Сегодня  на базе Кайбицкой сош  проходили тренинги для классных руководителей и заместителей директоров по воспитательной работе. На семинаре участвовали Сайранова Р.Т, Кадырова А.С., Вильданова Л.Х., Салахова И.Г.  Семинары- тренинги проходили в трех аудиториях. Специалисты из столичного центра "Карьера" Туртышкин Н. К., Вахрушева И. Г. и Иванова О.И. активно поработали с педагогами. Встреча эта не последняя, они будут отслеживать и поддерживать учителей, работающих по данной  программе. 

Моннан дүрт гасыр элек үз дәүләтчелеген саклап калу өчен барган гаять авыр көрәштә Россия халкы зур җиңүгә иреште. Башкаланы чит ил баскыннарыннан азат итү илнең күтәрелешенә этәргеч бирде. Күпмилләтле Ватаныбызның киләчәктәге уңышларына, бөеклегенә һәм алгарышына таба тарихи адым ясалды.Көчле дәүләт, күпмилләтле халыкның бердәмлеге, ватанпәрвәрлек - Россия Федерациясе һәм илнең динамик үсештәге төбәкләреннән берсе булган республикабыз казанышларының төп нигезләрен менә шулар тәшкил итә,-дип сүзне дәвам иттеләр , 4  нче ноябрь – Бердәмлек  көненә багышланган  тәрбия  сәгатендә 9  нчы  сыйныф  укучылары.2  нче  ноябрь  көнне  мәктәптә  һәр  сыйныфта  тәрбия  сәгатьләре, чаралар  үтте. Сыйныф  җитәкчеләре  бу  көннең әһәмиятле  булуын  аңлаттылар.Дәресләрдә  презентацияләр, шигырьләр, җырлар  урынлы  кулланылды.

1  нче  ноябрь көнне   башлангыч  сыйныф  укучылары Казан дәүләт “Әкият” курчак театрына кунакка бардылар.  Алар  анда Г.Тукайның   “Су  анасы”  әсәрен  карадылар.Ишекне ачып керүгә, балалар  могҗизалар дөньясына эләккән кебек булдылар. Сәхнәдәге курчакларны күргәч, барыбыз  да  шаккатты. Театр артистлары  укучыларны әкияти дөньяга алып кереп китте: тамаша бер сулышта узды. Әкият  геройлары безне тормышта  ялганламаска, урлашмаска, начар сүзләр сөйләмәскә өйрәтте. Зур рәхмәт, тылсымлы кунаклар! Без сезне үзебезнең районда  көтеп калабыз.

Искиткеч дәвалау үзлекләренә ия булган үсемлекләр  күп безнең  якларда.Ул үсемлекләрне дару үләннәре дип әйтәләр. X –XI гасырларда ук аларның 900 гә якын төрен булган.

  Бүген  безнең  мәктәп  укучылары да  мәктәп  бакчасыннан  гөлҗимеш  җыйдылар.Укытучы  апалары   балаларга  җимешнең  витаминга  бай    булуын   ,  аның  файдасын, кайсы  очракларда  куллануын     аңлаттылар. Гөлҗимеш сыгынтысы төрле формадагы кан китүләр булганда,хирургия операцияләреннән соң бик файдалы, ашказанын бик яхшы дәвалый  икән. Гөлҗимеш мае белән яраларны, трофик җәрәхәтләрне, янган, туңган урыннарны  да дәвалаганнарын  да  белделәр.

Мәктәпнең төп максаты-укучыларга төпле белем бирү. Ә белем дәрәҗәсе төрле интеллектуаль бәйгеләрдә, фән олимпиадаларында сынала. Әле мәктәпләрдә  фән  олимпиадалары  дәвам  итә.Укучыларыбыз   бүген   география  фәне буенча үз белемнәрен сынадылар.

Бүген , безнең мәктәптә,  класс  җитәкчеләренең методик  берләшмә  утырышы булды. Көн  тәртибендә  түбәндәге  мәсьәләләр  каралды.

1. 3  нче  сыйныфта “Сәламәтлек  турында  сөйләшик” темага ачык  тәрбия  сәгате./Садриева  Э.Р./

2.Сентябрь,октябрь айларына  куелган   эшләрнең  үтәлеше

3.Сәламәтлек программасы үтәлеше   буенча  әңгәмә

4.Сәләтле балалар белән эш системасы

4.Экологик тәрбия бирүдә эш   юнәлешләрен билгеләү.

5.Мәктәптә эчке тәртип кагыйдәләренең үтәлеше  , балаларның

тәрбиялелеген бәяләү

Утырышта  барлык  сыйныф  җитәкчеләре  дә катнашты.Энҗе  Рөстәмовна  укучыларны сәламәт  булу  өчен  барлык  шартлар  белән  дә  таныштырды.Аннары сыйныф  җитәкчеләренең  ике  айлык  планнарына  анализ  ясалды.Экологик  тәрбия  бирү  буенча  эш  юнәлешләре  каралды.Балаларның  тәрбиялелеге  буенча  сүз  алып  барылды.

27 ноября 2013 года отмечается знаменательная дата – 100 дней до начала XI Паралимпийских зимних игр 2014 года в г. Сочи. В целях повышения осведомленности обучающихся о Паралимпийских играх и паралимпийских ценностях  в нашей школе 26 октября был проведен паралимпийский урок среди учащихся 5-9 классов. Всего на уроке присутствовали 34 учащихся .

   Бүген безнең  укучыларыбыз мәчеттә чистарту эшләре  алып  бардылар. Егетләр урамнарда коелган яфракларны чистарттылар, кызлар мәчет идәннәрен  юдылар, тузаннарын  сөрттеләр. Аллаһының ризалыгына ирешү өчен, укучыларыбыз бар көчләрен куеп эшләделәр.

Район  мәгариф  бүлегенең  11.10.2013 нче  елның  № 273  боерыгы  нигезендә , мәктәп  китапханәсе  айлыгы  бара.Мәктәп китапханәсен әдәби китапларга баету, кулланылышта булган китапларга икенче сулыш өрү максаты белән уздырылган бу чарада укучылар, укытучылар, әти-әниләр бик теләп катнаша. Китапханә фондына, аеруча, Хәсән  Сабиров, Рамил  Хәмидуллин, Резеда  Сайранова , Ләйсән  Вилдановалар зур ярдәм күрсәтте. 5  нче  сыйныф  укучылар  кулы  белән 30дан артык китап  “дәваланды”.

  Әйе, кеше гомеренең көзе дә матур булырга тиеш шул. Нәкъ ,бүген   шуңа  күрә  дә ,район  балалар думасы  активистлары  Федоровск  авылындагы  картлар  йортына концерт куярга  бардылар.Безнең  мәктәп  депутаты  Чулпан  Гарифуллина  “Ялгыз  утында  янмагыз “ дигән  җыр  башкарды, өлкәннәргә иң изге теләкләр – сәламәтлек, яхшы кәеф, озын гомер теләнде. Чөнки җан җылысы, игътибар бүләк итү – иң мөһиме, бүгенге чара нәкъ менә шуның өчен дә бит инде. Артистлар тамашачыларга бәйрәм кәефе өсти алдылар, чөнки концерт ихлас күңелдән башкарылды.

Әбиләр һәм бабайлар бик канәгать калдылар һәм аларга рәхмәт белдерделәр.