Балаларны кечкенәдән төрле һөнәр ияләре белән таныштырабыз.Авылыбызда фельдшер булып эшләүче Наташа апаларының хезмәте белән танышырга кердек.Ул балаларга үзенең хезмәте турында сөйләде.Кешеләр сәламәт булсын өчен тырышып эшләвен әйтте.

Тәрбияче балаларны төз ыргытырга өйрәтте.Шундый уеннар безнең бакчада бик күп. Гәүдәне  дөрес тотарга,дөрес итеп ыргытырга өйрәнделәр.

Бүген тәрбияче балалар белән музыка уен кораллары турында әңгәмә үткәрде."Без шатланганда җырлыйбыз,биибез.Музыка килеп чыксын өчен төрле коралларда уйныйлар"-дип сөйләде.тәрбияче.Балалар бик күп музыка коралларын әйттеләр.Безнең бакчада музыка почмагы бар.Андагы уенчыкларның исемнәрен әйттеләр,уйнап карадылар.Эстетик зәвыкълылык тәрбияләнә,хәтерләре ныгытыла.

Балалар кечкенәдән үк кунак каршы алу турында белеп үсәргә тиеш.Безнең татар халкы бик хөрмәтчел,кунак сыйларга ярата.Төрледән төрле тәмле ризыклар пешерергә оста.Балалар да чәй ясап эчертү,сыйлау күренешен уйнадылар.Әдәплелек,өстәл артында үз-үзләрен дөрес тоту кагыйдәләре белән таныштылар.

Безнең балалар бакчасында гөлләр тәрбияләүгә зур игътибар бирелә.Тышта салкын булса да,безнең бүлмәдә матур булып гөлләр үсеп утыра.Гөлләрнең тузаннарын сөрттек,сулар сиптек.Гөлләрне яратырга,тәрбияләргә өйрәнделәр.

Балалар белән түгәрәкләрне,квадратларны сызыклар буенча кисәргә өйрәндек.Шул түгәрәкләр,квадратлардан төрле фигуралар ясап карадык.Балаларның кул чуклары ныгытылды.Фикерләү сәләте баетыла.

Балалар белән "Минем яраткан" әкиятем темасына әңгәмә үткәрелде."Шалкан" әкиятенә туры килгән рәсемнәрне табып,шуның буенча сөйләделәр.Балаларның сөйләм теле үстерелә,Дөрес сөйләшергә өйрәнәләр.

Бүген балалар белән тәрбияче сөйләм үстерү өстендә эш алып барды.А.Алишның "Куян кызы" әкияте белән таныштырды.Балалар әкият образларын дөрес итеп әйтергә өйрәнделәр.Сәламәтлекне сакларга өйрәнделәр.

Математика дәресендә балалар саннар составын өйрәнүне дәвам итәләр.9 санының составын өйрәнделәр.Төрле предметларны санап карадылар.Балаларның круг,квадрат,өчпочмак турында белемнәре ныгытылды.Әйләнә-тирәдә шул предметларны табарга өйрәнделәр.

Тәрбияче балаларны "Яшелчәләр" белән таныштыруны дәвам итә.Танып белү уеннары оештырды.Балалар кәрзингә яшелчәләрнең исемнәрен әйтеп тутырып бардылар.