Укытучыларның педагогик киңәшмәсе булып  үтте. Коллектив узган уку елында эшләгән эшләренә анализ ясады. Беренче көн  тәртибе буенча уку – укыту юнәлешендә директор урынбасары  Әнисә Камилевна чыгыш ясаса, тәрбия эше буенча  директор урынбасары Раушания Урановна   чыгыш ясады.  Икенче көн  тәртибендә  быелгы уку елына бурычлар һәм  планнар кабул ителде.  БДИ, ДЙА , ФГОС таләпләре  буенча нык эшләргә кирәклеккә басым ясалды. Бу уку елында нәтиҗәләрне  тагын да арттырырга , югары уңышларга ирешү өстендә нык эшләргә,конкурсларда актив  катнашырга дигән карар кабул ителде.

8 октябрь көнне мәктәбебездә тагын бер матур тантана булып үтте. Бу көнне ашханәдә пешекче булып эшләүчеГөлсем  Шәйдулловнаның  55 яшьлек туган көнен билгеләп үттек. Мәктәбебез директоры Гүзәл Галимулловна коллектив исеменнән тәбрикләү сүзләрен җиткерде. Гөлсем апа турында матур фикерләрен әйтеп,бүләкләр тапшырды.  Укучыларыбыз да  Гөлсем апаларын котлап , җырлар җырладылар,шигырьләр сөйләделәр,аңа матур чәчәк бәйләмнәре дәбүләк иттеләр.  Бәйрәмгә Гөлсем апаның туганнары да килде. Алар да аңа булган ихтирам һәм хөрмәт хисләрен белдерделәр, гаиләләре исеменнән  рәхмәтләрен әйттеләр. Тантана бик матур һәм күңелле үтте.

 5 һәм 11 сыйныф укучылары укытучылар көне уңаеннан  концерт куйдылар. Алар укытучыларга булган хөрмәт хисләрен матур җырлар, матур шигырьләр, матур биюләр аша җиткерделәр. Аларга котлау открыткалары һәм чәчәк бәйләмнәре бүләк иттеләр.  Концерт бик матур булды. Укытучылар рәхәтләнеп ял иттеләр. Әфәрин, укучылар!

Укучыларыбыз җәй буе тырышып тәҗрибә участогында хезмәт куйдылар.Бүгенге көндә тәрбияләп үстергән  уңышны җыю эшләре башланды. Уңыш быел мулдан булды . Кишер, чөгендер,кәбестә,кабак  яңа урында бик яхшы үскән.Хезмәтнең яхшы нәтиҗәсең күрү- күнелләргә рәхәт.Тырыш хезмәтегез өчен, укучылар сезгә  зур рәхмәт!

5 октябрь көнне мәктәбебез район күләмендә үткәрелгән көзге ярминкәдә катнашты. Сатуда ниләр генә  юк иде. Сөте, мае,балы, казылыгы, төрледән – төрле кайнатмасы, яшелчәсе барысы да мулдан  булды. Балтач халкы күңеленә ошаган һәммә нәрсәне сатып ала алды бу көнне.  Берсеннән – берсе матур итеп бизәлгән, үзенә җәлеп итеп торган  мәктәпләрнең сату киштәләре  искиткеч бай иде ярминкәдә.

Укытучы хезмәте-иң авыр бәяләп бетергесез хезмәт.Мәктәбебездә озак еллар балаларга ныклы белем биреп, бүгенге көндә лаеклы ялда булган ветеран-укытучыларыбыз шактый.Укытучылар көне уңаеннан мәктәп укучылары аларның өйләрендә булды һәм бәйрәм белән котлады

4 октябрь көнне  балалар бакчасыннан бертөркем балалар укытучыларны бәйрәм белән котларга килделәр. Алар һәрберсе шигьри юллар аша укытучыларыбызга  матур теләкләрен җиткерделәр. Матур җырлар җырладылар, чәчәкләр бүләк иттеләр.  Нәниләрнең бу котлавын укытучыларыбыз бик җылы кабул итте.  Алар балаларга зур рәхмәтләрен җиткерделәр, истәлеккә фотога да төштеләр.  Бәйрәм белән котларга килгән нәниләребезне чәй табынына да дәштек. Бик күңелле булды

Ихлас күңелдән Сезне укытучылар көне белән тәбрик итәм. Һәммәгезгә сәламәтлек, җан тынычлыгы телим. Эшләрегез күркәм, менәсе үрләрегез биек булсын! Укучыларыгыз сезне "5" белән куандырсын. Елмаеп яшәгез.

Хөрмәт белән мәктәп директоры Г.Г. Бариева

2 октябрь көнне дәресләрдән соң отряд вожатыйлары белән җыелып сөйләшү, планнар кабул итү булды.5, 6, 7, 8сыйныф укучылары 1,2,3,4 сыйныф укучыларына отряд вожатыйлары итеп билгеләп куелды. План буенча һәр отряд вожатыена эшләр бүлеп бирелде. Алар һәр атнаның чәршәмбе көнендә эзтабарлар янында булачаклар. Алар белән кызыклы һәм күңелле аралашу алып барачаклар.

Мәктәбебездә атнаның һәр чәршәмбе көнендә, классларда чисталык булдыру максатыннан генераль  уборкалар үткәрелә. Һәр класс  парта – урындыкларын сөртә, тәрәзә төпләрендәге, шкафлардагы тузаннарны ала,гөлләрен чистарта. Чиста, матур классларда белем алу тагы да рәхәт бит ул. Чисталык үзе бер күркәм  гамәл бит ул.