Җиңү көнен билгеләп үтәргә җыенабыз. Безгә тыныч тормыш бүләк иткән сугыш  ветераннары белән очрашулар оештырабыз. Кызганычка каршы, хәзер алар аз калган, исән чакларында үзләрен күреп сөйләшү - безнең олы бурыч. Гимназиянең актлар залында Бөек Ватан сугышы ветераны Рәүф Ибраһим улы Төхфәтуллин белән очрашу булып узды. Утны-суны кичкән ветеран укучыларыбызны үзе узган сугышчан юл белән таныштырды.  “Түбән Наратбаш авылында тудым. Бобруйск хәрби училищесына укыргә кердем. Сугыш башлануның бишенче көнендә немецлар Белоруссиянең Бобруйск шәһәренә бәреп керделәр. Кичәге курсантлардан ил сагында торучы солдатлар булдык. Илне саклау өчен,  танкистлар кирәк булды. Тиз арада танкистлар курсын бетердек.”

      Сталинград сугышында күрсәткән батырлыклары өчен  Рәүф Ибраһим улы Төхфәтуллинга Кызыл Йолдыз ордены, 2 нче дәрәҗә Ватан сугышы ордены, “1941-1945 нче елларда Германияне җиңгән өчен”, “1941-1945 нче еллардагы Бөек Ватан сугышында фидакарь хезмәт өчен”, ”Батырлык өчен” һ.б. медальләре тапшырыла.

 Ветеранның сөйләр сүзе күп иде. Укучыларыбызга тырышып укырга, илебезнең лаеклы гражданнары булып үсәргә кушты. Очрашу күп санлы сорауларга җаваплар бирү, сугыш темасына җырлар тыңлау, документаль фильмнар карау белән үрелеп барды. 

Учащиеся 3а класса, члены кружка ЮИД,  участвовали в районном конкурсе "Безопасное колесо 2017". Миннебаева Лиана удостоина гработы за активное участие на знание правил дорожного движения

26 нчы апрель – татар халкының бөек шагыйре Габдулла Тукайның туган көне. Шул уңайдан гимназиядә 9 – 11 нче сыйныф укучылары өчен “Без – Тукайлы халык” исеме астында Тукай укулары үткәрелде. Укучылар “Тукай - публицист”, “Тукай - тәрҗемәче”, “Дин һәм Тукай”, “Тукай – юмор һәм сатира остасы”, “Тукай мәхәббәте” темасына чыгыш ясадылар. Габдулла Тукайның күпкырлы эшчәнлеге турында мәгълүмат алдылар

Танылган шагыйрә, якташыбыз   Йолдыз Шәрәповага 55 яшь тулды. Ул үзенең гомер һәм иҗат бәйрәмен үткәрү өчен якташлары янына, Буа районына кайтты. 21 нче апрель көнне гимназиянең актлар залында танылган шагыйрәбезгә багышланган зур бәйрәм тантанасы булды. Район мәдәният йорты, үзәкләштерелгән район китапханәсе һәм гимназия  тарафыннан оештырылган бәйрәм зур оешканлык белән үткәрелде.Районда бу очрашуга әзерлек күптәннән барды. Үзәкләштерелгән район китапханәсе балалар арасында  Йолдыз Шәрәпова шигырьләрен иң оста сөйләүче конкурсын игълан итте. Бу бәйгедә җиңүчеләр шагыйрәнең иҗат кичәсендә чыгыш ясадылар. Бәйрәмгә кайткан иҗатташ дуслары Фарсель Зиатдинов, Нәҗибә Сафина һ.б. язучылар шагыйрәгә иң изге теләкләрен җиткерделәр. Буа районы башкарма комитеты рәисе урынбасары Гиззатов И.Г. район администрациясе исеменнән котлап аңа бүләкләрен тапшырды. Җавап сүзендә Йолдыз Шәрәпова үзен зурлаганнары өчен бу бәйрәмне оештыруда катнашкан һәркемгә зур рәхмхтен белдерде