаклар , кроссвордлар, мәкальләр аша сәламәтлекнең нидә икәненә төшенделәр. Зарарлы гадәтләрнең кеше сәламәтлегенә зыяны хакында әңгәмә кордылар. Мондый тәрбия сәгатләре укучыларыбыз өчен бик файдалы һәм кирәкледер.

Бердәм дәүләт имтиханнары кертелгәч, чыгарылыш сыйныф укучылары инша язудан азат ителгән иде. Хәзер менә бу сынауны кабат кайтармакчылар. Россия Президенты Владимир Путин, рус теле һәм әдә­бия­тыннан белемне ныгыту өчен, стандартларны үз­гәртергә, укучыларга инша яздыруны кертергә кушты. Аның фикеренчә, илгә белем генә биреп калмыйча, рухи яктан бай, фикерле шәхесләр тәрбияли торган мәктәпләр кирәк.

Бу эшкә 2014-2015 уку елында тотынмакчы булалар. Июль аена кадәр Мәгариф министрлыгы мәк­тәпләрдә иҗади эшнең ничек башкарылачагын ачыклап бете­рергә тиеш. Югары уку йортына кергәндә аның нәтиҗәләре БДИ белән бер­рәттән исәпкә алыначак. Бу яңа­лык инженер, химик кебек белгечлек алырга теләүчеләргә дә кагыла.

Авылыбыз уртасында, яу кырында ятып калганнар өчен куелган  монумент  тирәсен чистартып, матурлап тоту безнең төп бурычыбыз. Укучыларыбыз бу эшкә  һәрвакыт  җаваплы карыйлар. Рулетка системасында хәтер секторы булган  класс атна буе монумент тирәсен чистартып, тәртипләп тора. Безнең матур, тыныч тормышыбыз  өчен үзләрен корбан иткән якташларыбызны, батыр көрәшчеләребезне  без онытмабыз!

13 нче январь көнне педагогик киңәшмә булып үтте. Көн тәртибендә,”Белемгә омтылыш- сыйфатлы укытуның  төп шарты”  темасына фикер алышу , икенче чирек йомгаклары хакында сөйләшү һәм  яңа положениеләрне раслау, приказлар белән танышу  иде.  Төпле фикер алышулардан соң педсовет членнары  балаларга тиешле белем дәрәҗәсен булдырырга , сәләтле балалар белән программа нигезендә эшне алып барырга , үзебезгә куелган бурычларны үтәргә дигән карарга килделәр.  Балаларга игътибарлы булырга, һәрвакыт күзәтчелек итәргә кирәклек турында сөйләшүләр алып бардылар.

Интернет-тест нәтиҗәләре КФУның abiturient.kpfu.ru порталында 2013 нче елның 27 нче декабренә кадәр билгеле булган иде инде. Һәр категория буенча икенче турда катнашу мөмкинлеге Олимпиаданы оештыру комитеты тарафыннан билгеләнде.

Икенче тур 2014 нче елның 23 нче апреленнән алып 27 нче апреленә кадәр үткәрелә. КФУның abiturient.kpfu.ru порталында урнаштырылган җиңүчеләр исемлеге беренче (сайлап алу) турда җиңгән кешегә икенче турда катнашу өчен нигез булып тора.

Олимпиаданың икенче турында җиңүчеләр һәм призерларга ТРның Мәгариф һәм фән министрлыгы дипломнары һәм кыйммәтле бүләкләр биреләчәк. Олимпиадада катнашкан һәр кешегә сертификат тапшырылачак.

Узган елның 14 декабреннән, шимбә көнне, кичке сәгать 5 тә (17.00) ТНВ телеканалында “ Белем дөньясы” дип аталган, яңа тапшыру эфирга чыга башлады. Тапшыру мәгариф системасындагы үзгәрешләр, Татарстан һәм аннан читтә милли мәгарифнең үсеше, алдынгы педагогик тәҗрибәләр, сәламәт яшәү рәвеше, сәләтле балалар, һ.б. белән таныштырып бара.
Тапшыру ТР Мәгариф һәм фән министрлыгы заказы буенча ТНВ һәм Республика матбугат һәм массакүләм коммуникацияләр агентлыгы ярдәмендә әзерләнә.
Тапшыру киңкатлам тамашачыларга исәпләнгән һәм педагогик оешмаларның гына түгел, әти-әтиләрнең дә теләк-тәкъдимнәрен исәпкә алып әзерләнә.