Мәктәбебез егетләре даими оештырылган хоккей уеннарында бик теләп катнашалар. 

Хөрмәтле Сания Ильясовна!

Матур тормыш, сәламәтлек теләп,

Туган көнең белән котлыйбыз.

Шатлык белән озын гомер үтеп,

Яшәвеңне генә телибез.

Гомер үтә диеп, моңсуланма,

Өмет гөлкәйләрең сүнмәсен.

Алтын төсендәге якты көннәр

Барыр юлларыңны бизәсен.

 9 декабрь - Ватан Геройлары көненә багышланган кичә эчтәлекле һәм бик матур узды. Кичәнең башында педагог-организатор Павлова Г.Г. «Бүгенге заман герое кем ул ?» дигән сорау куйды һәм укучылар арасындагы сораштырулар белән таныштырды. Мәктәп укучылары бүгенге заман герое итеп ветераннарны күзаллыйлар.

9 декабрь - иң яшь бәйрәмнәрнең берсе - 2007 нче елда рәсми рәвештә кабул ителә һәм аның тамырлары Петр 1, Екатерина 2 заманына барып тоташа. Петр 1 уйлап таба, Екатерина 2 - 1769 нчы елда Җиңү китерүче изге Георгий ордены бирергә карар чыгара. Кем ул Изге Георгий, чыннан да тарихта булганмы ул, бүгенге көн белән нинди бәйләнеше бар ? 1917 елда туктатылган орден кайчан бирелә башлый. Аңа тиңләштерелгән югары дәрәҗәдәге тагын нинди орденнар бар? Кичәдә шушы сорауларга җавап табылды. Бөек Ватан сугышында, Изге Георгий орденына тиңләштерелгән , аеруча батырлык күрсәткәннәргә, 1943 нче елда Дан ордены бирелә башлый. Укучылар кичәдә бу орденнарның тулы кавалерларын, районыбызның Советлар Союзы Геройларын, Россия Герое Урта Көшкәт авылы кешесе Исаев О.В. турында үзләренә мәгълумат алдылар.

Шулай ук тарих укытучысы Николаев И.И. Бөек Ватан сугышында аеруча хәлиткеч, аяусыз көрәшләрдән булган Ленинград блокадасы турында сөйләде, музей эшчәнлеге белән таныштырды.

Кичә барышындагы барлык мәгълүматлар презентация белән яктыртылды.

Соңыннан тәрбия эшләре буенча директор урынбасары Гарифуллин Р.Г барлык катнашучы сыйныфларга һәм оештыручыларга рәхмәт җиткерде.

Хөрмәтле Расил Габдуллович!

    Ленар Әхмәтович ! Сез кыш башындагы зәмһәрир салкын вакытта тугансыз. Табигатьнең, тереклекнең сынауларга дучар вакытына туры килгән туган көнегез  белән ихлас котлыйбыз!

     Декабрь салкыннарында туган булсагыз да, дусларыгызга җылылык бирә торган кайнар йөрәгегезгә тагын да көч-куәт өстәлсен. Кышкы тәрәзәләрдәге бизәкләрдәй, күңелегез матур, даладай киң булсын.

    Саулык, иминлек, ак бәхетләр, саф хисләр  сезгә!

Хөрмәтле Әхмәт Фаязович!

Сезне олы бәйрәмегез — 55 яшьлек юбилеегыз  белән чын күңелдән котлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр,  бәхетле озын гомер кичерүегезне телибез. Киләчәгегез җыр кебек матур, кояш кебек якты булсын.

Туачак таңнарыгыз һәрвакыт нурлы, күк йөзегез  һәрвакыт аяз булсын. Гел шулай елмаеп, кешеләрне сөендереп яшәгез!

                       Һәр яңа көн бәхет алып килсен,

                      Алсу таңнар күмсен шатлыкка.

                      Яшәү дәрте янсын йөрәгеңдә,

                      Картаерга һич тә ашыкма!

      ТВР берлегенең сафлары артты. «Йолдыз» укучылар оешмасы сборында мәктәбебезнең 2 нче сыйныф укучыларын эзтабарлар сафына алдык.  Отрядлар рапорт биргәннән соң, эзтабарлар бәйрәме башланды. Бәйрәмне укучылар оешмасы президенты Гильмуллина Алсу һәм хезмәт министры Васильев Илъяр алып барды.

     2 нче сыйныф укучылары  бар яктан да булган: тырышып укыйлар, сәнгатьне яраталар, әти-әни, әби-бабайларының иң якын булышчылары. Аларны,  үзләренең осталыкларын тагын бер исбатлагач, вожатыйлары – 6 нчы сыйныф укучылары  эзтабарлар сафына  кабул иттеләр. Гаиләләренә, дусларына , җәмгыятькә файдалы хезмәткә һәрвакыт әзер икәнлекләрен әйттеләр. Бу көндә сыйныф җитәкчеләре Нурсия Фаруковна, вожатыйлары, администрация тарафыннан бик күп мактау һәм котлау сүзләре ишеттеләр.

           Субаш урта мәктәбендә  технология укытучыларының  семинары булып узды. 1 нче категорияле технология укытучысы Фәезова Э.М. 11нче сыйныфларда “Профессиональ карьераны планлаштыруда ArCon программасын куллану” темасына ачык дәрес үткәрде. Технология укытучыларына КОПАС-3D программасын кулланып, “Заманча күзлектән карап...” дип исемләнгән мастер-класс күрсәтте. Әниләр көне уңаеннан әзерләнгән концертны да технология укытучылары бик җылы кабул итте. Әлеге чараларга кунаклар югары бәя бирде.

      1 нче класста  әти-әниләр өчен “Ачык ишекләр көне” булды. Укытучы Антонова Н. Г. әдәби укудан ачык дәрес һәм Әниләргә багышланган кичә-ярыш үткәрде. Әти-әниләр бик канәгать булдылар.

   Әниләрне хөрмәтләп бәйрәм концерты һәм чәй табыны оештырылды.

Хөрмәтле, иң кадерле, иң якын,  иң бөек ихтирамга лаек булган кешеләребез – Әниләр! Кадерлеләребез! Сезне бәйрәм уңаеннан кайнар котлыйбыз. Барыгызга да озын гомер, ныклы сәламәтлек, матур тормыш, бәхетле көннәр телибез.