Бүген тәрбияче балалар белән кышкы көннәрнең салкын булуы турында сөйләште.Салкыннарда кошлар бик ачыккан булалар.Шуның өчен аларга җимлекләр эләргә кирәк.Көн саен шул җимлеккә көнбагыш,бодай орлыклары салып торырга кирәклеге турында аңлатты.Балалар  белән кошларның исемнәрен кабатлап,искә төшереп алдык.

Бүген безнең Рәзиләбезнең туган көне.Аңа 5 яшь тулды.Рәзиләне туган көне белән котлыйбыз.Аңа сәламәтлек,бәхет,шатлык телибез.

Бүген безнең балалар бакчасында Яңа ел бәйрәме булды.Бәйрәмгә балаларны уеннар уйнатырга клоун кунакка килде.Ул төрле ярышлар үткәрде.Балалар Кыш бабайга шигырьләр сөйләделәр,җырладылар.Бәйрәм күңелле үтте.Яңа еллар котлы булсын!

Тәрбияче балаларга Яңа ел бәйрәме турында сөйләде.Ул ничек үткәрелүен аңлатты.Балалар шигырьләрен сөйләделәр.Биюләрен кабатлап карадылар.Кыш бабай белән Кар кызы ерактан,салкын җирләрдән киләләр дип аңлаттык.

Бүген балалар белән Яңа ел уенчыклары ясадык.Балаларны каршы алу бүлмәсен уенчыклар белән бизәп куйдык.Эстетик зәвыкъ тәрбияләнә,матурлыкны күрергә,сак тотарга өйрәнәләр.

Балалар зарыгып Яңа ел бәйрәмен көтәләр.Балалар бакчасында алар биюләр өйрәнә башладылар инде.Балаларның гәүдәне дөрес тоту,музыкага дөрес басу күгенүләре ныгытылды.

Тәрбияче балаларның үз-үзләрен әдәпле тотуларына һәрдаими ирешеп тора.Балалар ашаганда сөйләшмәскә,ризыкны ашап бетерергә кирәклеген аңладылар.Кызлар әниләренә чынаяк юышулары турында сөйләделәр.Кечкенәдән эш сөючәнлек,әдәплелек кагыйдәләре тәрбияләнә.

Бүген балалар белән тәрбияче Кыш бабайга хат язу турында сөйләштеләр.Кыш бабай салкын җирдә яши.Ул ерактан күп күчтәнәчләр алып килә.Балалар рәсемнәр буяп,Кыш бабайга матур теләкләр теләп хат яздылар.

Балалар белән тәрбияче һәрдаими шөгыльләр үткәреп тора.Балалар математикадан санау күнегүләрен кабатладылар, 10 эчендә санадылар,саннарны кабатлап алдылар.Мөстәкыйльлек формалаша.Фикерләү сәләте ныгытыла.

Кыш Бабай тәрәзәләргә төрле бизәкләр ясап йөри.Без дә балалар белән тәрәзәләрне бизәп куйдык.