"ФДББС таләпләре кысаларында хәзерге дәрес һәм укытучы эшчәнлеге" темасына педагогик киңәшмә үтте.  Киңәшмә алдагы педсоветның карарлары үтәлешен тикшерүдән башланды.  Практик өлеш- түгәрәк өстәлне тарих укытучысы  Хамидуллина Альбина Искандаровна заманча дәрес  формасында планлаштырган иде.

Консультацияләр графигы нигезендә бердәм дәүләт имтиханнарына әзерлек эшләре каникул көннәрендә дә дәвам итә. 9-сыйныф укучысы Сөнгатов И. белән көндәлек  индивидуаль эш алып барыла. 

"Бик яхшы әйдаман!" конкурсында мәктәбебезнең 8 нче сыйныф укучысы Сафина Илсинә  үзенең  3 нче сыйныф укучылары белән район күләмендә чыгыш ясады. Ул "Йомшак күңелле, ярдәмчел" номинациясендә җиңүче булды. 

Дару үләннәренең файдасы зур булу һәркемгә дә мәгълүм. Шуны истә тотып, мәктәп хезмәткәрләре каен бөресе җыю белән мәшгуль. 

Каникул башланды дип, укучыларыбыз өйдә утырмый. Бүген кече яшьтәге укучы балалар сыйныф җитәкчеләре Сәйфетдинова А.М., Хәсәнова М.М. белән  "Салават күпере"ндә булып кайтты. 

Бугеннән  укучыларның язгы каникуллары башланды.  Каникуллар 29 мартка кадәр дәвам итәчәк. Язгы су ташулар чорында куркынычсызлык кагыйдәләрен онытмагыз, игътибарлы булыгыз, уяулыкны югалтмагыз, укучылар!

Мәктәптә эш язгы каникулларда план буенча  оештырылачак.

"Искә алырга чакырам" конкурсының мәктәп турына 1-9 нчы сыйныф укучылары зур тырышлык белән әзерләнгәннәр. Әлеге конкурс 2 турдан торды: 1) Презентация ярдәмендә үз сыйныфларында башкарылган эшләрне яклау; 2)Агитбригада чыгышы.  

Кайбыч районының мәдәният йортында 16 нчы Республикакүләм "Созвездие-Йолдызлык" телевизион эстрада фестиваленең Гала-концерты булды. Безнең мәктәптән  2,3- сыйныф укучылары Әхмәтҗанов Ислам һәм Гобәева Миләүшә “Конферанс” номинациясе буенча чыгыш ясап, 2 нче урынга лаек булды. Район җитәкчесе А.И.Рәхмәтуллин  укучыларыбызга, аларның җитәкчеләренә  истәлекле бүләкләр һәм диплом тапшырды. Без сезне зур җиңүегез белән котлыйбыз!

Мәктәпнең 2-9 сыйныф укучылары арасында "Аҗаган"  хәрби-спорт уены үткәрелде. Уенның максаты: -укучыларда югары мораль -психологик сыйфатлар, Ватанга мәхәббәт хисе, аны саклауга әзерлек булдыру һәм үстерү; - гадәттән тыш хәлләрдә югалып калмау, үз-үзеңә ышаныч тәрбияләү; - тапшырылган эш өчен  җаваплылык, түземлек, тапкырлык, ярдәмчеллек, бер-береңә булышу кебек әхлакый сыйфатлар булдыру.

Мәктәптә “Язның беренче кунаклары” (сыерчык оялары, җимлекләр) муниципаль конкурсының мәктәп этабы игълан ителгән иде. Балалар әлеге чарада әти-әниләре белән бергә катнашты. Алар  җимлекләрне агачтан ясап кына калмыйча,  чәчәкләп бизәгән дә. Җимлек­ләр бик үзен­чәлек­ле килеп чык­кан.

Бу конкурска нәтиҗә ясап, җиңүчеләр билгеләнде.

“Иң матур җимлек” номинациясе җиңүчеләре: Мифтахов Айрат  -1 нче  урын , 2 нче урын – Зәйнуллина Алия, 3 нче урынны Сабирова Илвина һәм Муртазина Ләйсән бүлеште.

“Иң оригиналь җимлек” номинациясендә  җиңүчеләр: Ахметзанов Ислам – 1 нче урын, Миңнуллина Илфия – 2 нче урын, Мадаминова Асия – 3 нче урын.

Җимлекләрне мәк­тәп тирәсен­дә үсеп утырган агачлар­га эл­дек.