26 сентябрь көнне  укучыларыбыз Бөрбаш Сәрдегәне  балалар бакчасы тәрбиячеләрен дә котладылар. Алар да үзләрен тәрбияләп үстергән апаларына матур чәчәк бәйләмнәре, изге теләкләр язылган открытка һәм күчтәнәчкә торт бүләк иттеләр. Тәрбияче апалары барлык укучыларга рәхмәтләрен әйтеп, бик шатланып калганнар. Шундый күңелләре булды тәрбияче апаларның. Алар үзләре дә укучыларыбызга изге теләкләрен җиткерделәр, тәмле соклар, печеньеләр белән сыйлап та җибәрделәр. Бик матур мизгелләр булды бу минутта.

Мәктәбебездә экологик юнәлештә матур гына эшләр алып барыла. Менә шул уңайдән укучыларыбыз өчен файдалы булган  тагын бер  очрашу үткәрелде. Бу очрашуга инде күп еллар урман хуҗалыгында хезмәт иткән Галимуллин Раиф абый  килде. Ул укучыларыбызга урманда нинди эшләр башкарылуын, ничек итеп агач утыртулар, кисүләр хакында сөйләде. Укучыларыбызны кызыксындырган сорауларга аңлатмалар бирде. Бик кирәкле аралашу булды бу. Балаларыбыз тагын бер кат табигатебезнең ни дәрәҗәдә кирәк булуын, аны сакларга кирәклегенә төшенделәр.  Рәхмәт, Раиф абыйларына,  укучыларыбызга биргән  файдалы киңәшләренә, теләкләренә. Кирәк чакта безнең укучыларыбыз да урманчылыкка булышырга әзер .Алар киләчәктә бик теләп туган ягыбыз табигатен  сакларлар һәм үзләреннән зур өлеш кертерләр.

Яшүсмерләр , балалар арасында, гомумән алганда кешелек дөньясында  бозык һәм арына алмаслык яман чирләр белән дуслашу очраклары еш күзәтелә. Наркомания, тәмәке тарту һәм башка төрле  аңны томалаучы , сәламәтлеккә үтә дә зыянлы булган әйберләр бар.  Боларны булдырмау, үзеңдә ихтыяр көче туплау,үз сәламәтлегең турында кайгырту турында  мәктәбебездә укучыларыбыз өчен файдалы тәрбия сәгатьләре, әңгәмәләр, фикер алышулар еш  үткәрелә.  Шул максаттан кирәкле һәм файдалы  материаллар  туплап, коридорга күргәзмә дә ясап куелды.  Күренекле шәхесләрнең  мәртәбәле  сүзләре дә язып куелды . Мондый кисәтүләр яшүсмерләргә  зыянлы булмас!

26 сентябрь – тәрбиячеләр көне. Шул уңайдан 5 сыйныф укучылары  мәктәпнең “Аргамак” укучылар оешмасы балалары исеменнән тәрбияче апаларын  котлап кайттылар.  Алар үзләрен тәрбияләгән  барлык апаларына  изге теләкләр язылган открытка, чәчәк бәйләме һәм күчтәнәчкә торт бүләк иттеләр. Шундый күңелләре булды тәрбияче апаларның. Алар үзләре дә укучыларыбызга изге теләкләрен җиткерделәр, тәмле соклар, печеньеләр белән сыйлап та җибәрделәр. Бик матур мизгелләр булды бу минутта.

Рәссәй  күләмендә үткәрелгән милләтләр кроссында безнең мәктәп укучылары да бик теләп катнашалар.Укучылар күмәк йөгерештә үзләренә  ел буена җитәрлек көч,куәт алалар.

Путин тәкъдиме белән язылачак тарих дәреслеге башка милләтләрне юкка чыгарып илдә бер генә рус милләте ясауга чираттагы адым булып торырга мөмкин. Бу хакта галим Дамир Исхаков белдерде. Быел февраль аеннан бирле Русия мәктәпләре өчен язылачак яңа тарих дәреслеген тикшерәләр. Бу дәреслекнең нинди булырга тиешлеге турында Русия җитәкчелеге дә, галимнәр дә, сәясәтчеләр дә үз фикерен белдерә. Русия президенты Владимир Путинның тел төбеннән аңлашылганча, илдә бердәм русияле (россияне) милләте ясау, өстенлекнең рус халкына гына биреләчәге, аның иң һуманлы һәм башка халыкларны артта калганлыктан коткаручы икәнлеге бу дәреслекнең нигезенә салынырга мөмкин. Ул февраль аенда ясаган чыгышы вакытында, вакыйгаларны бәян иткәндә галимнәрнең төрле карашларны күрсәтү “безнең күп милләтле илебезнең уртак һуманитар киңлеген җимерәчәк” дип белдергән иде. 

16 сентябрь көнне тарих һәм җәмгыять белем укытучысы Гиниятуллина Р.М. Курск дугасы янында барган сугышка 70 ел тулу уңаеннан 5 нче классларда ачык дәрес үткәрде

Уку елы яңа башланып кына килә, әмма БДИ темасы һаман да көн кадагына суга торган төп тема­ларның берсе булып тора. Уйлап карасаң, әле имтиханга кадәр тугыз айлык марафон бар һәм проблема бары тик аңа әзер­ләнү­че укучыларны һәм әзер­ләүче укытучыларны гына борчырга тиеш кебек. Вә­лә­кин чыгарылыш сыйныф укучыларын ничек итеп тикшерү мәсьәләсе илнең иң югары җитәк­челеге теленнән төшми. Уку елы башланыр алдыннан һәм аның беренче көн­нәрендә үк Президент та, Премьер-министр да бу темага берничә тапкыр кагылырга мәҗбүр булдылар. Бу аңла­шыла: ел саен БДИ уңышлы үтте дип ышандырырга тырышсалар да, имтихан елдан-ел абсурд театрын ныграк хә­терләтә, һәр адым саен сынау­ның мәгънәсе югала, тоталь караклык һәм ришвәт фонында белемнәрне тик­шерү тикшер­мәүгә тәңгәллә­шеп бара. Уку елы башында проблеманың яңадан акту­аль­­лә­шүе – үткән елгы имти­ханның чынлыкта бернигә дә ярамавы, аның эшкә ашарлык механизмы һа­ман да булдырылмаганлыгы иң югары җи­тәкчелек тарафыннан танылды дигән сүз ул. Шушы фонда мәгариф түрәлә­ре БДИ баллары буенча рейтинглар төзи­ләр, мәктәпләр­нең һәм төбәк­ләрнең эшенә бәя бирәләр. Җитәкчеләрнең берсе үткән елның рекордлы күрсәткеч­ләре турында сөйлә­гән­дә, моны мәгарифтә кулланыла башлаган грантлар сис­тема­сының уңышлы булуына дә­лил итеп китерде. Сер түгел: укытучыга грант бирү механизмы үзе дә шул ук БДИ тапшыру театрыннан бик әллә ни аерылмый һәм ике төрле ял­ганның бергә кушылып реаль уңышка китерүе һич тә мөмкин түгел. Ниндидер мог­җиза булып, киләсе елга им­тиханның гадел механизмын урнаштыра калсалар, мәга­риф түрәсенең грантлар һәм БДИның югары баллары арасындагы бәйлә­неш турындагы сүзләре аны нинди кыен хәлгә куйганын күреп булыр иде. Тик түрәләр яхшы белә: һәр уку елы башында им­ти­ханның кырыс һәм гадел булачагы хакында янаулар ише­телә дә, көннәр язга авышуга, дилбегә бушатыла һәм беренче имтиханда ук тулы хөр­лек хакимлек итә башлый.