Бүген "Гражданин. Җәмгыять. Дәүләт" дигән темага 5-9 сыйныф укучылары өчен парламент дәресе үткәрелде.

Укучылар, укудан тыш, төрле  дистанцион чаралар- олимпиада, викторина, конкурсларда теләп катнашалар.

 8 нче февраль- Яшь герой антифашистлар көне уңаеннан мәктәптә тантаналы  дружина сборы үткәрелде. 

Гриппка каршы чара максатында укучылар белән сыйныф сәгатьләре үткәрелде.  Хәзерге вакытта  алар N1H1  -грипп вирусының симптомнары белән танышты. Укучылар бу вирус белән авыручылар хакында телевизион тапшырулардан хәбәрдар булуын әйттеләр.

Алар үзләре үк саклану кагыйдәләрен санап үтте:

1. -мәктәптән кайткач кулларны, борын куышлыкларын сабынлап юарга;
2. -саф һавада күбрәк йөрергә,спорт белән шөгыльләнергә;
3. -С витамины кергән ризыклар күбрәк ашарга;
4. -кеше күп җыелган урыннарда маска кияргә.

Һөнәрләр күп, һөнәрләр күп, кайсын гына, кайсын гына сайлап аласы... 

Илебездә 40 меңләп һөнәр барлыгы билгеле. Нинди генә һөнәрне сайласак та, белемле булырга, ә моның өчен тырышып укырга кирәк.

Профориентация максатыннан, бүген башлангыч сыйныф укучылары,  дәрестән соң, авыл хуҗалыгына караган һөнәрләр белән якынрак танышу өчен, фермага барды.

География фәнен тирәнтен өйрәнү   максатыннан 29 нчы гыйнварда Федоровск  урта мәктәбендә район мәктәпләре катнашында “Географик КВН” үткәрелде. Һава торышы начар булуга карамастан, 14 мәктәп КВНга килеп, көч сынашты. Безнең мәктәп укучылары да уенда актив катнаштылар һәм сынатмадылар. Бу бәйгедә капитаннар ярышы, географик диктант, ребуслар чишу, спорт эстафетасы һ.б. кызыклы чаралар каралган иде. Укучылар бу бәйгедән үзләренә күп кенә кызыклы мәгълүмат алып кайттылар.

Бүген математика атналыгының дүртенче көне. "Крестики-нолики" математик уены үткәрелде. 9 этаптан торган уенда 7 нче һәм 8 нче сыйныф укучылары ике командада чыгыш ясады. Нәтиҗәдә "Крестики" командасы җиңү яулады.

Математика атналыгы кысаларында, укучылар тәкъдим ителгән һәм үзләре тарафыннан ясалган ребуслар, кызыклы биремнәр чишәләр. Дәресләрдән соң, "Тәмлетамаклар утырышы" исемле сыйныфтан тыш чара үтте. Кызыклы формада оештырылган әлеге чарадан укучылар канәгать калдылар.

Чишмәләр, чишмәләр! Тереклек дөньясын үзенең татлы суы белән ләззәтләндереп, чылтыравы белән колакларны иркәләп, кешелекне сокландырып яшәтү өчен барлыкка китерелгән табигатьнең искитмәле хәзинәседер ул. Чишмә суы – ул Җир-Ананың кадерле бүләге. Ә менә шул хәзинәне саклап һәм кадерләп тоту бурычы кешегә йөкләнгән. Безнең авылыбыз яныннан узучы олы юл буендагы күпләр су алучы чишмәне карап тору да мәктәпкә һәм авыл җирлегенә йөкләтелгән. Шуңа күрә һәркөнне чишмәнең торышын, чисталыгын күзәтеп торабыз. Чишмәбезгә ярдәм кирәк булса, без һәрвакыт әзер.