Җәйнең беренче көннәреннән үк укучылар практикаларын башладылар. Чүп утау , су сибү – әлеге чорның төп эшләре.

10 нчы май көнне Кошман мәктәбе каршындагы “Кояшкай” ял лагере башланып китте. Балалар отряды оешты. Исем, девиз, җыр сайладылар. Отряд  почмагы эшләп куйдылар. Беренче көн бик эшлекле һәм күңелле үтте. Калган көннәре дә шулай үтәр дип ышанып калабыз.

Милли бәйрәмебез  Сабантуе  безнең Кошман авылында  да гөрләп узды.

4 нче сыйныф  укучылары  чыгарылыш  кичәсенә  җыелдылар.  Быел  4 нче  сыйныфны  12 укучы  тәмамлый. Алар  үзләренең  бәйрәмнәрен  әти-әниләре  һәм  укытучылары  белән  дә  уртаклаштылар. Җәйге  табигать  кочагында  бергәләшеп  мул  табын  артында  сыйландылар, уеннар  уйнадылар, күңел  ачтылар

Традиция буенча бу көнне район үзәнендәге Сабантуй мәйданында мәктәпләрдәге активистлар слёты үтте.

Ул Татарстанда пионер хәрәкә­тенәнең 90 еллыгына һәм Балаларны халыкара яклау көненә багышланган иде. Слёт дружиналарның рапорты белән башланып китте. Аннары пионер хәрәкәте ветераннарын, педагогларны, актив укучыларны бүләкләү тантанасы булды.

Бәйрәм Сабан туе формасында оештырылган иде. Балалар татар халык милли  уеннарында яратып катнаштылар. Бәйрәм “Эх, картошка” конкурсы белән дәвам итте. Һәр мәктәп учакта бәрәңге пешереп аны яклады. Бу конкурста безнең Кошман мәктәбе 3 нче урынны яулады.

Слёт “Дуслык”  учагы янында тәмамланды.

Район активистлар слётында безнең мәктәпнең өстәмә белем бирү буенча педагогы Насретдинов Айдар Линар улы “Татарстан – мой край родной ”Республика конкурсында призёр хәзерләгәне өчен Кайбыч районы  Мәгариф бүлегенең Грамотасына лаек булды.

Мәктәбебезнең педагог-оештыручысы Сабирова Гөлшаһидә Татарстанның яшь варисларын тәрбияләүдә нәтиҗәле эше өчен Кайбыч районы  Мәгариф бүлегенең Грамотасы белән бүләкләнде.

7 нче сыйныф укучысы Гарифуллина Чулпан бу слёттан 3 Грамота белән белән кайтты! Ул Татарстан  Мәгариф һәм Фән министрлыгының “Вместе мы –одна страна” балалар иҗаты Фестивале кысаларында үткән “Играют все ” Республика конкурсында оригинальлек һәм иҗади якын килгәне өчен Грамотасы, җитәкчесе Сабирова Г.Х.. Бу эше өчен Чулпанны Анапага путёвка белән бүләкләделәр.

“ЭКО” өстәмә белем бирү үзәгенең 2 Грамотасы  “Алтын каләм” Республика конкурсының сайлап алу турында җиңгәне  һәм Республика конкурсларында, укуда, мәктәпнең җәмәгать эшләрендә актив катнашканы өчен иде. Афәрин, Чулпан!

Башлангыч  сыйныф  укучылары  табигать  кочагында  рәхәтләнеп  уйнадылар, ял иттеләр.

Соңгы кыңгырау яңгырый – сихри аваз

Ул гаҗәеп моңсу, сагышлы;

Шундый көн бу, олы бәйрәм үзе,

Үзгәртә дә куя язмышны.

Хуш, мәктәбем, дуслар, остазларым,

Балачагым, яшьлек, мәхәббәт,

Барлык хисләр монда ихлас һәм чын,

Бөтенесе өчен мең рәхмәт!!!

Соңгы звонок...Соңгы дәрес...Беренче укытучы...әлеге сүзләр бер-берсе белән бик зур бәйләнештә торалар. Укытучы...әлеге исем һәркемнең йөрәгенә, күңеленә бик якын, кадерле. Күптән түгел генә барлык чыгарылыш укучылары өчен соңгы кыңгырау чыңлады. Әлеге минутларда күп кенә укучыларның йөзләрендә шатлык шул ук вакытта моңсулык тойгылары да бар иде. Бу көнне барлык чыгарылыш укучылары кулларына чәчәк бәйләмнәре тотып, мәктәп сукмакларыннан атладылар, Безнең  Кошман  төп гомуми белем бирү  мәктәбендә 
дә "Соңгы кыңгырау” бәйрәме бик матур, истәлекле, онытылмаслык итеп үткәрелде. Мәктәбебезнең  иң  тырыш, уңган  6  укучысы мәктәп, яраткан  укытучылары  белән саубуллашты. Алда  чыгарылыш  имтиханнары. Аларга  уңышлар  телибез!!!

23 нче май көнне  4 нче сыйныф укучылары  Казанга "Әкият" курчак  театрына  экскурсиягә  бардылар. Алар театрның   зур залында С.Т.Аксаковның "Аленький цветочек" әкиятен карадылар. Истәлекле  бу  сәяхәт   балалар  күңелендә  озак  сакланыр  әле