Зурлар төркемендә йөрүче Рәзилә саннарга туры килгән расскраска буяды Бу төсләрне тануы ныгыта,саннарны хәтердә калдыруга ирешелә.

Балалалр легодан ниләр генә төземиләр.Бүген алар үзләре яши торган җирдә матур бер ял тү урыны ясадылар.Мондый уеннар вакытында бердәмлек,дуслык тәрбияләнә.Балалар төсләрне аерырга,төзү күнегүләренә өйрәнәләр.

Тәрбияче балаларга җырлы-биюле уеннар өйрәтүне дәвам итә.Бүген балалар  белән "Чума үрдәк,чума каз" уенын өйрәнделәр.Балалар сүзләрне дөрес әйтергә,хәрәкәтләрне хәтердә калдырырга өйрәнәләр.

Бүген халыкара кызлар көне билгеләп үтелә.Без дә балалар бакчасына йөрүче кызларыбызны бу бәйрәм белән котладык.Тәрбияче кызлар үзләрен ничек тотарга кирәклеге турында кагыйдәләр белән таныштырды.Әдәплелек,үз-үзләрен матур тоту тәрбияләнде.

Кечкенәдән баланың фикерләү сәләтен үстерү өстендә күп эшләр башкарылырга тиеш.Бүген балалар белән пазлдан  "Чуар тавык" әкиятен  төзедек.Балалар әкиятнең эчтәлеген сөйләделәр.Тәрбияче сөйләмдә киткән хаталарны төзәтү өстендә эш алып бара.Хәрефләрне дөрес әйтергә өйрәтә.

Бүген балалар белән трбияче табигать почмагын яңартып куйдылар.Рәсемнәр ябыштырдылар.Кошлар,хайаннар рәсемнәрен кисеп,буяп почмакка элеп куйдылар.

Бүген 5 октябрь-Укытучылар көне.Безнең коллективта тәрбияче Зилә Гәрәйхан кызының эш стажы- 35 ел.Бакча мөдире Гөлнур Әнәс  кызының эш стажы- 29 ел. Алар куп еллар башлангыч сыйныф укытучылары булып эшләделәр. Бәйрәм белән балалар,хезмәткәрләр котлап җылы,матур теләкләрен җиткерделәр.

Килгән чакта башка авырлык

Җитми калса көч һәм сабырлык

Сиздермичә ярдәм иткәнсез

Сез иң сабыр кеше икәнсез!

Тәрбияче бүген балалар белән математикадан 6 саны эчендә санау күнегүләрен аңлатты.Балаларга 6 санының килеп чыгуын аңлатты.6 санының күршеләре белән дә таныштылар.Геометрик фигуралар турында да мәгълүмат алдылар:түгәрәк,өчпочмак,овал төшенчәләрен кабатладылар.

Бүген 3 нче октябрь-балалар сәламәтлеге көне.Тәрбияче балаларның сәламәт булуын тәэмин итү өчен һәрдаими шөгыльләнеп тора.Төрле күнегүләр,уеннар оештыра.Бүген балалар белән туплар ярдәмендә күнегүләр эшләделәр.

Бүген балалар белән өлкәннәр турында әңгәмә үткәрдек.Балалар үзләренең әби-бабайлары турында сөйләделәр.1 октябрь- Өлкәннәр көне билгеләп үтелүен белделәр.Әби-бабайларын котлап открытка ясадылар.Зурлар төркеме группасына йөрүче Рәзилә шигырь ятлады.