Бүген бездә инглиз теленнән  2 нче сыйныф укучыларының хәрефләрне өйрәнеп бетүләре уңаеннан,  ‘The ABC’ бәйрәме узды. Оештыручысы - инглиз теле укытучысы Шагиева А.Г..  Бәйрәмгә кунакка ‘The ABC’ килгән иде. Укучылар инглиз телендә шигырьләр сөйләделәр, җырлар җырладылар. Соңыннан 2 командага бүленеп КВН уйнадылар. Командалар арасында кискен көрәш барды, нәтиҗәдә икесе дә җиңүче булып калды. Бәйрәм ахырында укучыларга бүләкләр тапшырылды.

Бүген мәктәптә "Рус теле көне" узды. Әлеге чараны 5-9 нчы сыйныф укучылары өчен рус теле һәм әдәбияты укытучысы Хәсәнова Э.Г. уздырды. Чара "Кто хочет стать миллионером"  телевизион уены форматында узды, үз эченә рус теле фәне буенча сорауларны туплаган иде. Иң элек үз көчләрен бары тик "5" ле билгеләренә генә укучылар сынады, аннан соң "4" һәм "5" кә укучылар, соңыннан чирегендә бер генә "3" булган укучылар белемнәрен тикшерделәр. Уенның җиңүчесе булып 8 нче сыйныф укучысы Бурганова Зилә калды. Аңа бүләк итеп Эльмира Галимулловна сүзлек тапшырды.

Бүген мәктәптә дәресләрдән соң  "Педагогик осталык. Бүгенге заман мәктәбе дәресе. Заман укытучысы" дигән темага пед.совет утырышы булды. Әлеге утырышты узган пед.совет карарларының үтәлеше тикшерелде, педагогик осталык буенча анкета үткәрелде, "Заман укытучысына ФГОС нинди таләпләр куя?" дигән темага методик доклад укылды (доклад белән чыгыш ясады директор урынбасары Хәсәнова Э.Г.);1 нче яртыеллык нәтиҗәләре  һәм региональ китапларга заказ бирү турындагы сораулар каралды.

Бүген мәктәптә метод берләшмә утырышлары узды. Әлеге утырышларда сүз укытуда яңа стандартларлар турында барды. Һәр укытучы ФГОС таләпләре буенча үз фәнендәге үзәрешләрне әйтеп китте.

Кышкы лагерьдә һәр көнне күңелле конкурслар булып тора. Укучылар 2 отрядка бүленеп үзара ярышалар. Бүген исә бездә "Мистер һәм Мисс Кыш-2013" мода конкурсы узды.  

Бүген мәктәбебезнең 5  укучысы, актив укучылар өчен оештырылган районкүләм чыршы бәйрәмендә катнаштылар.

Каникуллар булуга карамастан, мәктәп буш тормый. Башлангыч сыйныф укучылары кышкы лагерьда ял итәләр, урта звено укучылары каникул вакытына  планлаштырылган чараларда катнашалар. 9 нчы сыйныф укучылары имтихан бирәсе фәннәрдән консультацияләргә йөриләр, кичә мәсәлән, физикадан шөгыльләнделәр, ә бүген исә математикадан пробный ГИА эшлиләр. Әлеге чара ел башында ук планлаштырылган иде. Рус теленнән пробный ГИАны укучылар көзге каникуллар вакытында эшләделәр.

Кышкы каникуллар башланса да, мәктәбебез буш тормас. Чөнки, каникул вакытында укучыларны мәктәптә җәлеп итү өчен төрле чаралар планлаштырылды. 3 нче гыйнвардан  кышкы лагерь үз эшен башлаячак.

Мәктәбебездә яңа ел бәйрәмнәре узды. 5-9 нчы сыйныф укучылары өчен 28 декабрь көнне узды. Чара "Зәңгәр ут яктысында" дип аталды. Укучылар төрле номерлар белән чыгыш ясадылар, төрле уеннар оештырылды. Соңыннан лотерея билетлары уйнатылды. 1-4 нче сыйыф укучылары өчен бәйрәм 29 нчы декабрь көнне узды. Укучылар төрле чыгышлар ясадылар - җырладылар,  биеделәр, күңел ачтылар. Бәйрәмнәр оешкан төстә, укучылар күңеленә хуш килердәй итеп оештырылды. Кунакка әти- әниләр дә килгән иде.

Кичә,  9 нчы сыйныф укучысы Сөләйманов Ранис,  Казанда ТатнефтьАрена боз сараенда узган, "Президент чыршысы"нда катнашып кайтты. Ранис һәр яктан актив укучы ул спортта да, укуда да сынатмый, өстәвенә "KALKAN" профилактика отрядының командиры да.